رأيي في شنو ؟ اذا لي نص مليون موافقه
تُنسى ، كأنَّكَ لم تَكُنْ ..
تُنسى ، كأنَّكَ لم تَكُنْ ..
أكملت بعض التعديلات وأضفت مواد لبعض العناصر مثل الارضية الخارجية وطريق السيارات .. والأهم قدرت أعدل شدة وسطوع الإضاءة وحالياً الكمبيوتر من البارحة شغال على أنميشن مع رندر يعني حركة مع صورة قريبة للطبيعية مع الظلال .. باقي 17 ساعة بس إحتمال ياخذ أكثر ويخلص بكرة الصبح .. هذا الشكل سهل ياخذ دقايق
هذا مجتزأ لباب الغرفة آش وود بس بدون فريم وبدون مقبض .. نسخت صورة الآش من الانترنت وبرمجتها في مواد الاوتوكاد وكبرت النقشة حتى تغطي الباب كامل .. أي نوع خشب وأي لون سهل يتطبق حتى لو من صورة من الجوال وهالطريقة تعلمتها ألحين بس ومن اليوتيوب بسهولة
حتى إجتزاء عناصر معينة من المبنى سهل ويسرع الإظهار الصوري وايد
نوع خشب غير بعد آش اللون شوي أفتح .. الباب ممكن يستوي بدون فريم يكون فريم حديد أو ألمنيوم مخفي مع البلاستر والزوايا البارزة تغطى بقطع ستانلس ستيل ويبقى بهذا الشكل بس الزوايا تبين منحنية شوي ولامعة حسب نوع الستيل وفيه الروز قولد وألوان وايد غير بعد أقدر أجربها هنا وممكن تطبيقها بسهولة في الطبيعة تفاصيل تصميم وتطبق نفسها نفس الفريم الخشب والطريقة المعتادة والتكلفة ممكن تكون متقاربة
هذي الطبيلة قبل لا أعدل الإضاءة والأرضية درجة سطوعها قوية والظلال واضح أكثر .. الطبيلة بتكون الواجهة جسر خرساني وطابوق 10 سم في الجوانب وفي الواجهة 20 سم تعطيه فخامة أكثر .. الواجهة كلها خرسانة مب طابوق العمود خرساني
الدوار صغرت شوي النافورة في الوسط 40% تصغير عن قبل وأضفت تشكيلة الماي لها
حتى البلاط هذي قطع صغيرة حجم 3 سم في 3 سم
هنا أجرب التناسق لقطع الجي آر سي للنوافذ .. اليمنى 50 في 50 سم واليسرى تركب 40 سم .. أشوفها أحلى بدون إضافة البرواز حول الدريشة .. وممكن أخلي البرواز عبارة عن كسرة بسيطة في البلاستر ولون غير وباجرب الشكل على الرسم قبل والا ذيه كفاية .. القطعة الوسطى تبين شوي كبيرة على الدريشة الصغيرة ولو أصغرها شوي وأوحد قطع الزاوية كلهم 40 سم ممكن يكون الشكل أحلى .. هذي تحتاج دراسة وتفكير عميق وقربنا نخلص .. فيه سترب لايت بيجي من فوق وراء القطع الثلاث ينور تجويف الدريشة بلون هاديء ويبين القطع
أنميشن شوي أوضح لدخول السيارة
اللي طالعه في الخلفية منورة الشمس بالغلط طلعت مكبرها 4 مرات وتبين تشكيلة السماء والغيم لأني خففت الإنارة
ألحين جربت شوي على الإضاءة وبديت اشتغل على طبيلة السيارات خلصت بعض الصور وكنت فاصل الطبيلة عن غالبية المباني حتى اخفف حجم الملف
حاولت احط إضاءة نقطية صغيرة داخل تجويف الزوايا بلون أزرق وقت الرندر تقلب بيضاء .. هذي الصورة فيها الإنارة المخفية مثل النعلة تحت شريط ال اي دي وفيها خمس ليتات عادية فوق في الجسر مال الواجهة وفيها ثلاث ليتات صغار في كل زاوية
الصورة الثانية يبين شريط الال اي دي وهذا بيكون حول البيت وصوب حوض السباحة وبيكون في بعض الكسرات فوق
هنا بس ليتات الزوايا .. إحتمال أخلي شريط ال اي دي بعد وراها ويولع عليها بلون معين والا بألوان الواحد يختارها
الزاوية مكبرة بس الظاهر ليت في التجويف اليمين فوق احترق
هنا بس واحد اللي يبين في هذي الزاوية
من هذا أشوف ممكن لو أركب إنارة من تحت قرب العواميد تنعكس على الزوايا أحلى وباركز في الفترة الجاية على رسم الغرف وتفاصيلها مع الإنارة
طقطقت شوي على تقسيم الدور الأول وعمل الحوائط الداخلية .. البنتهاوس خلصته قبل والدور الارضي خلصت جزء منه وباقي كثير
الإرتفاع بيكون بحدود 4.4 متر بس بعد الجبس بينزل أكيد لحدود 3.6 أو 3.8 والجبس مفكر أسويه مودرن بدون كورنيشات
هذي دورة مياه الغرفة الرئيسية اللي بتكون بارزة من بقية البيت ومعلقة جزء الشاور والبانيو بس الحوائط الخارجية ما وضحتها مخفية حالياً وباوضحها مع الدريشة اللمتدة سكايلايت .. هنا المهم التوزيع والمساحات
هنا بداية المحاولة واشتغلت على المغسلة والخزانة اللي لها المغطاة بالمراية والإنارة المخفية وطالعة من الأطراف حتى تنعكس على الوجه
بعد ما قويت الإنارة
اللي بداية اليسار هذي التسريحة والممر الموصل لغرفتين الملابس وبعدين لدورة المياه الكبيرة والثانية الأصغر
شوي الإضاءة خافتة بدون نور الشمس
فوق بيكون الممر اللي بين الحمامين عرضه حول 140 سم ويساره الممر بين غرفتي الملابس .. بيكون فيه قوس فاصل مب جدار مثل ما هو مبين
ذي وأبواب كبت التخزين فوق المغاسل مفتوحة
هذي بالإضاءة كاملة نهارية وليتات
يبين باب دورة المياه الصغيرة من الباب
الباب بينفتح على البديه وباب الشاور يبين خفيف مفتوح الجهة العكسية
التصميم بسيط وسهل يتنفذ ستاند طابوق بعرض 20 سم وارتفاع 80 سم يحمل المغسلتين في أعلاه والبوكس مال المرايا بعرض 182 سم وارتفاع 100 سم وعمق 17 سم بيروح منها 5 سم محفور له في الحائط من التأسيس وتبقى 12 سم بارزة ومعلقة الإضاءة الشريطية على البوكس .. بيكون داخله كهرب للسشوار ولأي شيء ثاني والواجهة لوح خشب عليه المراية ممتدة شوي أكثر تخفي البوكس وتخفي الإنارة وتكون مثل المقبض تحت ينفتح بها الباب
فيه إمتداد 15 سم جهة الكرسي والبديه هذا بيكون فيه البايبات حتى تكون بعيدة عن الحرارة والحائط الخارجي وبتكون محمية وممددة في دكت سهل سحبها وتغييرها وممكن يكون فيه السيفون المخفي مع إني أفكر في النوع الجديد اللي بدون سيفون وبدون خزان ماي .. وفي ذي الحالة أقدر أسوي روشنة بإنارة مخفية بعد