ام محمد اتفق معك ان الشباب بعد لهم دور في الموضوع من حيث الكماليات
بس بما يتعلق بالزواج ... البعض تعقد من اللي ايشوفه صراحة في الشوارع ...
اكيد في اغلبية من اللي ما تزوجوا قمة في الاخلاق والاحترام ومب كلهم فاسدين بس الظروف ما تيسرت لهم
الله ايسر لهم
كل هذا بسبب الوظايف لانة من شفنا الحريم توظفوا ماعاد للرجل او الزوج اهمية الصراحة و سبب ثاني غلاء المهور واللي تقول اشوف ما يستخسر انه يركب سيارة بنص مليون و يستخسر في الزواج بكرة لاقدر الله الانفصال راحت علية واحد صفر لانه بيكون مديون و زوجة محد بس السيارة يقدر يبيعها ويسترجع جزء من حلالة و بيني وبينكم الجيل هذا الله يستر منة قليل منهم اللي فية البركة ل اهلة وربعة وديرتة بس الله يصلح الاحوال
و المحاكم ايضا تكون في صف الحريم غالبا صار الواحد يخاف من المستقبل و ارتفار الايجارات لة دور ايضا
اخوي ,
الجنسين بينهم مشاكل ,
البنات يشوفون ان الشباب مو قد المسؤولية وماتبي تعرس وتتطلق وتبتلش او تعيش ف ضيم وتعب ويكون بيت ابوها ارحم لها
والشباب يشوفون ان البنات مال لعبة ومافي بنت تصلح للزواج ومايبون يخسرون على العرس ومصاريفه .
بس نقطة لازم الكل يعرفها الدنيا تغيرت كل شي صار اغلى ,, مصاريف العرس البنت مالها دخل فيها
يعني انا اقولك على الغلاء المو طبيعي ف الدنيا اقل تكلفة زواج (اقل من المستوى) بيكون 350 الف !
(حاسبة كل شي) وفالنهاية يطلع دون المستوى ,,
عموماً كلامي مو تقليلا من احترام الرجال هني , في رجال والنعم فيهم لكن ظاهريا اللي اشوفه مافي رجال يعتمد عليهم
افضل اعيش ف بيت ابوي تحت ظله وظل اخواني وشايلة روحي ولا اقط نفسي على اي رجال بس عشان يقولون تزوجت .
وفالنهاية الزواج قسمه ونصيب وابقى بنت لي اسمي وسمعتي واحترامي وقدري كأمرأة سواء ف بيتي او الشارع
عقد زواج (ورقة) ظاهرية ماتحدد من قدري في المجتمع ..
يا ما زواجات كلها ورق , لا فيها احترام ولا ود ولا راحة .
<< تتكلمين كان عمرج 40
::
أصحاب العقول العظيمة دائما ما يواجهون مقاومة عنيفة من أصحاب العقول
البسيطة
مرحبا اختي ..
حتى ولو كان العذر قديم مغبر ومهترىء ، صلاحيته مازالت قائمه وهو ليس بحجه او عذر للتهرب وإنما واقع قد لايكون لامسكِ او لامسني بالضروره ولكن نلتمسها فيمن حولنا ،، فيما يخص المهور وتكاليف الأعراس فعندي علم بالفرق بينهما اختي الكريمه ،، اذا مهر 200 الف و تكاليف العرس مايقارب 400 الف ( غير معمم ) .. وشاب في مقتبل حياته المهنيه يرغب بالزواج لايملك السيوله الكافيه امامه ثلاث خيارات :
- اما ان يقترض ويجاري " الموضه الدارجه " في الأعراس من ترتيبات وتنسيقات ، ويبقى مديون مع زيادة المصاريف بعد الزواج كونه رب أسره ، لكِ ان تتخيلي كمية المشاكل والتصادم مع الزوجه والمتطلبات واثارها على نفسية الزوج ومستقبل الزواج.
- اما ان يؤجل فكرة الزواج حتى اشعار اخر ليصبح قادر ماديا على تكاليف الزواج من "أ إلى ي" . ( وضع فئه قليله )
- اما ان "يحذف" الفكره من رأسه مؤقتا ويستمتع بحياته كعازب . ( وضع فئة كبيره )
في كل الحالات نتائج سلبيه من إضاعة سنين ، إلى اقتراض وديون .
لذلك نعود من حيث بدأنا ،، غلاء المهور وتكاليف الأعراس سبب من أسباب العنوسه والطلاق وهنالك أسباب أهم وأقوى تم ذكرها في الموضوع والنقاش .
سبحانك اللهم وبحمدك اشهد ان لا اله الا انت استغفرك واتوب اليك.
اخوي مختلف ,
كلامه مافيه شي ولا يقصد تقليل احترام احد هني وحتى انا لما كتبت مافي رجال هالزمن ماقصد الكل اكيد
وهذا كلام نقوله وايد ف ايامنا , والشباب بعد يقولون مافي حريم سنعات هالوقت ..
القصد ان انا اتكلم عن رجال وزواج
ابوي واخواني مالهم خص فالموضوع عشان يجي شخص ماعنده سالفة ولا ذوق ويدخلهم والاخ رد عليه رد عادي
واكيد مايقصد احد وكلن له احترامه ولا تاخذ الموضوع بحساسية .
::
أصحاب العقول العظيمة دائما ما يواجهون مقاومة عنيفة من أصحاب العقول
البسيطة
السبب الاول هو زيادة عدد الذكور عن الاناث..
الحل لظاهرة العنوسة هو معروف..
بس اخاف اتكلم يطيحون فيني المعارضة..