زيلامسي فيينا باريس

[طموحي عالي]

السلام عليكم ورحمه الله

يعطيكم العافيه جميع

وين تنصحوني اسكن في هالاماكن

زيلامسي ( غير فندق جراند)


فيننا


باريس

ومشكورين مقدما

[الدحيل 16]

وعليكم السلام ورحمة الله وبركاته

اختي تبغين في:

زيلامسي: قريب البحيرة يعني تروحين لها مشي، أو عادي تسكنين في مناطق حول زيلامسي (5 - 7 دقائق بالسيارة ) مثل فورث أو كابرون أو بايسندورف؟

فيينا: في 3 أماكن معروفة، صوب الحديقة أو شارع المشاة أو الشارع التجاري (الماركات ) وكلهم تقريبا قراب للأماكن السياحية.

باريس: هل في الشانزليزيه أو صوب الأوبرا أو صوب اللادفيناس

[طموحي عالي]

انا بغيت قريب البحيره قبل
بس مافي حجز للاسف
في فندق جراند

وانا مابكون عندي سياره خاصه
يعني احتاج صراحه مكان حيوي شوي
اذا كابرون السكن فيها يبعد عن زلامسي شي بسيط بسكن فيها

في فيينا ابي صوب شارع المشاه

وفي باريس ابي صوب الشانز او اللادفيناس بشوف الافضل ماعندي مشكله

[mr.goldmann]

في فينا انصحك اخي

بفندق Savoyen

الغرف فيه واسعه جدا تتعدى ال 40 متر

رحلة موفقة

[ابن البيطار]

اختي الفاضله ممكن تلغين السفر الى فرنسا بسبب اسائتها للمسلمين والتعدي على سيد الخلق ؟! ولج الاجر ان شاء الله

[غير البشر]

مرحبا اختي طموحي عالي

اوووب شالتغييرات المفاجئه

بخصوص زيلامسي الناس تحجز لها من بدري ويدوب تحصل

اذا غراند مليان ممكن تشوفين فندق سي فيلا
وفي شقق حلوه وجديده بس بالجهه المقابله من البحيره بلفيو
يعني الحل انكم تروحون للسنتر بالباص رقم 70

عطيني تواريخ سفرتج كلها خليني اشوف لج

بالنسبه لفيينا

اذا تبغين راقي وقريب من شارع الكيرتنر
عندج فندق زاخر

http://www.booking.com/hotel/at/sach...out=2015-08-20

وفي فندق قريب من يعني مشي 3 دقايق بس
انا جربته السنه الي راحت
فندق لي ميرديان

http://www.booking.com/hotel/at/le-m...out=2015-08-20


وطبعا الفندق حبيب الشعب واللوبي بنفسه سفره حشره وكبير
فندق الماريوت

http://www.booking.com/hotel/at/vien...out=2015-08-20


وعندج فندق الهيلتون والريتز والانتر


بالنسبه لباريس وقريبه من الشانز

فندق وارويك

http://www.booking.com/hotel/fr/warw...out=2015-08-20

فندق كلاريدج
قبل شهرين سكنت فيه وخذت سويت مطل على الشانز روعه
نظام سويتات وشقق

http://www.booking.com/hotel/fr/le-c...out=2015-08-20

والماريوت من جنبه

http://www.booking.com/hotel/fr/pari...out=2015-08-20

واذا لج خاطر تدفعين زياده عندج فوكيتس

http://www.booking.com/hotel/fr/fouq...out=2015-08-20


او اللاديفانس

فندق ميليا
ممتاز جدا ورخيص في بدايه اللاديفانس
وجنبج محطه المترو ايسبلندا لاديفانس للتنقل

http://www.booking.com/hotel/fr/meli...out=2015-08-20


ومقابل فندق مليليا هو فندق سوفتيل
وبينهم محطه المترو

http://www.booking.com/hotel/fr/sofi...out=2015-08-20


او الهلتون جنب مجمع الفصول الاربعه temps

http://www.booking.com/hotel/fr/hilt...out=2015-08-20


واذا لج خاطر صوب ايفل
ارشح لج فندق بولمان


http://www.booking.com/hotel/fr/tour...out=2015-08-20


انا اشوف هذي افضل الفنادق في الاماكن المطلوبه

تحياتي

[الدحيل 16]

ما قصر الاخ غير البشر وكلامه وافي

هاي اختي اختياراتي عن تجربة شخصية فالفنادق للاستزاده، انا وايد أفضل فنادق 4 نجوم خصوصا ايام المواسم لفرق السعر ولنوعيه زوار بعض الفنادق بو 5 نجوم. وايضا أغلبها جنب بعض.

فنادق فيينا كلها حلوة، باريس هاي أقل تكلفة مع جودة مناسبة للسعر، اللاديفانس أظن هاي الافضل، زيلامسي هاي اللي أعرفه لاني ما أحب أسكن فيها

[الدحيل 16]

ما ادري اذا الصور تطلع أو لا

[طموحي عالي]

مشكورين غير البشر و الدحيل

تواريخ السفر

بودابست 19 - 23 اغسطس
زلامسي 23 - 26 اغسطس
فيينا 26 - 29 اغسطس
باريس 29 اغسطس - 2 سبتمبر

مبدئيا فكرت في هالفنادق وبشوف بعد الفنادق اللي طرشتوها لي

انا انسانه ابي المكان الحيوي عشان يكون كل شي قريب مني فقط خاصه ان البلدان جديده علي

بودابست اخترت الماريوت
زلامسي tirolerhhof
فيينا الهلتون
باريس حياه ريجني اللي كان اسمه كنكورد


شرايكم

[غير البشر]

ماشاء الله عليك اخوي الدحيل مبدع
عساك على القوه يارب

العفوو اختي طموحي
يعني بودابست في القائمه افتكرت الغيتيها

بس ابغي اوضح لج شي
ان المسافه من بودابست الى زيلامسي بالقطار طويله جدا جدا
اسرع رحله مسافتها 7:31 وتبديل قطار واحد في سالزبورغ
يعني انسي تروحين بهذي الطريقه

انا بغير شي بسيط وراح يوفر لج وقت

تحجزين تذكره الذهاب الدوحه - بودابست
ومن بودابست تاخذين قطار الى فيينا مسافته 2:35 وتجلسين فيها كم يوم
وبعدها قطار من فيينا الى زيلامسي مسافته 4:14 وتبديل قطار واحد في سالزبورغ او مدينه Schwarzach-St.Veit

وبعد ماتخلصون من زيلامسي
عندج حلين للذهاب الى باريس

يا ترجعون فيينا مسافتها من زيلامسي 4:14
او عن طريق ميونخ مسافتها من زيلامسي 3:28

بالنسبه للفنادق :

ماريوت وبدابست ممتاز
فندق زيلامسي ممتاز
فندق هيلتون فيينا ممتاز جربته مرتين
بس كونكورد لافاييت يبغيلج مشوار مشي لين الشانز
يعني لازم مترو
وهو بالنص مابين الشانز واللاديفانس والمكان مب حيوي كثير

فندق قديم شرته قطر وان شاء الله يكون جددوه بس اجمالا ممتاز

انتظر ردج عشان نرتب الباقي