صفحة 199 من 296 الأولىالأولى ... 99149189197198199200201209249 ... الأخيرةالأخيرة
النتائج 1,981 إلى 1,990 من 2954

الموضوع: مراجعة التصاميم المعمارية وابداء الملاحظات عليها (محدث)

  1. #1981
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    أحد الإخوان أرسل تصميمه ومتخوف من تكلفة البناء لأن المساحة تقترب من 1500 متر مربع ومعاه حق

    انا بشوف شالممكن لتحسين التصميم وممكن يتصغر بس مهم انه يقتنع بالتعديلات ومن وجهة نظري أهمها الكسرات والبروزات هذي جميلة على الرسم لكن على الواقع مملة وغير عملية وحتى صعبة في البنيان ومكلفة بسبب إن لكل زاوية عمودين متجاورين وعارف شغل مبالغات الانشائيين عندنا

    الارض قصتها غريبة وأول مرة تواجهني وصراحة عجبتني معالجة الاستشاري للملحق وللمواقف لكن أشوف صعبة يفتح باب سلايدنغ طوله 9 متر أو 8 أقل شيء لدخول 3 سيارات متجاورة .. لو مسموح يحط 3 أبواب ترتفع لأعلى ومجزأة بيكون أسهل وممكن يوافقون التخطيط ألحين

    هذا المخطط العام للأرض


  2. #1982
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    ما ادري ليش كل الاستشاريين يحطون هذا الطابوق ما ادري مفروض بالغصب وبعدين التنفيذ غالبية الملاك يركبون العادي وصراحة أفضل من ذيه وأرخص .. هذا ميزته انه عازل بروحه والأرقام محطوطة وطلعت هنا خربطة عربية .. المهم هو اختباراته كوحدة واحدة جيدة في العزل لكن كنظام مبني في حائط فيه فجوات كثيرة تمثل جسور حرارية تخلي عزله ولا شيء .. منها المونة بين الطابوق ومنها الجسور الخرسانية وهذي أقاربها بحدود ثلث مساحة واجهات البيت يعني تبقى مساحة الثلث رديتر حار يحرق الجو داخل البيت صيفاً ويثلج بالأرضيات والجو شتاءً

    فوق هذا الطابوق ذيه غالي وفوق أكثر ضعيف وما يصلح لتمديد الخدمات

    انا دوم مع العزل الكامل للجدران والأسقف وحتى لو أمكن للأرضيات المتصلة مع التربة وتفاصيل العزل ذكرتها مرات عديدة

  3. #1983
    عضو فعال
    رقم العضوية
    49176
    تاريخ التسجيل
    Sep 2015
    الدولة
    الارض
    المشاركات
    2,026
    اقتباس المشاركة الأصلية كتبت بواسطة معماري قطري مشاهدة المشاركة
    أحد الإخوان أرسل تصميمه ومتخوف من تكلفة البناء لأن المساحة تقترب من 1500 متر مربع ومعاه حق

    انا بشوف شالممكن لتحسين التصميم وممكن يتصغر بس مهم انه يقتنع بالتعديلات ومن وجهة نظري أهمها الكسرات والبروزات هذي جميلة على الرسم لكن على الواقع مملة وغير عملية وحتى صعبة في البنيان ومكلفة بسبب إن لكل زاوية عمودين متجاورين وعارف شغل مبالغات الانشائيين عندنا

    الارض قصتها غريبة وأول مرة تواجهني وصراحة عجبتني معالجة الاستشاري للملحق وللمواقف لكن أشوف صعبة يفتح باب سلايدنغ طوله 9 متر أو 8 أقل شيء لدخول 3 سيارات متجاورة .. لو مسموح يحط 3 أبواب ترتفع لأعلى ومجزأة بيكون أسهل وممكن يوافقون التخطيط ألحين

    هذا المخطط العام للأرض

    مشكلة الغالبية هي هدر المساحات .. ممكن توظيف المساحات بشكل افضل لو تم التركيز على الاشياء الأساسية و ترك التقليد الاعمى!

    شكل ستايل بيته كلاسيك و هذا السواد الاعظم من الناس يمشون عليه!
    انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
    لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة​

  4. #1984
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    اقتباس المشاركة الأصلية كتبت بواسطة SouthK مشاهدة المشاركة
    مشكلة الغالبية هي هدر المساحات .. ممكن توظيف المساحات بشكل افضل لو تم التركيز على الاشياء الأساسية و ترك التقليد الاعمى!

    شكل ستايل بيته كلاسيك و هذا السواد الاعظم من الناس يمشون عليه!
    بنشوف إن شاء الله شالحل وإن شاء الله نعينه على اختيار الأفضل والله انشغلت اليوم والا كنت باضيف بقية المخططات وباضيفها بالتدريج

  5. #1985
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    مخطط الدور الأرضي وانا اشتغل عليه ألحين وكلما تعمقت في دراسته تطلع لي أشياء تتصلح أكثر

    مثلاُ مسوي جنب المطبخ ممر وأحلى يكون الممر هذا من ضمن المطبخ لأن المطبخ داخلي ونحتاج نمر منه للخروج للمطبخ الخارجي ولو ضفنا مساحة الممر للمطبخ بنقدر نوزعه أفضل .. والدرج تحته مدخل ولا بينهم شيء كلش .. وبعدين عندنا باب كبير يسار يطلعنا على حوش ضيق ومسوي غرفة المعيشة صعب توزيع أثاثاها من كثرة البيبان



    الحمامات صراحة مأساة بس كله علشان الكسرة هذي


  6. #1986
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    الليلة بالكثير أو بكرة باحط تعديل الدور الأرضي

    وهذي صورة لتوزيع الدور الأول



    الله يعيني عليه شكل تعديل الدورين حتى يتناسقون مع بعض يبي له اسبوع


  7. #1987
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    هذا تصميم البنتهاوس كما عمله الاستشاري



    هذا القطاع الطولي وجدول الدرايش والأبواب .. على هذا التصميم للدرايش طبيعي تكون ألمنيوم مستحيل تستوي يو بي في سي أو صعبة وايد .. ممكن لو حاب التشكيلة ذي يسويها خارجية بالحجر بس فتحة الدريشة تكون مستطيلة وممكن مقوسة شوي من فوق وحطيت مثالين للتقويس وحطيت الرجال وين وشلون الدريشة مرتفعة وايد .. ارتفاع 80 سم لو فيه أثاث قرب الدريشة زين وبحد أقصى 90 سم أما 105 سم ورافعها وايد مقربها 20 سم للسقف مشكلة .. انا كشخص احتاج ارتفاع بسيط فوق راسي وارتفاع 2.4 متر للدرايش والأبواب ارتفاع مريح ومسكت وفوق هذا اقتصادي وبنفس الوقت أقدر اشوف بزاوية للسماء منه أما يسويها لي فوق 3 أمتار شاستفيد




  8. #1988
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    هذا تصور مقرب للدريشة المثالية بالأخضر ودريشة رفيجنا الاستشاري اللي موصلها قرب السقف 20 سم من صبية السقف .. ومسوي ارتفاع البيت 13.5 متر على قانون قبل والحين بسهولة يعطون موافقة ل 14.5 وحتى ممكن أكثر .. حتى التكييف فوق صعب تغطيته




  9. #1989
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    سمك صبية السقف 15 سم وهذا مستحيل مع استشاريينا وعادي بكرة بيسويه الانشائي 30 سم + طبقات العزل والسكريد بين 10 و 15 سم .. شيبقى من سور السقف؟ أو من المسافة لين راس الدريشة لو نزلنا الزيادة تحت

  10. #1990
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    الواجهات معتمد الاستشاري على تصميم الحجر وتفاصيله بس سوى بروز في سور السقف وهذا بعد لو خلاص لمصمم الحجر أفضل .. والقرار أكيد للمالك من البداية يحدد توجهه .. شيء ثاني اللي بيسوي حجر ويشوهه أو حتى واجهات عادية ويشوهها بدكتات هشكل ما كأنه سوى شيء .. ليش ما يخلي الدكتات داخلية وبلاط الحمامات والمطابخ يغطيها بطريقة يكون مثبت بسيليكون وممكن ينفتح للصيانة ويسوي الخارج متجانس وبدون بروزات ما لها داعي




صفحة 199 من 296 الأولىالأولى ... 99149189197198199200201209249 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •