شيك على بياض لشراء لاعب؟؟؟؟

[شيخ الديرة]

أكدت مصادر خاصه لـ«عكاظ» أن شركة غاز قطر قدمت عرضا لإدارة نادي الهلال

لا توجد شركة اسمها غاز قطر

[ابن البيطار]

الخبر كله مغالطات وكذب في كذب لايوجد شيء اسمه شيك على بياض هذي طنازه الرجاء التأكد ولا تتبعوا من يريد الاسائه الى قطر

[شموخ دائم]

,

,


مرحبا


الاخبار هذي كثيره في الدول الاوربيه وبعض الجرائد ( الصفراء )
مافي شي اسمه شيك على بياض في كره القدم
هذا كلام فاضي وكلام يصلح للخطوط العريضه لزياده المبيعات
قطر بفضل من الله تعرف وين تحط فلوسها وكيف تستثمر
وجهاز قطر للاستثمار هو الممثل لدوله قطر
وهذا الجهاز ماله علاقه في الرياضه

نجي الحين لنادي باريس سان جيرمان
هذا النادي ( عليه بلوك ) ممنوع يشتري أي لاعب او يبيع لاعب
من الاتحاد الدولي صار له سنتين

لانه في رقابه ماليه عليه
كم الدخل السنوي وكم المصروفات السنويه
وممنوع يتجاوز عدد الصفقات ( الشراء ) مبلغ الدخل

على سبيل المثال
لو دخل النادي 500 مليون يورو
ممنوع يشتري لاعبين اكثر من 60% من هذا الرقم تقريبا 300 مليون يورو
و40 % للمصاريف الاخرى

في نظام وفي قانون ورقابه صارمه وفي ضرائب للدوله من هذا الدخل
الامور مو سايبه مثل ما يفكر البعض

حتى نادي برشلونه عليه ( بلوك ) صار له سنتين مايقدر يشتري احد

واذا اشترى احد بعد الحضر لازم يوزع المبلغ على سنوات
وكل سنه يدفع الجزء المسموح له

فلاتصدقون الجرائد والاخبار المغلوطه والاشاعات

,

,

[حسن]

لا اعلم

بس لا يصدقه عقل شيك على بياض

والاخبار المغرضه واللي تريد النيل من قطر كثيره

دام الدوله موفره العيش ماعلينا خوف

[نمر بن عدوان]

الرجاء من الاداره حذف الموضوع وكفايه اخبار مغلوطه من صحف صفراء

[غريب الدّار]

الخبر مغلوط ، و جملة الشيك اللي على بياض دخيلة على الخبر الأصلي اللي محطوط رابطه في أسفل الصورة

اللي ناشر الخبر معتمد إنه محد يشيك على المصدر

الرجاء التاكد دائماً من المصدر

وهذا رابط الخبر من موقع المان يونايتد

http://therepublikofmancunia.com/jan...sh-for-united/

في منتصف ملعب حديقة الامراء في باريس

[الزعفراني]

كلام جرايد

شيك على بياض وين قاعدين ؟

اما قطر غاز فتم نفي الخبر من قبل الشركة في حسابهم على تويتر

وبخصوص نادي الهلال في كلام ان البي ان سبورت تكون الراعي الرسمي له وبمبلغ 200 مليون ريال لمدة 8 سنوات ( هذا الكلام في بوست ع الانستقرام قريته لحساب هلالي والله اعلم ) وممكن صح ممكن غلط الايام تثبت

اما الاستثمار في ميسي الصراحة 400 مليون يورو مبلغ كبير نوعا ما .. لكن الاستثمار في ميسي مش غلط .. خصوصا اذا عرفنا ان قيمته السوقية كلاعب تقريبا تساوي 250 مليون يورو .. وخصوصا اذا عرفنا ان شركة اديداس في فترة سابقة عرضت على برشلونه شراء ميسي بمليار دولار لكي يكون مروج لاعلاناتها ولمشاريعها حصرياً

[غريب الدّار]

كلام جرايد

شيك على بياض وين قاعدين ؟

اما قطر غاز فتم نفي الخبر من قبل الشركة في حسابهم على تويتر

وبخصوص نادي الهلال في كلام ان البي ان سبورت تكون الراعي الرسمي له وبمبلغ 200 مليون ريال لمدة 8 سنوات ( هذا الكلام في بوست ع الانستقرام قريته لحساب هلالي والله اعلم ) وممكن صح ممكن غلط الايام تثبت

انا والله هذا اللي استغرب منه يالزعفراني

ينطرح موضوع محد يدري مصدره او مدى صحته ويتم التعليق عليه بالهبل!!!
وحتى بعد اثبات كذب الخبر يستمر التعليق عليه!!!

ونادر ماتلاقي حد يسال او يدور المصدر

المهم التعليق

خصوصا لو في تحلطم

ادري ماراح تزعلون من صراحتي لانكم من انصار الراي والراي الآخر

[R 7 A L]

بغض النظــر عن مصداقيه هالموضوع من عدم
بس مانستغرب من المبالغ التي تصرف في هذا القطاع

[غريب الدّار]

بغض النظــر عن مصداقيه هالموضوع من عدم
بس مانستغرب من المبالغ التي تصرف في هذا القطاع

معليش يارحال

بس مسالة الصرف (اللي البعض يشوف انه مبالغ فيه) على الرياضة شي

ومسألة تأليف ونقل الأخبار غير الصحيحة شي ثاني

النقاش عن مسالة بعينها مب مسالة الصرف بشكل عام

لو كان الموضوع عن الصرف بشكل عام كان كلن له رايه

لكنت النقطة عن الخبر غير الصحيح وغير الموثوق وغير الدقيق

مسالة الصرف يمكن نتفق او نختلف فيها

لكن الاخبار غير الصحيحة يجب كشفها