وصلك مسج مراجعه المركز الفلاني ولا بس مخالفه 1000 ريال؟المشاركة الأصلية كتبت بواسطة بعيد النظر
عالم وايد انطلبت مواترهم عشان العازل ..
المشكله مافي حد واضح صراحه .. اللي يقولك 20% واللي يقولك 30% و اللي يقولك هاي امريكي اقوى من الانواع الثانيه ..
|
![][ الوحيد ][ غير متصل](images/statusicon/user-offline.png)
![الصورة الرمزية ][ الوحيد ][](image.php?s=051eb77e9b19011517883eef532a7eeb&u=10574&dateline=1420448501 "الصورة الرمزية ][ الوحيد ][")
وصلك مسج مراجعه المركز الفلاني ولا بس مخالفه 1000 ريال؟
عالم وايد انطلبت مواترهم عشان العازل ..
المشكله مافي حد واضح صراحه .. اللي يقولك 20% واللي يقولك 30% و اللي يقولك هاي امريكي اقوى من الانواع الثانيه ..
::... سبحان الله .. الحمدلله .. لا إله الا الله .. الله اكبر ...::
لو كنت مكانه كان كتب على باب المكتب: بدون أحراج إذا عن المخالفات فأنا آسف أنا ضابط أطبق القانون.
أبي هريرة -رضي الله عنه- قال: قال رسول الله -صلى الله عليه وسلم-: ((ما يزال البلاء بالمؤمن والمؤمنة في نفسه وولده وماله حتى يلقى الله تعالى وما عليه خطيئة))، رواه الترمذي، وقال: حديث حسن صحيح.
لا ماحدت ، والشباب هم هم باستهتارهم وعدم مبالاتهم
وولدي واحد منهم عليه مخالفات يمكن ست على سيارته وثلاث على سيارة البيت ، ويم اناقشه فيه يقولي يمه الكل عليه مخالفات اقوله عشان الكل عليه يعني انت صح ولازم تكون عليك مخالفات ، لا مبالاة وعدم اهتمام مع انه تعبان في راتبه لكن مانقول الا الله يهديهم ويصلح حالهم ويعقلهم
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد
واذا عالرادارات .. ماعندي ولا رادار سرعتي فوق ال100 !!
والقهر الشارع سرعته 100 و تجيني الاشاره رادارها 80 ! ترى هالشي مايصير !! فليل الساعه 3 الفجر .. مثبت السرعه على 95 امر على رادار الاشاره يصورني !! طيب الشارع 100 ليش الاشاره مب نفس سرعه الشارع وخلاص !!
خط مسيعيد ركزززز على خط مسيعيد !! برادو ابيض و واحد جنبه يصور مع السياره سيلفي !! تمر على السياره بسرعه 90 تتفاجأ ان فيها رادار !!
طيب واللي يصور معاها هاي شنو ؟ حركه ان يعني لا تشك فالموضوع !!
قوانين المرور كلها تحتاج تغيير ..
تحتاج ضبط ..
شاحنات شكثر على الخطوط الخارجيه فليل بدون ليتات و محد يكلمهم !
تجاوز اليمين .. عالكورنيش و عند الاشارات !! و القهر ناس كباار فالعمر !
امس واحد عند اشاره بروة يبي يدخل علي من عاليمين نزلت الدريشه و قلت له مشكلتك ابوو و تسوي جذي و مشيت عنه ..
صح غلط اللي سويته !! لكن لو واحد يشوف ابووه يسوي هالشي شلون تبون يتعلم ؟
ابو يحذف فاين ولا شي من الدريشه جدام عياله شلون عياله مايقتدون فيه ؟
الوضع مب بس على الفئه الصغيره والشباب ..
الاسبوع اللي راح فالعديد استعراض على الطعس و حضرو الشرطه ..
راحو الشباب صوب الصبخه و يستعرضون هناك .. و المكان عباره عن ساحه فيها 10 سيارات و فوق ال5 حوادث في نفس المكان
والدوريه تبين فالفيديو ورا !!
::... سبحان الله .. الحمدلله .. لا إله الا الله .. الله اكبر ...::
مراجعة مركز حجز المركبات اللي وصلني ..
والموتر 30% .. قبل 3 سنين تقريبا" ..
ويوم كلمت الربع قالو اذا اول مرة ينطلب ..
تروح تدفع 3000 ريال ويطيحون الطلب ..
هو اول مرة ينطلب .. بس عسى ما شر .. اروح ادفع لهم ..
بسبة شخص .. صنف وقدر بكيفه !!!!!!!!!!!!!!!!!!
ليش كللللللللل اللي مريت عليهم قبل محد قال شي ؟
الله يعيين ..
انا توني من اسبوع دافع مخالفاتي ..
3 منهم خط فيلاجيو .. السرعة 92 ..
و3 دايس ع الخط اشارات مدينة راس لفان ..
بس مجرد دست ع الخط 500 ريال !
واذا ع الردارات المخشوشة .. جوف العراوي الاستاندر ..
اللي كل يوم خاش راداره ورا صبية .. جسر ام عبيرية .. وحاذف موتره في مكان ثاني ..
وصارله اسبوعين مختفي الظاهر سنوية !!
انا نزلت علي مخالفه 1000 ريال بسبب العازل .. وصار له 7 شهور تقريبا ..
كلمت واحد قالي مافي طلب عالسياره .. الا اذا وصلني مسج على جوالي المصكر فالبيت شي ثاني ..
واحد من الربع موتره 2008 و عليه عازل من يوم طلع من الوكاله ..
و انطلب الاسبوع اللي راح هههههه
::... سبحان الله .. الحمدلله .. لا إله الا الله .. الله اكبر ...::
اقولك واقف ورا الموتر يصور نفسه و يصور المكان !! و اخر شي من جدام رادار !! طيب ليييش فهمني لييش هالحركات !
الله يعينك و المفروض الرادارات كلها محدده السرعه وخلاص ...
نخليها 90 فالنص بين ال80 وال 100 عشان محد يقول شي .. و تعطي مجال 5 كيلو زياده
::... سبحان الله .. الحمدلله .. لا إله الا الله .. الله اكبر ...::
ما شاء الله قامو يتفننون .. بس شلون يصور سلفي ههههههههههههههههههه
يعني رافع يده ساعة ونص ويصيد فـ العالم !!!
المصيبة وصلني المسج على تلفون مادري وينه ..
مضيعه من مدة .. ويوم لقيته وشغلته اول امس .. وصلني مسج امس هههههههههه
ليتني بس ما دورت عليه
لا يعني كان يمثل ولا كأنه في رادار فالموضوع ههههه
::... سبحان الله .. الحمدلله .. لا إله الا الله .. الله اكبر ...::
ضوابط المشاركة
رد مع اقتباس