وهذا التصميم اللي نفس بيتي واللي أكيد بيكون مكلف أكثر بس بيطلع أحلى وبدون وجود مساحة للبناء المستقبلي
الملاحظ في الارضين الكبيرة والمتوسطة قدرت اوفر مساحة للتوسعة المستقبلية .. ومستقلة عن البيت الموجود بالكامل .. الارض الصغيرة ممكن نخسر المواقف وممكن نسوي البيت بدون المجلس تحت وبيكون عندنا المجلس الخارجي ومجلس البيت الثاني الداخلي .. الجزء العلوي ممكن يكون معلق فوق المواقف
عملت تصميم لواجهة بيت ولدي ومثل ما ذكرت هذا نموذج سابق تم تصغيره لحدود 730 متر مربع .. وهنا موضحة الواجهة مع البنتهاوس بعد اضافة نوافذ عليه وحدة مرتفعة لضمان خصوصية منور الحمام الرئيسي وثانية جهة بيت الدرج .. ممكن أضافة منورين سقفيين واحد للصالة فوق البنتهاوس وثاني للصالة للدور الأول
صورة مقربة لمدخل المجلس المظلل بمظلة ممتدة ممكن توقف تحتها السيارة
اتصفح مواقع فيها بعض المخططات وحصلت هذا حق فندق .. أحسه تخيلي ولم ينفذ أو مبدئي باقي تفاصيل كثيرة
فيه بعد دورين غير ذيه ما فيه داعي احطهم وهذا صعب تنفيذه ومكلف وما يفرق كثير عن القواطع المستقيمة بالعكس المستقيمة أفضل
هذا رسم للواجهة الجانبية واللي بتطل على الحديقة ومقابلة شرق
لاحظت ضرورة وزن الواجهة بخط محفور اضافي واحد فوق والثاني تحت قرب اتصال الجدار بالأرض .. بتكون فيهم إنارة محفية شريطية
وهذا توضيح لمكان الانارة وبتكون مركبة في قطعة المنيوم تخفيها ويبين النور ساطع على وجه الحفر من الداخل وارتفاع الجزء المحفور 20 سم
ممكن نحط لون معين أو كم لون نقدر نغيرها
عمق الحفر هنا 5 سم بس 2 سم كفاية وممكن ينعمل في البلاستر
وهذا للجزء السفلي موضح على عمق 2 سم .. هذي الكسرة بعد تفيدنا في عدم ارتفاع الرطوبة للحائط بحيث يكون الصبغ تحت زيتي لامع ينعكس مع النور كذلك ويقاوم الرطوبة ويمنعها من الارتفاع .. والشكل يمثل نعلة جمالية وفاصل بين الارض والجدار
جربت احط التصميم اللي حق ولدي بدال بيتي .. باوفر حول 500 متر مربع من مساحة البناء وبتكون عندي حديقة داخلية مغطاة أكبر بحدود 50 - 40 متر مربع .. بتكون في جهة بين البيت وحوض السباحة وممكن نمر بها لحوض السباحة والمخطط واضح اعتقد .. حتى أرض ولدي بيكون بيته في الطرف علشان نستفيد من الحوش المشترك بيننا وغيرت تشكيلة الملحق حتى يسمح بانفتاح الرؤية لجهة الحديقة المفتوحة
مثل ما هو مكبر في هذي الصورة عندنا الحديقة الداخلية بمقاس 7.5 في 26 متر وفيها نقدر نرتب مجرى مياه وزراعة معتبرة داخلية وحتى تكييف تلطيفي للجو وممكن بطاقة مباشرة من الشمس بدون بطاريات وشفته معمول في زرع
ايه.. هذي يبو عبدالله ايبيلي شرح ونثيل عشان اتصورها.. الله يعطيك العافية
اللهــــــم ارحم أخي فايز واسكنه فسيح جناتك وسائر أموات المسلمين
لو انت متابع التصميم السابق وما زلت مقتنع به بس بيكون مكلف بحدود ال 6 مليون بالراحة .. شفت امكانية إني آخذ هذا النموذج ويكون تصميم واحد لي ولولدي بحدود مليونين للبيت وباقي المباني أكيد بتزيد التكلفة مليونين ثانين فوقها يعني وفرنا 2 مليون .. كلها ما زالت أفكار حتى البنيان للحين ما لي نية اقدم عليه في الوقت الحالي وبانتظار ما بعد أو قريب من 2022المشاركة الأصلية كتبت بواسطة سالم الزهران
الإنسان يا اخوي يبالغ أوقات وما يحتاج لهذا كله .. 7 غرف على أساس ولدي الصغير ممكن يكون معاي بس عارف من يتزوج بيقول انا بابني
فعلا هذا أحلى وأشرح
ممكن تكلمنا عن تقنية تلطيف الجو ؟
ايش اسمها و من اي شركة ؟
ما ارد للجاهل ولا اسمع حكاويه ... حيــاي يمنعني من القيــل والقــال
The best way to survival is to save each other
الأجواء الساحرة في جزيرة البنانا .. شاركوني متعة اللحظات ..!
ضوابط المشاركة
رد مع اقتباس
