** حـبــس رائـحــة الأحـبــة فـي زجـاجــة **

[العنيده]

فكره ولو اني اختلف فيها وماايدها ..
بعض الروائح ماهي الا تجديد لذكرى قد تكون مؤلمه مؤقته بانتهاء الرائحه ( بالعربي ليش عوار القلب ) ..
بس اتوقع بيلاقون لها ناس تشتري

[القبطان سلفر]

فكرة جميله

لكن سوف تجعل الذكريات الاليمة تتعايش معنا فرائحة الغائب سوف توقض فينا كل اللحظات التي عشناها معه الا اذا استطعنا تجاوز هذه المرحلة الصعبة فالفكره تستاهل التجربة .

[الجـــوديّ]

اممم

حتى لو انجحوا في تصنيع هالروايح ومهما كنا نحبها .. اعتقد ان الامر فيه خطورة نوعاً
وبقيس هالنقطة على نفسي.

اولاً روايح الغاليين اللي للحين نتذكرها ماهي الا ذكريات الروايح في ذاك الزمن بكل معطياته لما كانت حاسة الشم سليمة وحادة واحنا في عمر أصغر.
الحين وضعنا المحيط اختلف .. حاسة الشم عندنا اختلفت .. والجسد اللي كانت تتفاعل واياه الريحة فنى،
فالنتيجة راح يكون عندنا ريحة مجردة (جامدة).. مش هي بروحها اللي تعنينا ..!!
هذا غير حاسة الشم اللي تغيرت من حساسية وجيوب أنفية .. فراح تتشوه ذكريات الروايح وأصحابها في نفسي وقلبي واحنا اللي عايشين على بقاياها منهم!

الفكرة حلوة بس مابي اجرب ..
يكفيني القليل اللي بقى من ريحتهم رحمة الله عليهم كلهم... ودائماً الحي أبقى من الميت.
مو مقتعهة بابقاء روايحهم خالدة معنا!

شكراً عزيتي مهرة على الموضوع
أيقظتي كل الروايح فينا ... وخاصة بعد قراءتي لرواية العطر.

[بشائر]

حبيبتي مهرة .. الفكرة غريبة ..هالفرنسيين ماخلوا شي ..

وأجدها صعبة جدا ومؤلمة .. خاصة لمن كانت مثلي .. ماتتحمل

لو كانوا مسلمين .. أظنهم كانوا بيتفننون ويبدعون بطرق للتصدق عن موتاهم .. غير عن المشاريع المألوفة لنا ..

شكرا لك ياغالية على الموضوع العطر

[بانغ بانغ]

امهاتنا وجداتنا ... الله يرحمهم دايما يحتفظون بملابس ازواجهم الله يرحمهم .... ايقولون انشم ريحتهم

هل هاي حقيقة ... او حب سرمدي ... او معانقة الماضي ....

سبحان الله والله يرحم كل ميت ويغفر لكل حي

[JN000N]

ماحتاج عطر يذكرني بريحة الغاليين

يدتي كملت تسع سنين من توفت ومازالت تطري علي ريحة عطرها ف اوقات متفرقه
ويدي كمل ثلاث سنين نفس الحال

هي جذي تطري ريحتهم ونتعب
شلون لو بعطر كل مارشه اشم ريحتهم فيه

مابي اعيش على ذكرى ولا على ماضي
والله يجمعنا بهم في الجنه

[يمامـة]

اوبيه بننحبس مثل الجني المصباح في الزجاجة وبنتعلق فيها

ضد

انتهى

[مهرة]

انا اولا...
ابي اشره عليك...اخت/ مهرة
انك تضعين هالخبر
من غير ما تسوين CC

للمعترضن و المعارضين
و الذين لا زالو حايرين في
"

موطن الجٓمال...Land of Beauty

http://www.qatarshares.com/vb/showth...Land-of-Beauty
"

لا خلاص تم التعديل ,, يعني أنت يا أستاذ عابر توافق على هذه التجربة الفريدة من نوعها؟ وترا الناس أذواق فيما يخص الجمال وعناصره الأساسية.!

[R 7 A L]

الفكرة بحد ذاتها مؤلمة

[مهرة]

الفكرة غريبة ..
و بالنسبة لي أعتقد ستكون مؤلمــــــة .. فأنا أفضل اللقاء بهم مباشرة .. و شم عبيرهم الحقيقي .. و ليس ما تبقى منهم .. أو ما استنسخته التكنولوجيا الحديثة
اذا احنا نمر على الاماكن اللي كانوا فيها .. أو تقع أيدينا بالصدفة على أشياء تخصهم فنتألم و نبكــــــي شوقاً إليهم
شلون بنقعد نشم ريحتهم .. شالفايدة ؟؟

ايه الفكرة غريبة وجديدة وممكن نجربها ونحكم عليها قد تكون معاناة للبعض وماتعوضهم فقدان الغوالي لكن نرضى بالسراج المطفطف ولا بالعتمة الصماء.

اما قلبكم الرقيق الي مايختلف عليه اثنين (يارب يجبره بالي يحبه) ,,

بخصوص الصدقه الواحد هالشي بينه وبين ربه مالا داعي انشرها قدام خلق الله.. اعتقد الناس كبيره وفاهمه شنو الي عليها والي ماعليها..

انا مؤيده للفكره صراحه احيانا واتمناها واتمني بس اشم عطر ريحه جدتي وجدي الله يرحمهم ويغفر لهم

موضوع جاااااااامد وشيق اشكرج اختي مهره

العفوو عزيزتي ريتويت وحبيت التأييد والله يرحم موتانا وموتاكم وموتى المسلمين يارب .,

عن نفسي أشوفها فكرة سخيفة .. لكن لو أملك شركة وأقدر أطبقها ، ماعندي مشكلة أطبقها وأبيعها ع الحريم .. ويامرحبا بالفلوس محد يردها

رأييك اخوي ومحد يجبرك على شي لازم تتفق معاه وخصوصاً ان الطرح منقول وحابين نشوف أرائكم المتباينه,, ان شاءالله بكون أول زبونة لشركتكم بس خبرونا بموعد الإفتتاح.,