المشاركة الأصلية كتبت بواسطة يمامـة
العفو يا باليوت ( وما اعرف ارد وايد لو هناك مدح للموضوع) غير جزاك الله خير على كلامك..
وصدقت الدوارة في المجمعات مشروع مغازلجي او صايع ان صح التعبير..
واحنا كأولياء أمور هناك امور لازم نتمسك فيها.. ولازم نضغط على نفوسنا علشان نكون قريبين منهم..
بتروح المجمع لازم حد من اخوانك يكونون معاك.. او اكون انا معاك وهات ربعك بوديهم معانا..
بتروح العنة لازم اخوانك يكونون معاك.. وان كانوا الناس اللي في العنة اهل خير وصلاح ودعوة..
انا اثق فيك يا ماما لكني ما اثق في الناس..
وافقنا يروح العنة بس زيارة.. وبصبحة ناس كبار عيال خواله.. لكن ما نسمح له ينام..
تروح لكن ما تنام .. ترجع البيت.. وكل اشوي حد فينا متصل.. اخوه ابوه امه .. يسئلون عنه..
مع الدريول ما تروح اماكن بعيدة.. مع عيال خوالك ما تروح اماكن بعيدة بروحكم في السيارة..
وان صار مثل هالخطأ اليوم ما يمر على خير.. علشان ما يستسهل يطلب طلبات ثانية ويظن ان الموضوع
سهل انه يطلع يروح مجمع او كوفي شوب او ملاعب محجوزة من غير حضور حد كبير معاه.. لو كان يظن انه
كبر والام غلط تحضر معاه وعيب وما يبي حد يشوف امه..
فوضع اسس للتعامل مع الطفل وبيان حدود مطالبه.. امر مهم جدا لعيالنا.. ولا راح نخسر كثير..
فالدنيا ساحبة ساحبة الانسان.. لكن لما انأدي ما هو مطلوب مننا نكون ادينا الامانة ولو بنسبة 50%
ويبقى 50% سهو او جهل او تغافل.. نطلب ربنا يغفر لنا فيهم..