السلام عليكم ورحمة الله وبركاته
اكتب هالموضوع وكلي استغراب من هيئة الرقابه اللي المفروض تراقب الافلام اللي تعرض في سينمات الدوحه!
حضرت أمس فلم مع مصري كوميدي من بطولة محمد سعد "اللمبي" مع واحد من الأصدقاء المقربين وكان هو مواعدني عازمني عالفلم
كان الفلم مضحك فالبدايه بالنسبه لي لحد ماجا مشهد استفزني بشكل كبير لدرجة إني قمت من مكاني وقلت حق صاحبي هالفلم مايستحق اني اشوفه وتوني باطلع ويمسكني من يدي ويحاول فيني اني اقعد واكمل الفلم وبالفعل قعدت بس عشانه وكملت باقي الفلم بدون أي تعبير سواء كانت المشاهد مضحكه ولا لاء لأن من بعد الإستفزاز اللي شفته فالبدايه ماكان لي نفس اني اضحك واستحقرت الفلم بكبره بالممثلين والمخرجين
كان المشهد بأن البطل يقوم بموقف بطولي وينقذ بضاعه من السرقه وبعدها تجي قناه علشان تسوي معاه لقاء ويصر مذيع هالقناه بأن يقنع البطل انه يقول الجيش والداخليه هم السبب في السرقه اللي كانت بتصير
فقام البطل بسؤال المذيع انت من أي قناه ؟ ف رد عليه المذيع بصوت خايف بأنه من الجزيره فقام البطل بالاعتداء على المذيع بس ماحطوا مشهد الإعتداء بس كان إيحاء بأنه اعتداء جنسي!
خلاصة الكلام .. كانت رساله واضحه ل قطر من خلال المشهد بإعتبار أن قناة الجزيره تسبب الفتن والإعتداء القذر ماهو الإ رساله من أتباع السيسي لبلادنا قطر ويؤسفني بأن هالفلم يعدي من الرقابه وينعرض عندنا في قطر