يامن تشبهن اولادكن بالنساء ، امومتكن جريمة

[قطري2022]

جزاك الله خير ^-^
صدقت في كل كلمة
و المفروض الأم و الأب يكونون متيقظين وواعين في الجانب التربوي
من ناحية اللبس
كثرة حضور المناسبات النسائية من قبل الأطفال
و الأفضل أشغال الأولاد بالرياضات المفيدة كالسباحة و ركوب الخيل و بعض الفنون القتالية
و الله يقدرنا على التربية الصالحة
..

اشكرج اختي الكريمة ، بس شكلج تلعبين حديد ☺️

[قطري2022]

في المدارس الحكوميه انتهت هذه المهازل
المصيبه في اطفال المدارس الخاصه حتى المكياج وكريم اساس يوضع للطفل من قبل الامهات ايش بقي بعد
ناهيك عن الشعر الطويل والقصات الغريبه العجيبه سبحان الله يوم اشوفهم اشمئز من اشكالهم

واهل الام السفيهة هذي وينهم ؟ ولا هم بعد من نفس الطينة ؟

[قطري2022]

الله المستعان ..

هذي الطاهرة طالت الكبار قبل الاطفال

ما تشوفهم شلون يتنافسون عالحلاليق والصوالين بغرض انه يبي يطلع ع قولته كيوت !

الاهتمام بالولد الصغير او ان يهتم الكبير بنفسه ، من حيث الشكل او الشعر ، امر جميل وهو من التجمّل

لكن ان يزيد عن حده و يصل لدرجة الليونة و الدلع و المياعة هذا هو الممنوع واللي يجب ان يتوقف عنده

من ظواهر الدلع وَ المفوشر السيئة عند الاطفال و اللي اصبحت منتشرة حاليا :


التحدث باللغة الانجليزية
وهو ولا يدري عن العربية شي !

الله يصلح الحال

لانهم ماخذين الغرب المثل الاعلى في التطور والثقافة ونسو ان العلم ابتدى من علماء مسلمين وعرب

[قطري2022]

الحل واضح يا رحال

كلن يرجع لدوره و مكانه الحقيقي

الاب يرجع و برجل نفسه اولا ان لم يكن كذلك ، ثم يرجل ولده

يأخذه للمجالس و يعلمه الشغلات اللي فيها شدة و يخليه يكرف شوي و يطلع للشمس بطريقة تناسب سنّه

ويربطونها هو و الام ع انه رجل البيت و هو اللي يتحمل مسؤوليته

المدرسة لابد و ان يكون للضرب و الشد عـ الطلاب محل فيها بشكل معقول

يدورن له ربع سنعين يصاحبهم من صغره

يربطون هـ بسير الاوليين و قصصهم و يغرسونه فيه. من نبينا عليه الصلاة و السلام ثم الصحابة و من تبعهم باحسان ليومنا


وهكذا ..

ابدعت اخوي الكريم

[قطري2022]

تذكريني وانا صغير شلون كنت كيووووت شعري على عيوني

برفع عليكم قضيه كنتو تبون تخربون مستقبلي بس طلعت اقوى منكم

اسد يا اماف😊

[قطري2022]

الحل :

حل وقائي :
بمعنى اللي شايف نفسه مب قد الزواج والإشراف على مره و عيال . أحبه على راسه لا يتزوج . عشان ما يزيد العدد ، يكفي متحملينه بعد بنبتلش بعياله .

حل علاجي :

الواحد اللي يشوف عيال أخوه مب مضبوطين ولا مايعين ينصحهم و قبلهم يقعد مع أخوه و يفهمه بالحسنى .

الوحده اللي تشوف عيال أختها مايعين ولا مكياج ولا قصة استغفر الله . تنصحها بينها و بين نفسها و تبين لها أثر هالأمور على الولد.

يجب تفعيل دور الأخصائي الإجتماعي في المدارس و خصوصاً الإبتدائية و الإعدادية .

يجب تفعيل حملة إعلامية قوية و مستمرة في الجرايد و التلفزيون و الإذاعة و طبعاً المساجدمع تسمية الأشياء بمسمياتها ( عشان على الأقل إذا ما غيروا اقتناعاً يمكن يغيرون حياءاً).

إذا كل هذا ما نفع ،

والله ما قدامنا إلا الخدمة الوطنية ( 6 شهور مخصوص للآباء ، يدخل هايت و يطلع مصطلب ).

في الأخير أبناؤنا أمانة محاسبون عليها عند الله

فلنحافظ عليهم .

ابدعت يامختلف

[white bird]

اشكرج اختي الكريمة ، بس شكلج تلعبين حديد ☺️

[قطري2022]

الله يقويج كمان وكمان ��

[العنيده]

كثرت في البعض الاهتمام في اولادهم ان طلع شوي من منظر الرجوله ..
حلو ان الولد يكون نظيف وقصه بس بعد نعلمه ان رجل وله حدود .. احيانا زيادة الاهتمام بالطفل ممكن يسبب مشاكل واحيانا تركه بعد ..
وفي بعضهم اذا قلنا ليش قالو توه صغير بيكبر مع ان هالفتره هي المشكله احيانا ..

الاطفال امانه وترتبيتهم مسؤوليه سواء بنت ولا ولد .. ومع الانفتاح حوالينا وكثرة الانشغالات ضروري الاهالي ينتبهون لعيالهم ..

[الكنج]

طيب نفترض ان الاب هايت برا 24 ساعة ولايدري عن بيته , ونفس الشي الأم يا راقدة ولا سوق ولا زيارات ،،،،

السؤال :- هالناعم ماعنده عم ولا خال ولا عيال عم ولا عيال خال

اللي محيرني هل هم راضيين بهالشي ولا أهم شي نفسي ومالي شغل بحد ؟؟

(( لحد يقول يمكن مايدرون الدوحة صغيرة وكلن يعرف خيه ))