نجــم السناب تشات الأول .. ماجــد الصبــــاح @@

[راجي الْعفو]

والله ياراجي لو اتوضح الموضوع شوي يكون افضل
لاني شفت له كم مقطع وماشفت شطحات

ولا عليك امر انت وش شفت؟
قصدي شطحات

هلا اخوي غريب توني اشوف ردك

و ان شاء الله تكون عرفت الجواب من رد الاخت ضوى ..

[يمامـة]

سمعت عنه من سويتي في احد مواضيعها ولقيتها بعد تمدحه في موضوع حمد الاخير عن السناب..

وللامانة عرضت على خوسيه يضيفه ظنا مني ان فيديوهاته تنفع لكل الاعمار..

ولكن بعد كلام ضوى وتحديد النقاط المذكورة في شطحاته..

الحمدلله ان خوسيه رفض يضيفه يومها ..

قد يكون السيد الشيخ المذكور له فيديوهات تستحق الاشادة
ولكن لابد من ذكر نوعية فيديوهاته للي مثل حالاتنا ما ندري عن السناب ولا نتابع فيدوهات العالم..

ممكن يقع تحت ايادينا بعض مقاطع الفيديو من هنا او هناك فيها تجاوزات شرعية..

لكن ان نشجع عيالنا انهم يضيفون اجان او عرب يتبعون مثل هالمخالفات ( راح يحاسبنا ربنا على الامانة)


وبمناسبة الكلام عن السناب..

من يومين كانت احداهن في زيارة خاصة لنا في البيت وتكلمت عن شيخ كويتي متزوج
صينية له حساب في السناب.. وله رقم في الوتس وحساب في تويتر..

ممكن التواصل معاه او مشاهدة فيديوهاته في الصين .. فهو صاحب خبرة كبيرة بالاسعار
والاماكن في الصين.. اسمه بوناشي الكويتي.. حسب ما لقطت اسمه..
فهم يمدحونه مثل ما تمدحون المذكور في هالموضوع..

[حرف]

يمكن لانه شيخ و وسيم العالم تتابعه

[غريب الدّار]

هلا اخوي غريب توني اشوف ردك

و ان شاء الله تكون عرفت الجواب من رد الاخت ضوى ..

انا بصراحة ماشفت له هالمقاطع

لكن حتى لو كانت موجودة :
شوف ردي الأخير ياراجي العفو بوتعرف رايي


يعني على سبيل المثال :
اللي يسافر يتعالج برع في أمريكا او أوروبا او لآسيا ولا غيرهم
هل هو متاكد مثلا ان الطبيب اللي يعالجه مسلم عابد زاهد؟

لا

هو يأخذ منه علم وعلاج
ماياخذ منه دين واخلاق

ماجد الصباح (وكل البشر) نفس الشي

الواحد يأخذ منهم الزين ويخلي الشين

ووجود مساوئ في أي شخص مايعني بالضرورة انه انسان سئ

لان اذا كان وجود المساوئ يعني ان الشخص سئ فهذا راح يعني ان كلنا سيئين

[العلياا]

السلام عليكم ورحمة الله وبركاته

فعلاً ماجد الصباح اختلف عن جميع منهم على ساحة التواصل الاجتماعي
سواء من ناحية تصوير او فكرة او حتى تناول موضوع

نعم عندي تحفظ على بعض مواضيعه لكن اللي ما يعجبني وما يناسبني ( Skip )
ممكن يناسب غيري فهو يسعى للتنويع والتجديد وكسب اكبر قدر من المتابعين من مختلف الفئات العمرية

نتمى جميعاً نشوف مبدعين قطريين لا نسخة عن ماجد الصباح !!
نحتاج طريقة عرض جديدة وافكار مبتكرة ..

يعطيج العافيه

[عـ العبيدلي]

اشتهر كثير ..
والاغلب يمدح فيه ..

بصراحه ما تابعته لانه تقريبا المواضيع الي يتكلم عنها ما تهمني تقريبا
وما تجذبني .. لكن الأغلب يمدحه

بالنسبة لي افضل شخص فالسناب
فيصل البصري .. يوسع الصدر بصراحه ونيس ..

ممكن ما يفيدنا احيانا لكن عفويته تضحك والله

..

فالنهايه ..

بقول شيء واحد ..
لازم الشخص تكون عنده مبادئ وقيم ما يغيرها شخص فالسوشال ميديا ..
لانه كل واحد فيهم له مبادئه وقيمه وكثير منها ما تمثلنا وما تمت لديننا وعاداتنا بصله ..

حاسبوا على عيالكم وحاولو تحصنونهم ضد التغيير السلبي خاصة البنات لأنه ..
وايد اشكال مثل " الفاشينيستا = عارضات الأزياء " هم الأكثر انتشار ومتابعينهم بالملايين والله في السوشال ميديا
وما يحتاي نتكلم عن السموم الي يبثونها ..

[sweet qatar]

نجم سناب شات بلا منازع

علي كثرة الي ساروا علي خطاه

ويمكن شفتهم قبله هو غير

مميز .. واعي.. فناااااااان

للأسف أنه يرفض وضع سناباته في اليوتيوب .. لكني احترم وجهة نظره

فعلاً الشي في حزته غير !


طبعاً هو غير منزه أو معصوم

الكمال لله وحده


الجودي تذكرين سناباته عن قطر

شي خيالي

مع ان الكثير صوروا نفس الأماكن

لكن أبداً مب نفس الروح

ماجد الصباح غير


فخم جدآ جدآ

[sweet qatar]

سمعت عنه من سويتي في احد مواضيعها ولقيتها بعد تمدحه في موضوع حمد الاخير عن السناب..

وللامانة عرضت على خوسيه يضيفه ظنا مني ان فيديوهاته تنفع لكل الاعمار..

ولكن بعد كلام ضوى وتحديد النقاط المذكورة في شطحاته..

الحمدلله ان خوسيه رفض يضيفه يومها ..

قد يكون السيد الشيخ المذكور له فيديوهات تستحق الاشادة
ولكن لابد من ذكر نوعية فيديوهاته للي مثل حالاتنا ما ندري عن السناب ولا نتابع فيدوهات العالم..

ممكن يقع تحت ايادينا بعض مقاطع الفيديو من هنا او هناك فيها تجاوزات شرعية..

لكن ان نشجع عيالنا انهم يضيفون اجان او عرب يتبعون مثل هالمخالفات ( راح يحاسبنا ربنا على الامانة)


وبمناسبة الكلام عن السناب..

من يومين كانت احداهن في زيارة خاصة لنا في البيت وتكلمت عن شيخ كويتي متزوج
صينية له حساب في السناب.. وله رقم في الوتس وحساب في تويتر..

ممكن التواصل معاه او مشاهدة فيديوهاته في الصين .. فهو صاحب خبرة كبيرة بالاسعار
والاماكن في الصين.. اسمه بوناشي الكويتي.. حسب ما لقطت اسمه..
فهم يمدحونه مثل ما تمدحون المذكور في هالموضوع..

يمامه الله يهداج أنا ذكرت أن بعض الأمور الي يعرضها يبيلها تشفير

ارجعي لتوصيتي في موضوع عزيز الله يذكره بالخير

[غير البشر]

موضوعه عن رشدي اباظة وانه مذوب البنات !!

موضوعه عن القبلة !!

موضوعه عن الحب !!

موضوعه عن الموسيقى الرومانسية !!!

سلامه باليد والتلمم والقبل مع نساء اجنبيات عنه !!!

الله المستعان

وانا أقول ليش البنات مدمنين سناباته

[sweet qatar]

الله المستعان

وانا أقول ليش البنات مدمنين سناباته

لا مب جذي

البنات يحبون سناباته لأنه يعرض آخر صيحات الموضة .. دوم تلقاه في عروض الماركات ويصور كل شي

و وايد يتكلم عن الأسواق والبضايع

غير إن سفراته شي شي

ينزل في فنادق كششششخة و يتمشي في كل مكان

سفراته ممتعة وهو متجدد والبنات يحبون هالاجواء ... نحب المزاج والأشياء المميزة