-
مساعده في تخطيط جوله اوربيه شبابية بالسيارة
السلام عليكم
ابي مساعده منكم في تخطيط جوله اوربيه بالسيارة
المده أسبوعين و السفره شبابية
كم بلد او مدينه اقدر اروح لها في هالمده ومن اي بلد ابتدئ و انتهي باي بلد؟
في بالنا ألمانيا إيطاليا فرنسا بلجيكا سويسرا ... هل نقدر نزورها كلها؟ ولا ؟
اذا حد يقدر يحط لي مقترح تسلسل المناطق و المدن بالترتيب
يا ريت تفيدوني عشان اقدر أخطط و ارتب.
ومشكورين مقدما 
-
مشرف السياحة والسفر
تقدر تروح بس تعب عليكم اشوي
بما انكم شباب كل شي يصير ان شاء الله هههههههه
بس المشكله فتره اسبوعين لزياره كل هالدول ماراح تستمتعون بكل دوله تجلسون فيها
من جذي بحاول اسوي لك مخطط مبدئ فيه كل هالدول بس بحاول اقلل المناطق بقدر المستطاع
الوصول ميلانو ( ايطاليا ) ليلتين
الذهاب الى انتر لاكن ( سويسرا ) 4 ليالي
والذهاب الى بادن بادن ( المانيا ) ليلتين
والذهاب الى دوسلدورف ( المانيا ) ليلتين
والذهاب الى بروكسل ( بلجيكا ) ليلتين
واخيرا باريس ( فرنسا ) 4 ليالي
خارطه المخطط
العاب
-
تسلم يالغالي ما تقصر
شكلها يبيلها اسبوع زياده
-
مشرف السياحة والسفر
الله يسلمك يا الغالي
ممكن تزيديها 3 او 4 ايام
وانا حطيت لك بادن بادن على اساس مايكون الطريق طويل عليكم وايد
يعني اذا شفت الطريق طويل لازم اوصله بمدينه بالنص 
انا سويت المخطط بناء على رغبتك في زياره كل هالدول المذكوره
فكر وخبرني
تحياتي لك
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
رد مع اقتباس