هلا اختي سويت الدرايش القوس البسيط مناسب للعريضة وافكر أسوي الثنتين الصغار قوس مكتمل .. عندج درايش المجلس قوس كامل مستطيلة وضعيفة ومناسب لها .. الواجهات الثانوية بعد لازم افكر فيها وهو التصميم لازم بيمر بمراحل ومتقبل كل آراءكم وطبقت بعضها خصوصا لحوض السباحة وخصوصيتهالمشاركة الأصلية كتبت بواسطة sweet qatar
دام اخترت الستايل التراثي لازم تحط خشب
و حلو بعد لو تطعم الواجهة برخام
شكلك تحب درايشك عشان جذي بتسوي مثلهم*
الله يتمم لولدك على خير وتفرح فيه وفي اخوانه
تقدر تخليها بدون قوس
اختيارك للستايل القديم يعطيك تحدي انك تبدع و تبتكر لان الدوحة كلها صارت ستايل قديم
من النادي الدبلوماسي لين مشروع مشيرب
الله يوفقك
ما ارد للجاهل ولا اسمع حكاويه ... حيــاي يمنعني من القيــل والقــال
The best way to survival is to save each other
الأجواء الساحرة في جزيرة البنانا .. شاركوني متعة اللحظات ..!
وفالك التوفيق اختي
صحيح ممكن مستطيلة عادية باجرب للحين ما استقريت حتى المجلس شكله حديث بس فيه بعض العناصر بشكل قديم محدث .. أحب الحديث السهل والجميل والكتل تبين من بعيد ولها شخصيتها
واكيد نقد الجميع اخذه في عين الاعتبار
تصميم لأحد الإخوان في المنتدى وفيه شوية مغامرات هندسية ابيكم تشوفونها وتعطوني وتعطونه آرائكم ونسوي تعديلات بحدود ونشوف شيصير
هذا الحوش مع المباني وباحط المخططات مثل ما هي وهذي تعتبر معمارية نهائية
ملاحظتي المبدئية هنا هي مدخل السيارات ووضعية الطبيلة شوي عائق ولو خلى المدخل يسار قرب المجلس بيكون أسهل وممكن يضيف طبيلات أكثر خصوصاً البيت كبير ولازم بيحتاج لسيارات أكثر
الدور الأرضي يتوسطه حوض السباحة وفيه فتحة في الدور الأول ومنور في السقف حق حوض السباحة .. المشكلة النور بيوصل حوض السباحة يمكن حول الساعة وقت الشمس تكون عمودية ومع ميلان الشمس وقت الشتاء ما ادري شكثر بيوصل النور ممكن يوصل الجدران ولا يوصل الماء
مشكلة ثانية ما فيه خدمات للحوض غير غرفة المضخات وهذي قريبة من الحوض ومزعجة نوعاً ما وبارتب لها موقع ثاني ومفكر أصلاً في موقع غير لحوض السباحة بس المالك مصر على نفس المكان .. يصير بس لازم ناخذ احتياطنا للرطوبة وريحة المعقمات ولو يستخدم تعقيم الاوزون أو الفوق بنفسجية بيكون بدون ريحة بس الرطوبة
الحل عمل حوائط زجاج وحتى من فوق حول الفتحة بحيث يكون سهل رؤية الماء والرطوبة تكون محصورة في حيز الحوض وممكن نفتح أبواب زجاج وقت الحاجة
طبعاً نقلت الفتحة فوق بخطوط مقطعة حمراء والمنور بالأزرق المتقطع
الدور الأول بانتظار تعليقاتكم
والسقف أخيراً والواجهات بعدين ان شاء الله
السقف فيه صالة رياضية وخدمات كافية حق حوض السباحة وممكن نعمله فوق مكشوف للهواء والشمس وممكن يتغطى ببلاستيك مع عوارض حاملة وجدران بلاستيكية أو زجاجية كذلك وقت عدم الاستعمال
مرحبا استاذي
عندي بعض التساؤلات بالنسبة للتصميم
ليش ورا البيت 3 متر مب 2 ؟
حبيت فصل اللفت عن الدرج وهو الخيار الافضل ، لكن اللفت اعتقد مكانه غير مناسب
مجلس النساء ما يصلح يكون آخر البيت المفروض يكون قريب مدخل البيت
وما فيه خدمات ، يحتاج مغاسل و حمام تكرمون إضافة لوبي مجلس الحريم المفروض يكون ساتر مب عند اللفت
غرفة الضيوف مدخلها على مجلس وحمامها خارج الغرفة وبينها وبينه مغاسل
تخيل عندك مناسبة واستضفت حد في البيت قام من النوم والمجلس مليان
هذي بعض الاشيا الي لفتت نظري في الدور الاول لكن يمكن صاحب البيت عنده سبب مقنع !!
باقي الامور بنتكلم عنها بعدين بس ابي افهم فلسفة توزيع البيت
ما ارد للجاهل ولا اسمع حكاويه ... حيــاي يمنعني من القيــل والقــال
The best way to survival is to save each other
الأجواء الساحرة في جزيرة البنانا .. شاركوني متعة اللحظات ..!
قانون البلدية الارتداد 3 متر .
سويت طلب ارجع الفيلا للخلف مع ارتداد 2 متر . وتمت الموافقة لان البيت الي وراى بيت الاهل بس بدون فتح النوافذ
يعني الغرفه الخلفيه في الدور الاول صارت نوافذها على الاجناب
التعديل الأخير تم بواسطة سعود. ; 18-09-2016 الساعة 10:08 AM
اها كنت احسبه مترين
شكرا على التوضيح
ما ارد للجاهل ولا اسمع حكاويه ... حيــاي يمنعني من القيــل والقــال
The best way to survival is to save each other
الأجواء الساحرة في جزيرة البنانا .. شاركوني متعة اللحظات ..!
مرحبتين الزائرة الدائمةمرحبا استاذي
عندي بعض التساؤلات بالنسبة للتصميم
ليش ورا البيت 3 متر مب 2 ؟
حبيت فصل اللفت عن الدرج وهو الخيار الافضل ، لكن اللفت اعتقد مكانه غير مناسب
مجلس النساء ما يصلح يكون آخر البيت المفروض يكون قريب مدخل البيت
وما فيه خدمات ، يحتاج مغاسل و حمام تكرمون إضافة لوبي مجلس الحريم المفروض يكون ساتر مب عند اللفت
غرفة الضيوف مدخلها على مجلس وحمامها خارج الغرفة وبينها وبينه مغاسل
تخيل عندك مناسبة واستضفت حد في البيت قام من النوم والمجلس مليان
هذي بعض الاشيا الي لفتت نظري في الدور الاول لكن يمكن صاحب البيت عنده سبب مقنع !!
باقي الامور بنتكلم عنها بعدين بس ابي افهم فلسفة توزيع البيت
معاج حق في كل تساؤلاتج وانا حاولت ارقع اللي يترقع والمالك مب مقتنع باللفت وبمكانه يقول حطه آخر شيء .. المشكلة اللفت ينتهي في البنتهاوس والبنتهاوس فيه غرفة خدامات يعني جدامهم أما ينزلون بدرج الخدمات وبعدين يمرون في الصالة مالت الدور الأول ويروحون للدرج الثاني وينزلون للملحق اللي في الجهة الثانية .. أو ينزلون ويركبون في اللفت
آقدر اسوي الدرج مال الخدمات واصل للدور الأرضي بكل سهولة ويطلعون للملحق من الحوش .. بس مشكلتنا لا ارادياً بيستوي هذا الباب الخلفي اللي يدخلون منه أهل البيت لوجود اللفت قريب .. حتى انا حطيت سيارتين هناك بمظلات
طبعاً الاستشاري مصغر السيارات والطبيلات وانا سويتهم 6 في 3 .. واللي قرب المدخل صغرت العرض 20 سم بس حتى يستوي مكان لدرج البيسمنت تحت المجلس اللي طالبه صاحب التصميم
إندمجت مع التصميم خلصت أغلبه بس فيه أُمور الاستشاري ملخبط فيها من ناحية الخطوط والمقاسات .. ما اظن الأرض عوجاء هو مسويها جهة 2 سم أقل من جهة
خلينا نشوف اللي وصلت له حق حوش البيت
الملاحظات الثانية غرفة السايق جنب المجلس وهذي بعد ما ياخذ الرخصة يفصلها ويفتح لها باب غير باب المجلس
الملحق بين باب المطبخ لين باب المطبخ الداخلي حول 20 متر
لازم بتكون فيه حاجة حق خزان صرف صحي وهذا ممكن يجي بالطول مقابل المظلة الكبيرة بس لازم يسوي سلوب وفتحات تصريف لماي غسيل السيارات وينزل الماي في بيب تحت الأرض لخزان الصرف لأَن الماي فوقه بيخرب الخرسانة
ضوابط المشاركة
رد مع اقتباس
