بالضبط نفس ماقال اخوي معماريالمشاركة الأصلية كتبت بواسطة لبيبة
بس الموضوع يقهر شوي لان الخشب محسوب ماديا على المالك ولاخ المقاول يجيب خشب مستعمل من اقرب موقع بناء له يعني يوفر مبلغ الخشب الجديد
|
بالضبط نفس ماقال اخوي معماري
بس الموضوع يقهر شوي لان الخشب محسوب ماديا على المالك ولاخ المقاول يجيب خشب مستعمل من اقرب موقع بناء له يعني يوفر مبلغ الخشب الجديد
اخوي المعماري هل صحيح أن المفروض ينصبغ فرشة النظافة بالبيتومين
قبل عمل القواعد تفادياً لرطوبة الارض أو لا يلزم ياريت تفيدنا بارك الله فيك
ملاحظة مهمة يا طويل العمر .. انا ما لاحظت حد يصبغها والصبغ حماية أكيد وزيادة في العزل .. هي بسمك 5 سم وتكون لاستقامة الأرضية للقواعد .. بس شيصير لو تآكلت هذي الصبية بعد سنوات من التعرض للرطوبة والأملاح .. ووزن كبير من القواعد عليها .. أَكيد تهبط شوي ومؤكد الهبوط بيكون تدريجي وأَقل من ال 5 سم بس بيكون له تأَثير قوي وشلوخ قوية.
نتمنى نحصل رد من أحد المختصين مثل المهندسين الانشائيين.
كثير من الدول عندها نظام يختلف وحماية الأساس من كل الجهات ضرورية .. عندنا حتى خرسانة ال src .. sulphate resistant cement بعض المهندسين يقولون ضعيفة وأحسن نستخدم العادية .. والعادية ما تقاوم الأملاح والسلفيت .. هذي خاصة بالخرسانة تحت الأرض بس يركبون العادية وتكون قوية مثل ما يدعون بس لفترة 10 سنوات بعدها تنتهي صلاحية البتومين والعزل وتبدأ تتآكل وتضعف شالفايدة في هالحالة؟
،
.
وعليكم السلام ورحمة الله وبركاته
الله يجعله منزل مبارك عليك اخوي فهد
والله يوفقك في اتمامه على اكمل وجه
وشي حلو انك تشارك تجربتك وبمراحلها الي تاكد ان في ناس وايد بتسفيد من الموضوع
الله يعينك ويعطيك طولة البال مرحلة البنا ممكن احيانا يبيلها شوية تعب ومتابعة اكثر لاكن اكيد في النهاية النتيجة تستاهل
.
.
سبحـــان الله والحمـــد لله ولا إلــه إلا الله والله أكبـــر
،
.
وعليكم السلام ورحمة الله وبركاته
اخوي سعود واختي لبيبة
واظيف على كلام اخونا الكبير معماري قطر
اذا انت اكدت عليه في المواصفات بان الخشب يكون جديد فمن حقك
لان في العرف ان الخشب الجديد يكون لبعض الاماكن مثل الاسقف
وباقي الخشب يكون جيد وصالح للاستخدام
ولو اجبرنا المقاول على الخشب الجديد اكيد راح يضيف قيمته على التكلفة
في بعض الامور ممكن نتقاضى عنها بشرط انها تأدي وظيفتها وما تاثر على جودة النتيجة فنياً
وتأكد ان المقاول لو بيغشك الاولى انه يغشك في الامور الي غايبه عن عينك
فالنهاية لازم نفهم ان المقاول شريك لنا في انجاز المشروع فلو كانت العلاقة غير طيبة فايش نتوقع النتيجه
المقاول لازم يحس ان المالك مب ضده ولكن المالك منتبه ممكن يتعاون ويكون مرن في بعض الامور
ولكن لا يتنازل عن الحد الادنى من الجودة المتوقعة
.
.
سبحـــان الله والحمـــد لله ولا إلــه إلا الله والله أكبـــر
السلام عليكم ورحمة الله وبركاته
بعد انقطاع خارج عن ارادتي نرجع ونكمل الموضوع ..
في بداية الموضوع نسيت اذكر لكم كم مرحلة مهمة في موضوع البناء .
اول موضوع واهم موضوع اللي استفدت منه بشكل بكبير الموضوع المثبت في منتدى البناء والديكور واللي يتكلم عن اخطاء البناء
و موضوع اخونا باحث علم واللي يتكلم فيه عن 20 نصيحة خلاصة تجربة في البناء.
وبعض الاعضاء اللي منهم اخونا معماري وشموخ دائم، كنت دايما اتابع مواضيع البناء والتشطيب وطرق التشطيب بعضها كان صعب علي فهمه بس الحمد لله مع الوقت فهمت بعض الامور اللي احتاج اني افهمها لبناء بيتي . ودائما على قولة المثل من خاب من استشار .
نكمل لموضوعنا الاساسي وهو مراحل بناء البيت .
بنزل لكم اخر مرحلة وصل لها البناء حاليا لان المراحل اللي قبل كان متاخر شوي وحبيت انكم تشاركوني في المراحل الحالية علشان نستفيد من اقتراحاتكم
أَشْهَدُ أَنْ لاَ إِلَهَ إِلاَّ اللَّهُ وأَشْهَدُ أَنَّ مُحَمَّدًا رَسُولُ اللَّهِ
الْلَّهُم صَلِّي وَبَارِك وَسَلِم عَلَى سَيِّدِنَا مُحَمَّد وَعَلَى الِه وَصَحْبِه وَسَلِّم
سُبْحَانَ اللهِ وَالحَمْدُ للهِ وَلا إِلَهَ إِلا الله وَالله أَكْبَرُ وَلا حَوْلَ وَلا قُوَّةَ إِلا بِاللهِ
اهم شي في بناء البيت بالنسبة لي هو تمديدات الكهرباء والماء والعزل المائي والباقي كلن على حسب ميزانيته .
تو دخلنا على عمل التمديدات للكهرباء وللحين كل شي اوكي .
أَشْهَدُ أَنْ لاَ إِلَهَ إِلاَّ اللَّهُ وأَشْهَدُ أَنَّ مُحَمَّدًا رَسُولُ اللَّهِ
الْلَّهُم صَلِّي وَبَارِك وَسَلِم عَلَى سَيِّدِنَا مُحَمَّد وَعَلَى الِه وَصَحْبِه وَسَلِّم
سُبْحَانَ اللهِ وَالحَمْدُ للهِ وَلا إِلَهَ إِلا الله وَالله أَكْبَرُ وَلا حَوْلَ وَلا قُوَّةَ إِلا بِاللهِ
مشكور اخوي على الدعوة والاضافة
أَشْهَدُ أَنْ لاَ إِلَهَ إِلاَّ اللَّهُ وأَشْهَدُ أَنَّ مُحَمَّدًا رَسُولُ اللَّهِ
الْلَّهُم صَلِّي وَبَارِك وَسَلِم عَلَى سَيِّدِنَا مُحَمَّد وَعَلَى الِه وَصَحْبِه وَسَلِّم
سُبْحَانَ اللهِ وَالحَمْدُ للهِ وَلا إِلَهَ إِلا الله وَالله أَكْبَرُ وَلا حَوْلَ وَلا قُوَّةَ إِلا بِاللهِ
مشكور اخوي على المشاركة وما نخلا منكم ومن مشاركتكم
أَشْهَدُ أَنْ لاَ إِلَهَ إِلاَّ اللَّهُ وأَشْهَدُ أَنَّ مُحَمَّدًا رَسُولُ اللَّهِ
الْلَّهُم صَلِّي وَبَارِك وَسَلِم عَلَى سَيِّدِنَا مُحَمَّد وَعَلَى الِه وَصَحْبِه وَسَلِّم
سُبْحَانَ اللهِ وَالحَمْدُ للهِ وَلا إِلَهَ إِلا الله وَالله أَكْبَرُ وَلا حَوْلَ وَلا قُوَّةَ إِلا بِاللهِ
إخوي فهد ما ودي اكدرك بس صف الطابوق يبين لي مب صح .. المونة قليلة وبعض الطابوق لاصق في بعض .. وفيه شبك بين طابوق محطوط قبل لبناء العمود وطابوق جديد بطريقة بدائية .. المفروض بعد تكون فيه روابط حديد مغلفن ولا ستانلس ستيل وشبك بين كل خرسانة وطابوق وهذي الروابط كلش ما بينت لي .. المفروض تتركب ببراغي أو بمسامير تنضرب بمسدس في الخرسانة وتنشبك مع المونة قبل لتجف.
اضغط عليهم خلهم يسون شغلهم صح ووين دور الاستشاري؟
نصيحة للكل لحد يعتمد طريقة التركيب هذي .. فيها كثير من الارتجال والسهولة للمقاول .. طريقة الفريم أول أفضل وتحتاج ناس عندهم خبرة وحتى استشاري يكون مسوي المقاسات صح ( 40 سم بين عمود وعمود ومضاعفاتها ) .. هذي الطريقة تغطي عيوب التصميم وأي عيوب في الصب .. آذكر مره رحت بيت مبني وجاهز واستغربت من كثرة الشلوخ .. البيت دور أرضي وفيه شلخ كبير في طابوق المطبخ .. يبين مثل المدرج وكله بسبب بين طابوقة وطابوقة ما فيه مونة .. العمدان بعضهم يركبون الحديد بدون ما يشبكونه بحديد رقاب الأعمدة ويركبون الطابوق حوله ولا يبين شيء .. انا طلعت خارج البيت هذا الا زاوية متصدعة رفستها رفسة الا قطعة خرسانة طايحة وطالعه قطعة حديد ما لها خص في العمود ولا في رقبة العمود .. سوء شغل عينك عينك
سامحني يا اخوي لو ما اذكر هالنقاط ما بتستفيد ولا غيرك بيستفيد وان شاء الله الصور تكون خادعة وبنيانك زين بس نبههم والطابوق اللي يبست مونته حاول تدخل سلك قوي بين الطابوقتين وشوف شلون بعضهم المونة 0 .. ليش العامل يتعب نفسه ويصرف مونة أكثر يسوي شغله بسرعة وبراحة وياخذ فلوسه ويروح .. والمقاول يكون باني عظم بيخلص بسرعة وبيروح لمشروع ثاني والمالك بيعاني وقت التشطيب وبتطلع العيوب ذاك الوقت .. والاستشاري بيحط مبررات غريبة تعودنا عليها فيها كثير من الدجل .. الأرض ريحت .. دي شلوخ في البلاستر حتتعالق .. ومثل ما صار عندنا في الطرق ونقلته من الجريدة دكتور مهندس ورئيس المختبرات يقول كائنات غريبة تاكل الأسفلت .. يا حبيبي أسفلتكم رخيص ماي المطر يغسله وحجارتكم قابرو صمية ملساء تطلع مغسولة تلق.
ضوابط المشاركة
رد مع اقتباس
