اذا وجدتني واثقا بنفسي لاتعتقد اني متكبر واذا وجدتني دائما الابتسام لا تعتبر اني مرتاح البال وان اخطأت يوما أمامك لا تقل عني إنسان سيئ
أعطني حسن ظنك اليوم كي أمنحك إياه يوم تحتاجه
اذا وجدتني واثقا بنفسي لاتعتقد اني متكبر واذا وجدتني دائما الابتسام لا تعتبر اني مرتاح البال وان اخطأت يوما أمامك لا تقل عني إنسان سيئ
أعطني حسن ظنك اليوم كي أمنحك إياه يوم تحتاجه
انا أَثناء دراستي في أمريكا جاني ضعف واعياء واغماء من احاول اوقف .. طبعاً تنومت هناك وفحوصات وما قصرت السفارة .. الطبيب جاني وقال انت جدامك شهرين بالكثير تعيش ومرضك خطير .. الوباء الكبدي ب على ما اعتقد و ب خطر ومميت وبعده سي وقبله أ اللي نسميه بو صفار .. نصحني ارجع قطر واموت عند هلي أفضل وخلصت اجراءاتي مع الجامعة والسفارة وتم تعليق دراستي .. ورجعت قطر.
ثاني يوم الوالد جاب معاه شيبة وقال تعال بيفحصك .. وتم يشوف عيوني ويتفكر فيني وابوي واقف عند الباب مستعد ويقول له آشب الضو .. الشيبة قال لا عطني الموس .. وانا اتفكر نجيت من الضو وجا دور الموس وشبيسون ذيلا .. شوي الا الموس موجود والشيبة جا وراي وتم يسحب اذني وانا لا شعوريا احرك راسي وخايف .. وابوي يقول لا تخاف مب قاص اذنك الا جرح بسيط .. والله كانت لحظات رعب بس ما حسيت الا دم ينزل من ورا اذني وخذ ريشة على ما اعتقد وبطرفها كحل عيني بالدم .. صدقوني ثاني يوم عيوني بيض وصحتي تغيرت للأَفضل بسرعة .. جلست 3 شهور الربيع اجازة ورحت اكمل دراستي الصيف.
المشكلة مب بس تشخيص غلط عيشوني في رعب.
يا جنون انت مكبره الموضوع...... مع انه عادي جدا...كلها عمليات فيها الشفا ان شاء الله...هههههه......عادي ما فيها شي ...أصلا معروف انه المستشفيات هي المكان الوحيد في كل دول العالم اللي بتصير فيها جرائم القتل و التشويه و العاهات المستديمه من غير محاسبة القانون...... حتى في ارقى المستشفيات العالميه في أمريكا و أوروبا...... مره شوفت فيلم امريكي انه وحده صار معاها خطأ طبي في مستشفى مشهور جدا سبب لها عاهة مستديمه و خطر على حياتها المستقبليه......قالت برفع عليهم قضيه قالولها هذا المستشفى المشهور عدد المحامين اللي عنده اكثر من عدد الأطباء.....
الخطأ وارد ولكن اذا كان هناك إهتمام وتحري للدقه
ولكن اذا كان هناك إهمال فأكيد بيكون الخطأ متكرر بشكل
يومي وما نقارن مستشفيات العالم مع مستشفياتنا ولله الحمد
في كل مكان مستشفى ولا فيه هذاك الضغط الكبير ولكن الإجراء
عندنا معقد والدكاتره يرفعون الضغط وتنتظر دورك عنده وهو جالس في الغرفه
الثانيه مع طبيب أخر ومقضينها سوالف خصوصآ المراكز الصحيه
ولكن عندي سؤال اخت جنون
هل اتصلت على المجلس الأعلى للصحه
من خلال مشاركتهم الموضوع وشنو اللي
توصلوا له من الإتصال ياليت نعرف شنو دورهم
لاحول ولا قوة الا بالله
الله لايحد حد على مستشفياتنا الا للزكام والصخونة. ياخذ بندولهم ويمشي