لو يقلبون القرض بارض من الدوله افضل مع التقسيط كل شهر المليون وميتين اعتقد راح تنحل المشكله .. لان البنيان ممكن يبني 3 غرف وتوابعه مايكلف 400 الف فخلال سنتين ومن غير سلفه او بنسبه بسيطه من قرض البنك .. لان الارض يبيله مبلغ كبير فصعب يحصل \.
لو يقلبون القرض بارض من الدوله افضل مع التقسيط كل شهر المليون وميتين اعتقد راح تنحل المشكله .. لان البنيان ممكن يبني 3 غرف وتوابعه مايكلف 400 الف فخلال سنتين ومن غير سلفه او بنسبه بسيطه من قرض البنك .. لان الارض يبيله مبلغ كبير فصعب يحصل \.
ارض بما قسم الله لك تكن اغنى الناس
انا اشوف الحل الوسط يعطى لهم ارض مساحته نص مساحه الذي يستحقه القطري الاصلي
لان في النهايه هو قطري ويحمل الجواز القطري ولا يعرف بلد غير قطر وولائه لقطر
افلا يستحق نص ميزه القطري الاصيل؟
ترى في النهايه كلنا مع المتجنسيين مانتعدا 300 الف
نجتمع في أبّ واحد // نختلف في ألسنـتـنـا
كلـّنا للــــرب عابد // من عجمنا من عربنا
كلـّنا للــرب عابد // من تراب ٍ قد خلقنا
===
حنـّا أهل هذا الوطن ماحكينــــا في الأصل
وش عاد قـــوم ٍ قد حكت تفتخر إبلا سبب
جمـّل جـــوازه كنيتـــه والجمـــايل بالفعـــل
حسن الخلق ساس الأصل يفتخر فيه النسب
ماهمـّنا ذا أعجمي ياتـــرى من أي نســـل
دام الديـــانـــه واحده إشملتنا ياعـــــرب
مثل هالمواضيع لا تُناقش من قبل العامه .. لأن الخوض والنقاش فيها تسبب / مشاحنات ، تفرقه ، عنصريه .
الحمدلله على النعمه ، والله يكتب للجميع مافيه الخير .
سبحانك اللهم وبحمدك اشهد ان لا اله الا انت استغفرك واتوب اليك.
بتزوج بنتك او اختك لقطري غير مطابق ؟؟
مجتمعنا ولله الحمد يشمل كافة أطياف القبائل والعوائل القطرية ومن ضمنهم الغير مطابقين وصار نسب بين الجميع... واذا زوجنا بناتنا لغير المطابق فكر في مصير الأبناء.
الله يكتب اللي فيه الخير. وان شاءالله نرى حل من قبل حكومتنا الرشيدة.
قسم قانون مجلس الوزراء رقم (17) لسنة 2007 المادة (8) القطريين لفئتين، فئة لها حق القرض والأرض، وفئة لها حق القرض فقط،
هذا القرار الوزاري، وهوغير وارد في الدستور القطري وهو الأقوى من حيث الحجة القانونية، ففي الباب الثاني - المقومات الأساسية للمجتمع - المادة (18) يقوم المجتمع القطري على دعامات العدل، والاحسان، والحرية، والمساواة، ومكارم الأخلاق. والمادة (19) تصون الدولة دعامات المجتمع، وتكفل الأمن والاستقرار، وتكافؤ الفرص للمواطنين. والمادة (20) تعمل الدولة على توطيد روح الوحدة الوطنية، والتضامن والاخاء بين المواطنين كافة.
وفي الباب الثالث - الحقوق والواجبات العامة - تنص المادة (34) المواطنون متساوون في الحقوق والواجبات العامة. والمادة (35) الناس متساوون أمام القانون. لا تمييز بينهم في ذلك بسبب الجنس أو الأصل أو اللغة أو الدين.
ولا أعرف ما السند القانوني الذي يمكن أن يحتج به مجلس الوزراء السابق لهذه التفرقة التي أحدثها بقانونه، فالموضوع صار انساني وحاجه ، فالسكن حق مكتسب للمواطن لا ينبغي أن يساوم عليه، ولا أن يوضع في موضع المستجدي له، هو حق دستوري قانوني انساني تسعى لتحقيقه كافة الحكومات لشعوبها !!
والحمدلله ومن فضل ربنا خيرنا وصل البعيد قبل القريب...كلها قوانين وضعيه .وعسى الله يرزقكم من فضله وابشرو بالخير من حكومتنا الرشيده ...
الحل بسيط وسهل بس ماعرف ليش مايبون يطبقونه ياخي الدوله عندها ارض كبيره تقريبا 4 كيلو في 4 كيلو يعني تقريبا 16 مليون متر مربع وهذي فيها مب اقل من 15 الف قطعه ارض من 1000 متر اذا شلينا مليون كامل حق شوارع وخدمات وحدايق ومستشفى واسواق الارض جاهزه وكل شي فيها وهي في الرفاع شارع الاحتفالات وهالمنطقه جدا ممتازه وراح تكون قلب الدوحه الجديد كل شي قريب خط 22 فبراير يحدها من شرق ومن وراه الوسيل ومن غرب قطر مول اكبر مجمع في العالم وقاعه الاعراس جنبه انا ماقول تعطيهم بلاش تعطي كل هل قطر سواء قطري اصلي او مجنس او من فئه القرض بدون ارض ومانبيها مكرمه الدوله خيرها مغرقنا لين راسنا بيض الله وجيهم كلهم من راس الهرم لين اصغر موظف بيعوها لنا بسعر التكلفه يعني بعد اضافه جميع الخدمات اعتقد الاض ام 1000 متر ماراح يعدي سعرها 150 الف ريال واعتقد هذا سعر عادل ومنصف للجميع اولا راح نحل مشكله الايجارات ثانيا ماراح نسمع صوت محتجين ثالثا الخير مقبل تقدر تاجرها على عوائل الوافدين اذا ماتبي تسكنها مع اني اشوفها كموقع استراتيجي صالحه للسكن .... وخصوصا كل شي جاهز
سبحان الله الأجانب لاعبين لعبتهم في البلاد على مستوى تجاره وتحويلات وصفقات ومشاريع ومناقصات بالملايين . . .
الكل يتحدث عن قطر كمنجم ذهب لهم ويساعدون بعض ويتعاونون مع بعض . . . واحنا نتفرج ومستأنسين بعد والبعض عسل على قلبه
والكارثة البعض حاسدين بعض على قطعه ارض يبني فيها سكن له ولعياله 400 متر 500 متر ان شاء الله لو 200 متر
والمشكلة انا احنا كقطريين اعدادانا ما تجي 10 او 15 % من اعدد الوافدين والأجانب في البلاد وفوق هذا كله حسد من البعض
على الاخر بشكل غير طبيعي والمشكلة على من؟
على ابن جلدتك , زميلك في العمل , جارك , نسيبك , من ربع المجلس , تتكلم عن نسيج متكامل مع بعضه
شخص يمكن يكون صار له 50 او 60 او يمكن 80 سنه
تتكلم عن ثلاثة او اربعه أجيال انولدت وعاشت في هالبلد وقدمت تضحيات واخلصت وتفانت في خدمه هذا البلد من دون امتنان ولا استكبار ولا استعلاء
يا جماعه لا تلخصون الانتماء على انه قبل 1930 او بعد 1930
هذا تاريخ وضع لتنظيم اليه معينه والدولة أدرى بهالشي
الانتماء له معاني كثيره
حبك للبلد . . . اخلاصك للبلد . . . طاعة ولي امرك . . .. التزامك بقوانينها . . . . شنهو اللي أنجزته للبلد ؟
والا بس تدور المكان اللي ما فيه شغل وايد . . . ودوام يوم في الأسبوع او يومين . . وتتهرب من مسؤوليتك وتتغاضى
عن أمور كثيره ومخالفات وامور أخرى وبعدين تقولي انا احب بلادي
لاحد يساوم حد على الوطنية والمواطنة
عمليه ان كل واحد يقول ابوي وجدي وجدي الخامس عشر كلنا اجدودنا عاشوا وماتوا ومحد خذ معاه لا ارض ولا قرض ومن هلاكلام اللي يخلينا
نعيش في دوامه التفرقة واللي يقول الهنود الحمر والبريطانيين . . . على فكره الهنود الحمر تعرضوا لمذابح قبل مئات السنين والى هذه اللحظة وهم
عايشين في بطاله وفقر ومخدرات والى الان ينظر لهم بنظره دونيه في أمريكا . . . . شلي نفعهم انهم من سكان أمريكا الأصليين غير ميزه الأولوية
فتح بعض البارات والخمارات من دون ضرائب . . . والبريطانيين مثلك مثل واحد كان في بريطانيا من ألف سنه بس حبيت أوضح بعض الأمثلة لان فيه
ناس للأسف تستشهد بأمثله منقوصة
الله يعز الدولة وشيوخها . . . التعليم فيها مجاني والكهرباء والماء مجانية والعلاج مجاني والابتعاث مجاني
وما فرقت معاها بأذن الله وما اعتقد راح تقصر على مواطنيها بقطعه ارض تكون سكن ومأوى لهم ولعيالهم
في ظل وصول أسعار الأراضي الى أسعار خرافية عجز الكثير منهم على توفيرها
نصيحه
يا جماعه الدولة مقبله على تنميه مستقبليه ومحتاجه تظافر الكل كمواطنين لدفع عجله التقدم والازدهار والوصول بقطر
الى مصاف الدول في كافة المجالات يا ريت لو ننبذ لغة التحدث بقطري مجنس وقطري اصيل قطري من الفئة العاشرة وقطري من الفئة الأولى . . .
دول ارتقت الى القمم بجهود مواطنيها من كافة اطيافهم واحنا البعض عندنا الى الان لم يستطع حل معادله الفئات ودورها في اثارات النعرات العنصرية
بأذن الله كلنا قطر
هذا بيفتح مجال يطلع قانون يديد القطرين الي موجودين قبل سنه 1500 ميلادي في الدوله بتروح عليهم 10 صفر الي موجودين قبل 1930