إلزام شركات الصرافة بالتوقف عن أخذ عمولات ..................

[(ام عبدالله)]

كفيتي و وفيتي ام عبدالله ويزاج ربي كل خير ..

جزانا واياك الجنه

[Riku3]

صراف الزمان في شارع المطار مريتهم قبل العيد كانوا حاطين ورقة بخصوص الريالين .. مدري اذا للحين موجوده والا شلوها @_@ .

وكنت حاط موقف صارلي قبل العيد فيه مخالفة من شركات الصرف في رد ثاني :-

اقتباس للرد :

قبل العيد كنت ابي دولارات ويورو .. الدولار معروف سعر البيع 3.65 وتقدر تحصله اقل شوي لو تعرف حد .... واليورو كان نازل سعره وانا محتاج 5000 يورو .. رحت اول صراف قالي 4.270 ما ارتحتله .. رحت اللولو في المطار وفيه صرافيين 2 .. الاول قالي 4.250 والثاني نفس الشي بس يوم انسحبت واحد وقفني وقالي كم تحتاج ؟ .. قلتله 5000 يورو .. قالي تعال بنعطيك بـ 4.150 .... بعد ما ارتحت ..

رحت صراف الفردان صرفت بـ 4.007 !!! ..... حسبي الله ونعم الوكيل سعر الصرف المفروض ثابت وهم يتلاعبون بأسعار قديمة .

سبحان الله بوق اشكره !! .

[JN000N]

وجه محافظ مصرف قطر المركزي سعادة الشيخ عبدالله بن سعود آل ثاني شركات الصرافة بالتوقف عن تحصيل اي عمولة علي بيع او شراء العملات الاجنبية.
واوضح سعادته في تعميم وزع علي شركات الصرافة انه لوحظ قيام بعض محلات الصرافة بتحصيل عمولة على بيع وشراء العملات الأجنبية، ونرى ضرورة التوقف عن تحصيل اي عمولة علي بيع او شراء العملات.
واشار التعميم الي انه سيتم مخالفة محلات الصرافة المخالفة وذلك وفقا لاحكام قانون مصرف قطر المركزي رقم 13 لسنة 2012 .

متى يا حسرتي
امس مطرشه الدريول يصرف لي
اول ما راح خذو علي عموله مادري كم نسيت
المهم ان قلتله خل يولي عنك روح مكان ثاني
ومن العيز ف دريولنا رجع له مره ثانيه الا اللي يشتغل ف الصرافه زاد العموله
انا خسراااانه ف المبلغ اللي صرفته

اتم عالفيزا ابرك واسحب من هناك من بطاقتي ياخذون البنك نسبة ولا اخليها حق الصرافه الحراميه

[المهندس عبدالعزيز]

عندي سؤال الصرافة عليها ايجارات وموظفين شلون بيغطون التكاليف بعد هذا التعميم

[مختلف جداََ]

عندي سؤال الصرافة عليها ايجارات وموظفين شلون بيغطون التكاليف بعد هذا التعميم

يا خوي الموضوع بكل اختصار كانوا بدو ياخذون ريالين على كل عملية بيع أو شراء للعملات بدون وجه حق .

فالقرار طلع و منعهم من هالشي.

السؤال : اشلون كانوا يغطون التكاليف اللي تقول عليها كل السنين اللي راحت بدون العموله المذكوره ؟

[(ام عبدالله)]

اخوي عبدالعزيز راجع كل ميزانيات الصرافات يلي بالدوحه وان حصلت وحده خسرانه كلمني
ان حصلت ترخيص صرافه للبيع اقل من 10 مليون
كلمني ..

[حرف]

انصحكم تحملون برنامج اسعار العملات يعطيكم السعرمضبوط

[حليتان*]

اخوي عبدالعزيز راجع كل ميزانيات الصرافات يلي بالدوحه وان حصلت وحده خسرانه كلمني
ان حصلت ترخيص صرافه للبيع اقل من 10 مليون
كلمني ..

وانا ازيد ب 15 مليون عندي