تحرير اسعار البترول بدوله قطر ، بحيث يصبح بدون دعم حكومي

[غريب الدّار]

سؤال :

من فترة رفعوا سعر لتر البترول عندنا
لانه كان اقل من ريال وصار بريال عقب مازادوا السعر

السؤال :
هل زادت الأسعار عقب الزيادة هاذي؟
قصدي هل زادت أسعار السلع كنتيجة مباشرة لزيادة سعر لتر البترول؟

لان الأسعار قاعدة تزيد في العالم كله
لكن هل زادت عندنا بعد مازادوا سعر البترول آخر مرة نتيجة مباشرة لزيادة سعر اللتر؟

[غريب الدّار]

سياره وحده كحسبه اخوي مضارب بتكلفك مبلغ وقدره هذا غير تبعياتها وغلو الاسعار المقابل لها
قطع غيار صيانه بريك دوان تشييك ايجارات محلات الصيانه العمال توصيل العمال الصيانه الدوريه
البنيان وتكلفه البناء الاراضي التكاسي كل شي حولك بيترفع وكله بيحطونه على ظهرك لانه سيارتك اختربت

بنما نظريه اخونا مضار رفع الدعم كانهم خفضوا الرواتب التجار ما يحسبونها بهالطريقه يحسبون انه راتبك كما هو وزادت التكلفه عليهم
لا يبه خفف من المصروفات يلي مالها داعي في موازنه الدوله ..
اذكر كان عندنا مدير مالي يقول كل مدير عام يجي المؤسسه يفكر في تخفيف الصرف ليبين كبر الارباح
واول شي يفكر في رواتب الموظفين وصرفهم وارزاقهم .. اما يشوفون بندود ثانيه ما يتعبون روحهم

والله ياام عبدالله كلامج على راسي
يمكن تكونين صح

الله يكتب اللي فيه الخير

اذا رفع الأسعار في صالح الوطن والمواطن فاللهم عجل به
وان كان إبقاء الأسعار او تخفيضها في صالح الوطن والمواطن فاللهم عجل به

[حسن]

شلوووووون فائض مالي
وكل شي بيرتفع سعره !!!!

ياخي خل يرتفع بس مهب كل شي مطلوب وبعدين خل تتولد ثقافه الاستهلاك لدي المواطنين
بدال الاسراف الكبير اللي نشوفه
وهني غصب بتنزل الاسعار وبيكون فيه جودا ايضا ولو كان هناك ارتفاع اتوقعه طفيف
ووابحث عن البديل وبيسسير يامضارب تحافظ على استخدامك للشي مهب الحين اشتر وقط
والبيوت متروسه خماشيروخلاقين

[غريب الدّار]

ياخي خل يرتفع بس مهب كل شي مطلوب وبعدين خل تتولد ثقافه الاستهلاك لدي المواطنين

؟؟؟؟؟؟؟؟؟؟؟؟؟؟؟؟
تتولد ثقافة الاستهلاك يابو علي؟؟

اكثر من جذيه؟؟؟؟؟؟؟
من صجك؟

احنا مجتمع مستهلك أصلا

يمكن تقصد ثقافة الادخار او تقليل المصروفات
مب الاستهلاك
او تقليل الاعتماد على الدولة في بعض الأمور

ويمكن انا أكون غلطان او فهمتك غلط بعد

[مضارب دوسري]

ياخي خل يرتفع بس مهب كل شي مطلوب وبعدين خل تتولد ثقافه الاستهلاك لدي المواطنين
بدال الاسراف الكبير اللي نشوفه
وهني غصب بتنزل الاسعار وبيكون فيه جودا ايضا ولو كان هناك ارتفاع اتوقعه طفيف
ووابحث عن البديل وبيسسير يامضارب تحافظ على استخدامك للشي مهب الحين اشتر وقط
والبيوت متروسه خماشيروخلاقين

اسمحلي اخوي ما فهمت

يعني انت تقول خل يرفعون الدعم وترتفع الاسعار
ويستفيد التجار

والمواطن لااااازم في المقابل يقلل من مصاريفه !!!!!

فكرت بالايجارات والمواطنين المؤجرين !
فكرت في بناء وارتفاع تكاليفه بقووه حينها !!!
فكرت في المواطن اللي عليه قروض في البنك لامور اساسيه مثل شراء سياره او تشطيب بيت العمر !!!

فكرت في اهل الشؤون وكيف بتضيق عليهم الحياه اكثر واكثر !!!

فكرت في كل هذي الامور والا اتخذت نظرية انا ومن بعدي الطوفان
نفسي نفسي ؟؟؟

[مضارب دوسري]

انزين بعد تقليل الدعم في المره السابقه
شفتوا كيف ارتفعت الاسعار

فما بالكم لما يتم تحرير سعر البترول !!!

[مضارب دوسري]

سياح دبي
بعد 1 اغسطس
بتحسون كانكم في اوروبا مش دبي
بسبب ارتفاع اسعار كل شي هناك

وهناك توقعات ان يقل عدد السياح بقوه بعد تحرير اسعار البترول في الامارات

وان السياحه ستنتقل لدول اخرى

[حسن]

؟؟؟؟؟؟؟؟؟؟؟؟؟؟؟؟
تتولد ثقافة الاستهلاك يابو علي؟؟

اكثر من جذيه؟؟؟؟؟؟؟
من صجك؟

احنا مجتمع مستهلك أصلا

يمكن تقصد ثقافة الادخار او تقليل المصروفات
مب الاستهلاك
او تقليل الاعتماد على الدولة في بعض الأمور

ويمكن انا أكون غلطان او فهمتك غلط بعد

هلا هلا

مااعني ماتعنيه اقصد ثقافه كيف نستهلك الشي وكيف نشتري وكيف نحافظ
ولا احنا شعوب معروفه اكبر مستهلكين
حدتى الرودس نستهلكه من برع

[(ام عبدالله)]

المشكله انها سلعه اساسيه مرتبط فيها كل شي .. كالماء شريان الحياه

[حسن]

اسمحلي اخوي ما فهمت

يعني انت تقول خل يرفعون الدعم وترتفع الاسعار
ويستفيد التجار

والمواطن لااااازم في المقابل يقلل من مصاريفه !!!!!

فكرت بالايجارات والمواطنين المؤجرين !
فكرت في بناء وارتفاع تكاليفه بقووه حينها !!!
فكرت في المواطن اللي عليه قروض في البنك لامور اساسيه مثل شراء سياره او تشطيب بيت العمر !!!

فكرت في اهل الشؤون وكيف بتضيق عليهم الحياه اكثر واكثر !!!

فكرت في كل هذي الامور والا اتخذت نظرية انا ومن بعدي الطوفان
نفسي نفسي ؟؟؟

يامضارب بالنسبه للمواطن انا ذكرت يتم دفع له فرقيه في الرواتب
كاتعويض ارتفاع البترول
وماتقاس الامور بارتفاع كل شي في البلد وتركب ديون كل شخص على الدوله
حتى انا يكون في علمك مديون تصدق ولكن عندي واقدر اسدد ديني عادي
وبعيدن بدال العالم ماتكد على كيوتل وعلى المرور وعلى عبدالغني
وعلى المطاعم وعلى الطيران ودرجات الاولى والبزنس وعلى الشانيل وطقاته
خلها تتعلم ان مافي شي يتم على حاله