شنو افضل شركة شحن للتسوق الالكتروني ؟

[S.T.Y.L.E]

السلام عليكم

انا من بديت اتسوق من النت وانا استخدم ارامكس
من زماااااان ولين اليوم ، لكن في الفتره الاخيره بدو يستهبلون ويلعبون فالاسعار والاوزان
وغير جذي ماعندهم خدمه تجميع الشحنات

برايكم في شركة احسن من ناحيه الأسعار والخدمه وسرعة التوصيل ؟
ساعدونا بخبراتكم الله يجزيكم خييير

[وطن]

myus.com

انا استخدمهم واستخدم ارامكس
على حسب اذا ابي اجمع الشحنات اطرشهم على "ماي يو اس"
اذا ما يفرق معاي
ارامكس


الحلو في ماي يو اس
انهم يوصلون لك الشحنة للبيت
بس سعرهم شوي أغلى من ارامكس

[H H]

worldship

ممتازه جداً وفيها تجميع شحنات وتقدرين تحتفظين بالشحنات في صندوقك لشهر كامل واسعارهم مناسبه

[H H]

myus.com

انا استخدمهم واستخدم ارامكس
على حسب اذا ابي اجمع الشحنات اطرشهم على "ماي يو اس"
اذا ما يفرق معاي
ارامكس


الحلو في ماي يو اس
انهم يوصلون لك الشحنة للبيت
بس سعرهم شوي أغلى من ارامكس

ايضا هالشركه ممتازه بس انتبهي من التجديد التلقائي , فجاه تلقينهم ساحبين مبلغ وقدره كتجديد مع ان الاشتراك فالبدايه كان مبلغ بسيط.

+

ارامكس عندهم توصيل للمنزل , اول ماتوصل كلميهم وعطيهم العنوان واليوم الثاني او نفس اليوم العصر بيوصلونه لك للبيت

[S.T.Y.L.E]

للحين الحيره مب مخليتني اعرف شاجرب اول

[وطن]

ايضا هالشركه ممتازه بس انتبهي من التجديد التلقائي , فجاه تلقينهم ساحبين مبلغ وقدره كتجديد مع ان الاشتراك فالبدايه كان مبلغ بسيط.

+

ارامكس عندهم توصيل للمنزل , اول ماتوصل كلميهم وعطيهم العنوان واليوم الثاني او نفس اليوم العصر بيوصلونه لك للبيت

اعرف بخصوص الاشتراك
انا مشتركة في البريميم اظن اسمها
وكل شهر ينخصم مني مبلغ رمزي ما اذكر كم

و أرامكس الظاهر التوصيل حق ناس وناس
يوصلون لأختي و انا يوم كلمتهم قالوا لا ما نوصل
مع ان نفس البيت !!


مع العلم اني ادفع شحناتي دايما اول باول عن طريق النت

[لبيبة]

وعليكم السلام ورحمة الله وبركاته،

في خدمة Borderlinx من DHL

تجميع شحنات وتسوق بدلا عنك

وفي Viabox

بعد تجميع شحنات وتسوق بدلا عنك وأرخص من بوردرلنكس حسب اللي أذكره.

هاللي جربتهم. لكني لا زلت مستمرة مع أرامكس لأنه أرخص في نظري.

[monatee]

انا استخدم borderlinx لتجميع الشحنات
واسعارهم اغلى من اراميكس

واستخدم اراميكس اذا كان طلبي شحنه وحده
وتوصل الشحنه لقطر غالباً اسرع من borderlinx

[S.T.Y.L.E]

مشكورين على مروركم وردودكم
شكلي بتم على ارامكس عيل

[asulaiti]

أنا استخدم myus من زمان ومرتاح لطريقة العمل معهم ،، الشحنات أغلى من آرامكس اذا بتشحن قطعة أو قطعتين ..

لكن إذا كمية القطع التي تريد أن تشحنهم وايد .. فهو أرخص من آرامكس .. وأريح في طريقة العمل ..

سؤالي للذين جربوا أكثر من شركة شحن .. مثل borderlinx, Viabox & worldship ...

في أحد جرب شركتين منهم ؟

أتمنى أن يعطينا رأيه وتقييمه ..

أتمنى من الاخوة اللي جرب شركتين .. وليس شركة واحدة ...

يعني كأنه يعمل مقارنة ..

وشكراً ..