زيلامسي فيينا باريس

[طموحي عالي]

لا بودابست موجوده بس لان كنت متوهقه في الفنادق بالاماكن ذي

بالنسبه للمسافه بين بودابست وفينا قلت للاهل وقالوا عادي ان 7 ساعات

لان انا خايفه من سالفه اكون بقطار وعقب اروح المطار اتوتر ان اتاخر او شي

بس بعد بقولهم عن فكرتك


للاسف ماريوت بودابست امس موجود اليوم راح اخترت الانتر شفت مدح عليه
فرنسا عجبني ميليا اللي حطيته لي فاخترته

الحين كلمت اللي يسوي التاشيرات طبعا سفاره هنغاريه فاشله مالقيت موعد
بضطر اطلع شنغن من الفرنسيه ويارب مايوقفوني المطار في هنغاريا
بيرد علي اليوم
عشان اتاكد وبحجز الفنادق اللي تم ذكرها قبل شوي

[غير البشر]

اي شفت الانتر حلو

زين سويتي وحجزتي في ميليا ممتاز

اذا عادي عندهم هالمسافه مادري الي تشوفونه لان سنداره القطار غير عن الطياره في القطار اكثر

بالنسبه للتأشيره على تقسيم ايام سفرتج المفروض والصح تطلعينها من السفاره النمساويه
وليست الفرنسيه او المجريه ( الهنغاريه )

مب شرط اول دوله تنزلين فيها

الشرط الاول والاساسي اكثر دوله راح تقعدين فيها
ومن تقسيم سفرتج راح تقعدين بالنمسا اكثر وحده

اذا بخاطرج تطلعين من السفاره الفرنسيه اخذيها من الفرنسيه
ونسوي لج حجز وهمي حق فرنسا انج راح تقعدين فيها اكثر دوله وتاخذين معاج نسخه لمطار المجر
وبس امورج طيبه ان شاء الله

يعني انسي سفاره المجر لاطلعين منها وعلى مسوؤليتي

[طموحي عالي]

صح
ع ان قلت للي يسوي التاشيرات قالي قعدي في فرنسا 5 ايام وعادي نطلعها لج من فرنسا

اعتقد تاشيره النمسا تكون من السفاره الالمانية صح ؟

[غير البشر]

ايوه صح كلامه يبغيج تقعدين في فرنسا اكثر
بس لازم 7 ايام مش خمسه
لانج بالنمسا راح تقعدين من تاريخ 23 الى 29 يعني 6 ليالي
ولازم تحجزين في باريس 7 ليالي
يبغيج تقعدين في فرنسا اكثر

قولي له بنحجز فندق في فرنسا وهمي وبعد مانحجز فندق ونطبع نسخه نلغي الحجز
وقت الحجز شوفي اي فندق فيه خاصيه الغاء الحجز مجاني
وبس الامور طيبه


صح النمساويه من السفاره الالمانيه

رتبي مع الجماعه الي معاج
وعطيني اي جديد يطلع معاج

[حسن]

بالتوفيق

دام غير البشر موجود ماعليه خوف

[غير البشر]

بالتوفيق

دام غير البشر موجود ماعليه خوف

ههههههههه تسلم بوعلي

اوعدك اليوم وبقولك السالفه عقب

[طموحي عالي]

رتبت كل شي
بطلع تاشيره لنمسا

حجزت الفنادق
وموعد السفاره تحدد

[طموحي عالي]

باقي لي الطيران الداخلي والقطارات*
تنصحوني احجز من الحين افضل او عقب

[غير البشر]

ماشاء الله حلووو
خطواتج صحيحه
ربي يوفق

بخصوص القطارات
اذا متأكده من الوقت وتاريخ السفر احجزي من الحين ارخص
وعقب يمكن تفرق اشوي بالسعر حسب الضغط على الحجوزات ويمكن لا

المشكله تقسيم تذاكر القطارات عندهم
مثلا السياحيه عندهم 3 درجات
سعر منخفض و وسط وعالي

اذا تأخرتي كثير تخلص الاسعار المنخفضه وتضطرين تحجزين السعر الوسط وبعدها الاعلى وهكذا


الرحلات بيوم سفركم بالقطار من بودابست الى زيلامسي
تبديل قطار واحد في سالزبورغ
اقل مده للرحله 7:20
واكثرها 9:04

لو تاخذون الساعه 9:24 ممتازه

العاب

ومن زيلامسي الى فيينا
تبديل قطار واحد في سالزبورغ
مده الرحله 4:15

خذو رحله الساعه 9:15 او 1:15
ولاتاخذون رحله الساعه 11:15


العاب


بالنسبه للطيران
هناك 4 خطوط طيران تطلع من فيينا الى باريس دايركت وهم

1- FlyNiki
2- air berlin
3- الطيران الفرنسي
4- الطيران النمساوي

انا ارشح لج air berlin

طياره اقتصاديه ممتازه جدا
وسعرها رخيص

بالوقت الي بتسافرون فيه
سعر التذكره للشخص من فيينا الى باريس على اير برلين 1460 ريال
والنمساويه 2534 ريال
والفرنسيه 2163 ريال

ومده الرحله على اير برلين 1:55
وعلى النمساويه والفرنسيه 2:10

هههه وملغمه بعد اسرع

تحياتي

[طموحي عالي]

يعطيك العافيه ماقصرت
وبحجز الحين للقطارات لان خلصت الامور الثانيه والفنادق