و إياك يا ربالمشاركة الأصلية كتبت بواسطة OREO
|
و إياك يا رب
كلنا قطر
كلنا تميم
وين دور الدعاة والقضاة والتربويين والمرشدين والتوجيهيين من اصحاب العلم
ليش ما يساهمون في حل المشكلة والاخت الله يجزيها خير قالت ان الموضوع تم طرحه اكثر من مرة .... نعم افضل لابراز حجم المشكلة وايحاد الحلول ....
ودي اشوف قطري ايزوج بنته بمهر حفظ قران او رقم رمزي او اي رمز دنيوي بسيط ايكون اجره عند الله كبير
طبعا فيه وفي افضل من ذلك بكثير ...
أخوي بانغ بانغ .
والله الذي لا إله إلا هو موجودين رجال وايد يبون يسترون على بناتهم .
بس وش تبيه يسوي لك إعلان مثلاً . عندي بنت للزواج بشروط ميسرة .
ثانيا على فرض لقيت واحد مستعد يزوجك بنته على مهر حفظ قرآن أو ما شابه .
هل إنت بترضى تاخذها من بيت أهلها لبيتك سكاتي .
يا أخي إذا هو كريم لازم تكون أكرم منه .
ياخي الواحد حتى أمه تبي تفرح فيه . خواته يبون يفرحون فيه بقاعه و عرس و يعزمون رفيجاتهم على عرس أخوهم .
مب شرط يكون كل شي غالي . بس صدقني في حاجات لا بد منها .
و في هالوقت بالذات ربي لك الحمد و المنه محد عليه قصور إلا ما ندر .
بس إذا الواحد ما يعرف يتحكم بمصاريفه هذا شي ثاني .
كلنا قطر
كلنا تميم
صادق والله
الله المستعان ...
اذكري الله ..
مثل هالمواضيع ماتوقف على سبب واحد وهو " غلاء المهور وتكاليف الزواج " .. ولكن سبب من عدة أسباب ، إن كنتي تنظرين بأن غلاء المهور لايعد سبب من اسباب العنوسه فهذا رأيك ونحترمه ، ولكن لايحق لك الأنتقاص من اراء المشاركين فيما يخص نقطة غلاء المهور ، مع العلم ان سبق وطرحت مقالات من دكاتره وخبراء ومشايخ عن موضوع غلاء المهور وتكاليف الأعراس والمبالغه فيها واثارها على المجتمع.
سبحانك اللهم وبحمدك اشهد ان لا اله الا انت استغفرك واتوب اليك.
مرحبا اخوي شموخ ..,
,
مرحبا
يمسيك بالخير اخوي الكريم Pilot
صحيح كلامك المعلن هو مثل ما تفضلت وهذا هو الصحيح في اعلان الاحصائيات
نذكر جميع من يقيم على ارض قطر وهو المتعارف عليه دوليا
ما راح تلاقي رابط يبين النسبه بين القطريين ذكور واناث الا اذا كنت تعرف احد الموظفين في الاحصاء
هي ليست سر ولكن نشرها لايفيد الانسان العادي
ولكن مفيد لقوانين الدوله ودراساتها والتنميه والمشاريع
ولكنها واضحه النسبه وسهل معرفتها من ارقام واحصائيات اخرى
على سبيل المثال
عدد الطالبات البنات في المدارس ضعف عدد الطلاب البنين في الابتدائي
والاعدادي
والثانوي
انا كنت في الوزاره واعرف الاعداد بالتفصيل
في احد مناطق قطر خارج الدوحه
مدرسه ابتدائيه بنين فيها 200 طالب
ومدرسه ابتدائيه البنات فيها 380 طالبه
الوضع بشكل عام مشابه لهذه الارقام
عدد المدارس بشكل عام مدارس البنات اكثر من مدارس البنين
عدد الطلاب في الجامعات البنات ضعف البنين
عدد الموظفين المسجلين بالدوله البنات اكثر من البنين الان
الصوره واضحه جدا لان في قطاع التعليم ( ارقام العمال ) تكون خارج الحسبه وهي سبب الخلل في الاحصائيات
اذا استبعدناها اتضحت الصوره
هذي مؤشرات سهل الاطلاع عليها ومعلنه تعطينا الوضع بصوره اوضح .
ان شاء الله ما نكون خرجنا عن صلب الموضوع
,
,
جزاك الله خير عالتوضيح والأضافه .
مرحبا اخوي بانغ
في أغلب دول العالم تزيد نسبة الإناث على الذكور في متوسط عمر معين .
ومشاركات الأخوان كانت قيمه في هالنقطه.
مرحبا اخوي شيخ الديره ..وجدت هذه الأحصائيات الرسمية لسنة 2010 من جهاز الأحصاء ــ المصدرـ الرابط الأول بالقائمة ــ
المربع الأزرق والأصفر اضفته لتسهيل قراءة بعض البيانات
المربع الأزرق يقول ان 5 ألاف قطري و 5 ألاف قطرية بعمر بين 25 و 34 سنة لم يتزوجوا مطلقا في تعداد سنة 2010, وهم يمثلون ثلث القطريين في تلك الفئة العمرية.
المربع الأصفر يشير الى ان 4 ألاف قطرية متزوجة وعمرهن أقل من 24 سنة, مقابل 2 ألف قطري متزوج من نفس الفئة العمرية. ويمكن ان يكون التفسير ان 2 ألف منهن متزوجات لقطريين من فئات عمرية أخرى, أو لجنسية أخرى.
وشكرا على الأضافه .
سبحانك اللهم وبحمدك اشهد ان لا اله الا انت استغفرك واتوب اليك.
ومن قالكم ان اللي ما جاها نصيبها تكسر الخاطر!!
بالعكس حالها احسن من حال كثيرات تحسفوا انهم تزوجوا
او ما لقوا تقدير من اللي اسمه زوج
انا اشوف الوحدة تعيش حياتها وتستانس بكل الظروف وتشوف الاشيا الحلوة بحياتها
ما تخلي سعادتها مربوطة بزواج
والفلوس صحيح انها ضروريه في الحياه لكنها مب عذر بالنسبه للرجال اللي يتحججون بالغلا
وصلى الله وبارك
كل ماجابوا طاري الزواج قالوا يشترون سياره بأكثر من نص مليون ولا عندهم فلوس يتزوجون
يعني الجيات والنياسين اللي في الشارع من يستخدمهم هذي مواتر اغلب شباب الدوحة
الموضوع سبب مب مادي وإن كان عنصر مهم جدا
المهر ماهو قضيه , لكن المشكله في تبعات الزواج نفسه
البنات للاسف الشديد مب مقدرين الموقف صح اعداد الاناث في المجتمعات كلها صارت أكثر من الذكور , والبنات كل مالها طلباتهم تزيد مافيه مراعاه للنقطه هذي
الدولة وللاسف الشديد دعمها على استحياء في موضوع الزواج , اللوم مايلقى على البنات فقط صحيح عندنا شباب مايبون يتحملون مسؤوليه نهائيا يبي يعيش طايش طول عمره
"
سـبحـان الله وبـحـمـده ,,, سـبـحـان الله العـظـيـم
وايد اراء منها ( المهر , الغلاء , عدم الجديه , الانفتاح )
بس الاهم وهو النصيب وكل شي بامر الله سبحانه ..
ضوابط المشاركة
