اللؤلؤه و الوسيل و مشيرب للاثرياء فقط

[باراكودا]

بس اخوي لبيه مب شرط نقدر نشتري في كل مكان

على قولة المثل المصري (اللي معندوش مايلزموش)

يمكن هالمناطق فعلا غالية وللي عنده ملايين
اعتقد دول كثيرة في العالم كله فيها مناطق محد يقدر يشتري فيها الا اللي عنده ملايين مثلا او حتى مليارات

بالنسبة لي اشوف الوضع طبيعي

والله يبارك لمن شرا او بيشتري هناك ويرزق الجميع

تحياتي

كلام منطقي .

[OREO]

عليهم بالعافية وربي يزيدهم و كلٍ يمد ارجولة على قد برنوصة او شرشفه ..

[يمامـة]

اللهم لا تحرمنا من القناعة..

ما في احلى من القناعة.. وربي يزيدهم من نعيمه ويبارك لهم في ارزاقهم ..

لذلك طبيعي تختلف المستويات المادية ما بين الناس في البلاد .. خلوهم يتميزون عنا
تبوننا اناشبهم في كل شي..

[JN000N]

انا اعتقد الطبقيه موجوده من استوت دوله قطر فيه المخمليه وفيه الالماسيه وفيه الجلديه ولكن جميعهم عايشين بخير ونعمه بفضل من الله وهذا اهم شي وخصوصا بعد الطفرات الي جاتنا اللهم لك الحمد في السنين الاخيره صار الرنج والبنتلي في الشوارع اكثر من سياره الاجره وصرنا نشوف كل هل قطر في لندن وباريس واعتقد هذا يكفي ونعمه واجب لها الحمد والشكر,,,, اما موضوع الشاليهات اعتقد المبالغه في الاسعار متعمد لانه يبون الجيران كلهم من طبقه الماسيه ليش انه شاليه( استجمام)

بالززبط

[مضارب دوسري]

الحيره والتردد ذابحني
مدري اي فيلا اشتري

ابي اشتري فلل جنب بعض


استغفر الله العظيم
يا رب سامحني

[بنت شرق]

اللهم لا تحرمنا من القناعة..

ما في احلى من القناعة.. وربي يزيدهم من نعيمه ويبارك لهم في ارزاقهم ..

لذلك طبيعي تختلف المستويات المادية ما بين الناس في البلاد .. خلوهم يتميزون عنا
تبوننا اناشبهم في كل شي..

ليش ماننشب لهم ،،الي حاصل بيزيد الطبقية ،،بدولتنا،،،والي يقولون من زمان هالشي عندنا لا والله مش من زمان ،،من يوم ما فلوس البترول توزعت عليهم ثم علينا صارت الفروق
واذا رجعنا للمنهج الي اقره رسول الإسلام صلى الله عليه وسلم للمجتمع ،،،كان القائد مساويه معيشته لمحيطه ،،لا اعلى منهم ولاشي ،،وهو منهج سار عليه الشيخان ،،
التغيرات الاجتماعية التي تجعل مدوالة التملك والأراضي للطبقة الغنية ومحيطها ،،فقط ،،والباقي تملكهم عبر الدين والدعم ،،،اكيد سيؤدي لعواقب اجتماعية تتمثل في زعزعة الطبقة الوسطى
ومادونها ،،،حيث ستصبح لاهثة خلف المال ،،،لا بناء قواعدها واقتصادها ،،،وتعليمها لتتميز ،،،بيصير الي عنده بس اهو بس المهم،،،وراعي الحشيمة

اما سالفة ربي يزيد فلان من نعيمه ،،لنتمنى ان فلان اخذ ماله من حل ووضعه بمايحل ،،عندها سيبارك الله لهم لامحالة ،،،
وكما قال الرسول صلى الله عليه وسلم الدنيا حلوة خضرة والله مستخلفكم فيها فاتقوا الدنيا ولم يقل وطيحوا بالدنيا

[ولي العهد]

انا اشوف ان الامر عادي وطبيعي جدا مثل هذي المناطق اتكون غالية انا شاري لي شقتين في اللؤلؤة وفيلا في الخليج الغربي كنوع من الاسثمار يعني استثمار طويل المدى

[حليتان*]

ليش يوم كانت الاراضي رخيصه ما حد خذ ليش يوم كانت اللؤلؤه مثلا قيد الانشاء والشقه على 200 الف والارض على مليون و اثنين محد خذ

الي يفصلنا عن الحين والاسعار الي فوق 6 سنوات تقريبا

الشقه الي 200 الف الحين تنباع بمليونين
والارض الي بمليون انبنت وصارت دبلها ب10 و 20 مره اذا مب 30 مره


لان الاغلب يبون شي جاهز والجاهز هذي ضريبته