الرخــــام وتركيبه

[Almuraikhi]

عندي اقتراح بسيط وإنشاء الله يستفيد منه باقي الأعضاء ياريت لو كل واحد ينقل تجربته في تركيب الرخام وتوريده لان الرخام توسع في السوق وضعنا بين الدرجات والكل يقولك بيركب وتركيبه حلو مثلا رحت عند مركز الرخام والجرانيت في سوق بروه الوكرة قالي نظامهم توريد وتركيب وجلي بس غالي كثر كثر يعني مثلا لقيت الكريما ماربل الإسباني المتر ب460 تقريبا والتركيب مع الجلي 120 ورحت للمتحده للتجهيزات عطاني نفس الرخام المتر ب400 بس بدون تركيب ولقيت واحد يركب المتر ب60 مع المواد وطلع الفرق كبير من بين المتحده ومركز الرخام وانا والله محتار ياريت لو تقولون لنا تجاربكم ومشاكلكم مع التركيب ونصايحكم

[شموخ دائم]

,

,

مرحبا

حيالله المريخي

جرب الرخام الذهبي اعتقد بتلاقيه في حدود 260 ريال بدون تركيب
الشركه معروفه وذكرنها كثير هنا

وحط من 80 الى 100 ريال للتركيب
يطلع عليك كامل بحدود
من 350 الى 360 ريال بهذا الحدود سعر السوق

وعندك شركه اسمها
شركة كوهينور للرخام
هذي اول مره اذكرها هنا بالمنتدى

هذي شركه فيها هنود جيدين سبق وتعاملت معاهم في اكثر من مشروع
وسعرهم مع التركيب بحدود 360 ريال

أي شركه بتتعامل معاهم اطلب منهم الاتي :

قوله ابي تقطع لي اسلابات ( وترقمهم )
بيحط ارقام على كل صندوق وعلى كل رخامه
والي يركب يحط الارقام جنب بعض
بيطلع الرخام شكله ممتاز جدا
حتى لو كان تجاري


واطلب من الي بيركب يحط ( حمايه ) حتى ما تطلع بقع

بيعطيك اسامي ناس تركب هو يتعامل معاهم



الي يركب ابو 30 ريال و 50 ريال
ترى تركيبهم أي كلام لا تسترخص في التركيب
وبيقطع الرخام أي كلام بالمكينه العاديه وتقطيعه بيخرب الشكل العام
خاصه الزوايا

خل يقطع الرخام كله في ( المصنع ) ويجيبه جاهز
يعني الرخام ابو 60×60
بيحتاج احيانا في الاطراف والزوايا يركب
60×30
هذا لازم تنقطع في المصنع

والتركيب هو الشي المهم ويطلع المكان بشكل حلو هو الفنش النظيف

لاتشتري ( لكزس ) ويسوقها شخص مايعرف يسوق
ترى نفس الفكره
الماده الغاليه يبيلها تركيب طيب

طبعا الرخام الكريم مارفيل الاسباني

يجي درجات
درجه اولى وتجاري
الفرق بينهم فقط في ( توحد ) اللون
والعروق
اما الرخام والحجر هو نفسه

الي يبيعه غالي تلاقي ( اللون متوحد )

ولو خذت تجاري
وعندك واحد فنان في التركيب بيطلعه روعه
لانه يعرف شلون يفرز الرخام
نطلعه من صناديقه ونفرشه بالحوش
ونفرز اللون القريب من بعض في الصاله مثلا
( الكميه الاكبر للمكان الاكبر )

واللون الي مختلف شوي يركبه في الممرات
.... الخ

هذا شي مهم جدا جدا

وبعدها الجلي يجي على 3 مراحل
واخرها جلي بحجر
الماس


واذا تبي تفتك من توحد اللون وعوار الراس هذا
( ركب رخام باتشينو )
شكله روعه ولونه متوحد وفخم ايضا


ان شاء الله باقي الشباب يفيدونك بتجاربهم



,

,

[Almuraikhi]

,

,

مرحبا

حيالله المريخي

جرب الرخام الذهبي اعتقد بتلاقيه في حدود 260 ريال بدون تركيب
الشركه معروفه وذكرنها كثير هنا

وحط من 80 الى 100 ريال للتركيب
يطلع عليك كامل بحدود
من 350 الى 360 ريال بهذا الحدود سعر السوق

وعندك شركه اسمها
شركة كوهينور للرخام
هذي اول مره اذكرها هنا بالمنتدى

هذي شركه فيها هنود جيدين سبق وتعاملت معاهم في اكثر من مشروع
وسعرهم مع التركيب بحدود 360 ريال

أي شركه بتتعامل معاهم اطلب منهم الاتي :

قوله ابي تقطع لي اسلابات ( وترقمهم )
بيحط ارقام على كل صندوق وعلى كل رخامه
والي يركب يحط الارقام جنب بعض
بيطلع الرخام شكله ممتاز جدا
حتى لو كان تجاري


واطلب من الي بيركب يحط ( حمايه ) حتى ما تطلع بقع

بيعطيك اسامي ناس تركب هو يتعامل معاهم



الي يركب ابو 30 ريال و 50 ريال
ترى تركيبهم أي كلام لا تسترخص في التركيب
وبيقطع الرخام أي كلام بالمكينه العاديه وتقطيعه بيخرب الشكل العام
خاصه الزوايا

خل يقطع الرخام كله في ( المصنع ) ويجيبه جاهز
يعني الرخام ابو 60×60
بيحتاج احيانا في الاطراف والزوايا يركب
60×30
هذا لازم تنقطع في المصنع

والتركيب هو الشي المهم ويطلع المكان بشكل حلو هو الفنش النظيف

لاتشتري ( لكزس ) ويسوقها شخص مايعرف يسوق
ترى نفس الفكره
الماده الغاليه يبيلها تركيب طيب

طبعا الرخام الكريم مارفيل الاسباني

يجي درجات
درجه اولى وتجاري
الفرق بينهم فقط في ( توحد ) اللون
والعروق
اما الرخام والحجر هو نفسه

الي يبيعه غالي تلاقي ( اللون متوحد )

ولو خذت تجاري
وعندك واحد فنان في التركيب بيطلعه روعه
لانه يعرف شلون يفرز الرخام
نطلعه من صناديقه ونفرشه بالحوش
ونفرز اللون القريب من بعض في الصاله مثلا
( الكميه الاكبر للمكان الاكبر )

واللون الي مختلف شوي يركبه في الممرات
.... الخ

هذا شي مهم جدا جدا

وبعدها الجلي يجي على 3 مراحل
واخرها جلي بحجر
الماس


واذا تبي تفتك من توحد اللون وعوار الراس هذا
( ركب رخام باتشينو )
شكله روعه ولونه متوحد وفخم ايضا


ان شاء الله باقي الشباب يفيدونك بتجاربهم



,

,

تسلملي اخوي شموخ على الرد المفصل أنا والله سمعت عن شركة كوهينور بس ماعرف شغلهم قالي عنها مصمم انه يتعامل معاهم شلون شغلهم وتركيبهم مرتب وحلو وش تنصحني فيه الرخام الذهبي ولا كوهينور ؟

[معماري قطري]

إخوي شموخ كلامك كله في محله وأحلى ما فيه المثل لا تشتري لكزس .. صج شيخة السيارات

أول ما قربت الاسم قلت أكيد نوع من الرخام بس من تابعت عرفت المثل .. صحيح حتى السيراميك والبورسلان لازم حد فاهم يركبه ويركبه صح

[شموخ دائم]

,

,


مرحبا


تسلم اخوي معماري انت استاذنا هنا بارك الله فيك بالامور الثقيله والهندسيه والعقود والفنيات والديكور
احنا متابعين السوق في التشطيبات ونتردد عليهم دائما لذلك
لذلك اسماء المحلات دائما حاضر معانا

اخوي المريخي

الفرق بين الشركتين الرخام الذهبي ما يركب
يعطيك البضاعه ويجهزها حسب مقاساتك الي تبيها وبيعطيك ارقام ناس تركب
على مسئوليتك

كونهور عندهم المصنع وهم الي يركبون ويشرفون على الشغل
طبعا لازم اثناء الشغل بنلاقي ملاحظات بالتركيب
ونطلب منهم التعديل والتبديل
وكانوا متعاونين للامانه

وانا يهمني الشركه تكون ( متعاونه )
لان الشغل ما يخلى من الملاحظات وفي امور نحتاج نعدلها اثناء سير الشغل ونزيد عليها
هذا شغل ديكور ويحتاج الصبر والتعاون من الطرفين

وانا تعجبني الشركات المتعاونه قبل أي شي ثاني
أي شركه غير متعاونه اشطبها من الدفتر عندي وما ارجع لها ولا انصح فيها ابدا


تبي نصيحتي
اخذ عرض سعر من الشركتين و ان شاء الله يرشحون لك الشباب شركات اخرى
ومر عليهم كلهم واخذ الاسعار وشوف شغلهم ومشاريعهم بالصور او زور كم موقع
والي بترتاح له توكل على الله ووقع معاه


موفق ان شاء الله


,

,

[مارون كلاسيه]

الله يجزاك خير اخوي ممكن رقم شركة كوهينور للرخام
لاني اتصلي الاستعلامات والرقم طلع موقوف

[سعود.]

44370745

44373922


هذي ارقامهم

[مارون كلاسيه]

جزاك الله خير

[Bo3essa]

ياشباب لو سمحتوا بغيت رقم الرخام الذهبي الرقم الموجود في البداله اعتقد غير صحيح

[سعود.]

44177384

هذا الي عندك ؟؟