كلنا يعرف شركة حماية ولي اغلب موظفينها يا قطريين او مواليد قطر
وكنا انتمى انشوف لها سلطة وقوة بس اليوم للاسف الشركة مهمشة
وحالها حال الشركات الاخرى الامنية مثل 4 قروب وغيرها
هل الموظفين فيها مرتاحين مادياًومعنوياً ؟
هل مستقبلاً راح تحل محل الشركات الاخرى الي كل موظفينها اجانب ؟
هل رايح مستقبلاً يكون لموظفينها سلطة مثل موظفين وزارة الداخلية ؟
ماهي الاضافة الي اضافتها شركة حماية للامن ؟
المفروض ايجيبون قدامى رجال الامن من المتقاعدين .... احسن من بعض الجنسيات اللي محد ايعبرهم
اللي يضحك في موظفي شركات الامن هذول .... اتلاقيه ايصور ورق وايجيب اكل من المطعم وايسوي شاي احيانا حق الموظفين ... اتكلم عن غروب فور
اما موظفي حماية المفروض ايكونون ارقى واهم وافضل حالا ولهم اعتبار ...... صراحة محد امعبرهم ومساكين بعضهم ما عندهم حتى ثقافة لطبيعة امرهم ....
كلامك صحيح يوكلون امور ثانية غير الامنية لهم وانا شفت يسوون شاي هههههه
مالهم هيبه
حتى السلاح مايعرفون له وغير مدربين عليه
انا طالبت قبل بتسليحهم ولو عن طريق الكهرباء لان بعض اللي يتمادون في المجمعات يبغيلهم كهرب اشوي
في واحد من المستشفيات الحكومية وللحين يشتغلون على هالشي
الي يدخلون المرضى لقسم الطواري موظفين من شركة حماية ههههههه
اهلا انا اتوقع بان شركة حماية مجرد شركة ربحية مدعومة من الدولة
إنما الأمم الأخلاق ما بقيت ...فإن هم ذهبت أخلاقهم ذهبوا
شلون ربحية وهي غير مساهمة ولا لها راس مال
قصدك يأجرون موظفينهم على الجهات
حماية تأجر موظفينها على الجهات وتاخذ فلوس زيادة.
القطريين قلة ترا، أغلب اللي تشوفهم يتكلمون قطري هم مواليد وعرب، رواتبهم ما تتجاوز 5500 ريـال.
واللي مب مواليد رواتبهم 2200 ريـال.
المفروض يتم تأهيلهم بدورات أمنية وعسكرية. شالفايدة رجل أمن وطوله متر ونص. أو كرشته طايحة.
صراحة هالموضوع وايد اموتر الناس خاصة يوم ايشوفون تجاوزات من بعض الغوغائيين من الشباب او البنات او اليهالو في المولات او بعض البنوك او بعض الاماكن العامة ... مسكين الفقيرو مال السكيوريتي اما شغال بجواله او قاعد ايطالع التجاوزات ....
اقول لو ايعينون موظفين امن فعليين سواء كانوا ذوو بنية جسمانية قوية لارهاب الغوغائيين او مسلحين باسلحة خفيفة نفس اسلحة الكهرباء او رذاذ الفلفل .....
في بعض المكاتب اتجيب من افريقيا امعضلين وكانهم نخل .... ولكم ردة فعل الغوغائي عاد !!!
بالضبط يتم تاجيرهم على الجهات الحكومية والشبه حكومية اما راس المال والاسهم هناك شركات كثيرة بدون اسهم وراس مال .
التعديل الأخير تم بواسطة ابوالكلام ; 31-07-2015 الساعة 10:34 PM
إنما الأمم الأخلاق ما بقيت ...فإن هم ذهبت أخلاقهم ذهبوا
ضوابط المشاركة
رد مع اقتباس