32 % اقترضوا لتغطية تكاليف موسم السفر

[حسن]

مافيه احد يتسلف للكشخة والسفر الا الي متخرع مو شايف خير بصراحة
اخواني وخواتي الي يقولون 70000 ماتكفي للأوروبا بالعكس الناس صار عندها توعية بأمور السفر فاقامو يحجزون من بوكينق للفنادق وسكاي سكنر اعتقد اسمه كذا للتذاكر
ويوفر كثر بدل ما يروح 70000 تقل وتصير 30000 او اقل بعد الا الي رايح ولازم يسكن في فندق غالي والا يروح يشتري ماركات
والسفر انواع الي رايح للطبيعة والملاهية والمتاحف هذا اقل من الي رايح بس يجلس من كوفي في كوفي او يشتري من هناك علشان شوفوني انا شريت من المكان الفلاني طبعا انا ما اقول الكل البعض منهم
وانصحكم تحجزون عن طريق النت اسهل وارخص من المكاتب السياحية
اخوي راح دبي وسكن في فندق خمس نجوم وقريب جدا من برج خليفة لم سأل مكتب سياحي عندنا قاله عشر ايام بـ15000 لـ6 اشخاص والتذاكر الواحد 1500 ريال المجموع 24000؟؟!!
حجزت له نفس الفندق من البوكينق لمدة 10 بـ8000 شامل الافطار وخدمة توصيل من المطار الى الفندق والعكس والتذاكر حصلتها بـ500 ريال للشخص المجموع 11000 بالله عليكم وين التوفير بالاول او الثاني ؟؟
فأنصحكم تتجهون للحجز بأنفسكم الا الي رايح اول مره ولا يعرف يحجز للقطارات يروح المكاتب سياحية
وعندكم اخوي الرائع جدا والمتعاون مع الكل غير البشر مشاء الله عليه
واسف على الاطالة
تحياتي لكم

الله ينور عليك هذا درس لكل من يبي يتعلم من الحياه وكيف تتابع العروض وتبحث عن الاوفر
وتتعلم الاقتصاد
وفي عصر النت اصبحت المعلومات متوفره
ويتركون الزبو عنهم وخل تتغير النظره وانا مثل استغرب من اللي يقول دبي اغلى من اوروبا
يااخي انت اللي تحدد طريقه صرفك

[بانغ بانغ]

بعض الناس همهم التواجد في العواصم وفي ارقى الاماكن حتى لو ما يدبرون شي بس انهم في العاصمة الفلانية فمن كذا الاسعار فوق .

انا اتفق مع الاخوة اللي يحجزون بروحهم ويعملون لهم برامج خاصة بهم نعم ايوفرون وايد وفي نفس الوقت يكتشفون اماكن سياحية وجميلة خاصة برع العواصم

صحيح احسن وقت للسفر السياحي والاستجمام لاوروبا بين شهر فبراير وابريل لين مايو ايكون الثلج توه ذاب .

المشكلة ان الناس ماعندهم ثقافة للسفر فاتشوفهم كانهم مهاجرين او طالعين من صحراء جافة .

تحياتي