فوق نفس الترتيب وبسهولة أيضاً .. شيء مهم هو الهواء الداخل من الحديقة الداخلية وهذي بيكون تكييفها بسيط وتلطيفي من فوق وحدة تكييف على السطح والبايبات تدخل لإمداد الهواء النقي من فوق الجبس للغرف والفتحة في التجويف المخفي .. لكل غرفة 4 تجويفات للإضاءة المخفية ولفتحات الهواء حسب موقعها فبنكون وظفنا الفتحات هذي لكل هالأمور .. ممكن أخليها 50 سم لسهولة التعامل مع الدكت لتنظيفها وقت الحاجة
هنا توضيح لمسار بايب دخول الهواء من الحديقة باللون الأخضر المتقطع
توضيح لقطاع طولي في الجدران والسقف والجبس البسيط ودكت التكييف والموزع
توضيح مكبر لمكان الإنارة
بهذي الطريقة بنكون ضمنا هواء نقي بنسبة معينة للغرف والصالات وتجديد هواء البيت بالكامل وضمنا هواء بدال المسحوب من دورات المياه والمطبخ ونفس الوقت إشتغال جيد لمراوح الشفط ونفس الوقت تبريد مناسب لدورات المياه
أضفت درج للصيانة ومهرب طواريء .. يبين في الطرف اليمين فوق حلزوني حديد بمقاس 1.8 في 1.8 صافي من برا 1.9 في 1.8 لأن حايط البيت يغطي والحوايط الثلاث الباقية بسمك 10 سم وممكن حتى تكون اسمنت بورد .. بيكون يضمن الخصوصية للجيران لأنه مغلق من كل الجهات وبيكون فيه بابين حديد فوق وتحت ممكن قفلهم للأمان
السقف للبنتهاوس بتكون فيه حرية لوضع التكييف مثل ما نحب سواء دكت سبلت والا سبلت نفس الدورين تحت .. مراوح سحب الهواء لدورات المياه بتكون في جزء طابوقي مرتفع وفيه مخفية المروحة وبايبها وبايب الكهربة لها .. حتى تكون بعيدة ولا تسبب ازعاج وصوت في دورات المياه
بوعبدالله كم مدة تنفيذ بيتك كامل اذا مافي عائق مالي ؟
لان خرايطك خذت سبع سنين
تُنسى ، كأنَّكَ لم تَكُنْ ..
متعودة تضربين في أماكن قاتلةالمشاركة الأصلية كتبت بواسطة sara jsm
بوعبدالله كم مدة تنفيذ بيتك كامل اذا مافي عائق مالي ؟
لان خرايطك خذت سبع سنين
انتي شايفة السوق شمسوي فينا وأكيد بتكون فيه عوائق مالية لو بقى الحال على ما هو عليه .. بعدين من قايل لج سبع سنين بس .. الأرض طلعت بعد ما سكنت بسنة يمكن ومن وقتها أصمم وكم تغيير سويت لين وصلت للي وصلت له بس ما كان فيه استمرارية أو جدية .. تصدقين حتى يمكن للحين ممكن فكرة ثانية ابني بيت ولدي بس وبيتي اخليه والا اسويه استراحة ابني المجلس بس والبوابة ونسكن لاجئين في كباين .. حل أخير وهو الممكن أخلي خطتي بنيان على 5 سنين
سويت مقطع يوتيوب حق شرح تصميم بيت أحد الإخوان وبعض التعديلات عليه .. هم جزئين وهذا الأول
قصير حول 50 دقيقة
ماشاءالله مقطع هالطولهاي فيلم اجنبي على جزئين ..
دايما احمد ربي اني مااعرفك في الصج واجد نفر قرقر
بوعبدالله اذا انت مرتاح في بيتك ومب مستضيق يااخي سولك صيانة من داخل ومن برع ..
ممكن توسع او تشل طووف تكبر وتصغر وترتب كل شي بدال ماتبتدي من الصفر ..
منها توفر وقت وجهد وطبعا مال … وابني حق ولدك عشان يستاسع .. قالص فيه اشله
عيد حساباتك واستمتع في فلوسك ولا عطني اياهم اخشهم
تُنسى ، كأنَّكَ لم تَكُنْ ..
والله فكرة قلبتها في راسي موقع بيتنا هنيه أحسن من الموقع الثاني بس الثاني أوسع وبيخلصون البنية التحتية قريب .. والفلوس تجيب فلوس والحمد لله أقدر ابدي شوي شوي ولا مستعجل خمس سنين تنفعماشاءالله مقطع هالطول
دايما احمد ربي اني مااعرفك في الصج واجد نفر قرقر
بوعبدالله اذا انت مرتاح في بيتك ومب مستضيق يااخي سولك صيانة من داخل ومن برع ..
ممكن توسع او تشل طووف تكبر وتصغر وترتب كل شي بدال ماتبتدي من الصفر ..
منها توفر وقت وجهد وطبعا مال … وابني حق ولدك عشان يستاسع .. قالص فيه اشله
عيد حساباتك واستمتع في فلوسك ولا عطني اياهم اخشهم
الفيديو الجزء الثاني اقصر بس 18 دقيقة خلوني اجرب فيكم
ضوابط المشاركة
رد مع اقتباس
