قلوبهم على بعض .. شلون ؟؟

[الحياة الخالدة]

السلام عليكم و رحمة الله و بركاته
صبحكم / مساكم الله بالخير

العيال في البيوت .. شلون يربونهم أمهم و أبوهم.. بحيث يحبون بعض .. و يخافون على بعض
و يصيرون على قلب واحد
دخلنا بيوت كثيرة .. أو شفنا أُسَـــر وايد
بعضهم : عيالهم يراعون بعض و يديرون بالهم على بعض ولا كأن بينهم الخلافات المعتادة اللي نشوفها في البيوت

و البعض الآخر : نشوفهم بالعكس .. كأن الواحد فيهم ماله خص بالثاني .. لو يصير حق أخوه شيصير ( حتى لو كانت السالفة شي بسيط ) .. نشوفه و لا كأنه من لحمه و دمه
بل بالعكس ممكن يصير ضده

الكلام المقصود فيه العيال الصغار بالدرجة الأولى
لكن ممكن ينطبق حتى على الكبار

أتمنى أكون وضحت المقصود
و نستفيد من خبراتكم
و حياكــــم الله

[R 7 A L]

يعتمد على التربية
الي يربون عيالهم على ان كل واحد له شي معين ومايخلونهم يشتركون فيه تحصلين قلوبهم بعيدة من بعض
والي يتشاركون في كل شي والله حتى لو اكبروا ان اقلوبهم تبقى على بعض
لذا المشكلة الرئيسية في هذة النقطيه هي المشاركة والتفريق

[الحياة الخالدة]

صحيح أخوي رحال
كله يعتمد على التربية
و هذا هو المغزى من موضوعي : شلون يقدر الأب و الأم يربون عيالهم على الحب و التكاتف و الخوف على بعضهم البعض ؟؟
و كلامك في محله
جزاك الله خير

[النهار]

اعرف حاله طفل في الابتدائيه يسوق سياره اعرف ابوه الله يرحمه كان رجل بمعنى الكلمه
بعد وفاة الاب الام اهملت تربية الاولاد ومشاءالله عندها 9 يوم توفى رب الاسره كان عنده من الاطفال 4 تحت سن 8 ستوات
واكبر واحد 18 سنه كله هياته في الشوارع لين نصايص الليل والام ماتدري عنهم
مره مسكت الولد وقعدت اسولف معاه عمره 10 سنوات قمت اذكر له محاسن ابوه وان كان رجال والكل كان يحترمه
بس حسيت ان الولد كلامه اكبر من عمره بسبب اختلاطه مع فئه سنيه اكبر من عمره يقول ادري ان ابوي كان كذا وكذا
يقول انا شفت ابوي يوم كنت بزر صغير ابوي مارباني لانه مات وانا صغير
قمت انصحه ان السواقه خطر عليه وعلى الناس انا كلمه في موضوع وهو يرد علي بمغامراته في السواقه وكيف فلت من الدوريات
وانه كان ينزل الطبلون على خط الشمال ويشل على تايرين ودعم وشرد ووووووووو
سألته سؤال اخوانك الكبار ماحد منهم ينصحك او حتى يجلدك جلد حتى تتوب شوفوا رده
يقول يقولون لي ياريت تسوي حادث وتنشل او تموت او يصدونوك يقطونك في الاحدات والمصيبه في 2 اصغر منه بعد يسوقون
كل يومين 3او دوريات الشرطه صافه عند بيتهم

[جوال 11]

تعليم الاطفال التهادي بينهم والتسامح وسرد بعض القصص التي تدل على ذلك وقصص الايثار وخاصة في السنوات الاولى من العمر مما يزرع الحب في قلوبهم والمبادرة للعفو والتسامح وللوالدين دور كبير في ذلك وان يسير الوالدان على نفس المنهج والاتفاق على ذلك ولزرع الثقة في نفس الطفل يجب تطابق تصرفات الوالدان في المعاملة

[القبطان سلفر]

تعليم الاطفال التهادي بينهم والتسامح وسرد بعض القصص التي تدل على ذلك وقصص الايثار وخاصة في السنوات الاولى من العمر مما يزرع الحب في قلوبهم والمبادرة للعفو والتسامح وللوالدين دور كبير في ذلك وان يسير الوالدان على نفس المنهج والاتفاق على ذلك ولزرع الثقة في نفس الطفل يجب تطابق تصرفات الوالدان في المعاملة

جميل واتفق معك

[aloosh]

السلام عليكم و رحمة الله و بركاته
صبحكم / مساكم الله بالخير

العيال في البيوت .. شلون يربونهم أمهم و أبوهم.. بحيث يحبون بعض .. و يخافون على بعض
و يصيرون على قلب واحد
دخلنا بيوت كثيرة .. أو شفنا أُسَـــر وايد
بعضهم : عيالهم يراعون بعض و يديرون بالهم على بعض ولا كأن بينهم الخلافات المعتادة اللي نشوفها في البيوت

و البعض الآخر : نشوفهم بالعكس .. كأن الواحد فيهم ماله خص بالثاني .. لو يصير حق أخوه شيصير ( حتى لو كانت السالفة شي بسيط ) .. نشوفه و لا كأنه من لحمه و دمه
بل بالعكس ممكن يصير ضده

الكلام المقصود فيه العيال الصغار بالدرجة الأولى
لكن ممكن ينطبق حتى على الكبار

أتمنى أكون وضحت المقصود
و نستفيد من خبراتكم
و حياكــــم الله

اختي
اول شي تربيه وابعادهم عن الايباد والتلفزيون قد ما يقدرون لان الاطفال اذا ما قعدو معا بعض لا يصير فيه الف بينهم وتحصلينهم في شد وجذب