** حـبــس رائـحــة الأحـبــة فـي زجـاجــة **

**مهرة** · 16-08-2015 09:53 AM

..

اليمامه وبشاير برد عليكم ان شاءالله أمهلوني بضعه أيام .!

**مهرة** · 23-08-2015 11:28 AM

المشاركة الأصلية كتبت بواسطة يمامـة

يا هلا ومسهلا بمهرتنا..

لما قلت انتهى بمعنى اني ضد الفكرة بكل ما تحتويه من مشاعر.
لأن ما بي ننحشر في ذكريات الماضي بينما الحاضر والمستقبل اهم منه..

اما بخصوص حياة البرزخ مؤمنة فيها.. ولكن ما سمعتى عن الفكرة الرائجة
عند الغرب وهي التواصل مع الاموات عن طريق وسيط روحي او عن طريقة اجهزة
واللي البعض وصل الى اصدار كتب اللي وقع تحت يدي احد الكتب وقريته كله وكان هدية
من ولدي الكبير( عطيتج التفاصيل)

.. يقول انه في الساعة الفلانية بعد تدريب مستمر
قدر يوصل لطريقة يتواصل مع ولده المتوفي من سنين ويعرف منه انه عايش في مكان كله خضار
وانه من اهل الجنة كما يوصف مكانة ولده حسب عقيدتهم المسيحية..

و حسب موروثنا الاسلامي ما لقينا مثل هذا النوع من الطلب..
ولا اعلم اصلا مدى حاجتنا لمثل هذا النوع من الاهتمام..

فهل الريحة بتخلينا ندعي له ونتصدق له؟
ومن غير هالريحة بننساه وبننسى انه له حق علينا في الصدقة والدعاء؟

الغرب عندهم افكار كثيرة قد تداعب خيالنا ومشاعرنا في مرات كثيرة
ولكن لو وقفنا اشوي وتأملنا هالافكار راح نشوف انها ما منها فايدة كلش
نفسها نفس شرب الكولا

ومع هذا تحصليني مدمنة كولا.

اخت يمامة صدقيني ماعندي أي شك ومسلمة تسليم كامل بآيات ربي وسنة رسوله (مستحيلين بعضكم) خلوا الجانب الديني ومافيه من دعاء وصدقات شي مفروغ منه لايكون أنا (بوذية) ولا حديثة من دخولي بالإسلام .!! خلينا من أفكار الغرب والكتاب الي جاج هدية وقريتيه بنهم وانتي تشربين الكولا << عليج (جو) أعتقد أهم حاسية من الحواس الخمس هي النظر ولكن يعزز الحاسية هذي جمال الرائحة الي تلتصق بجدران الذاكرة في المخ مع مرور أي مناسبة وأي ذكرى من اسم الشخص المكان حتى الأكلة الفلانية الي تحبونها ومن زماااان ماكلتوها تطرونها وتذكرونها بريحته وآخر مرة (شفتوها) وكلتوها .! كلها حواسنا الخمس مهمة وأكبر نعم ربي علينا

مستحيل أكون مقصرة بشخص غالي في حياتي وفجأة (يذكره) ربي وعقب أقول لحظة خذوا من بقايا ملابسه عطره!! لا طبعاً ولا بنتظر أشم ريحة هالزجاجة وأقول (اووه) بروح أتصدق ولا بركع لي ركعتين وادعي له .!! نأخذ منهم مايناسبنا ومايخالف دينا وخلكم على السوفت درينكس وسروه خطير (ماقصدج) طبعاً

إذاً كفكرة أنا متقبلتها كثيير دام آني ما أذيت غيري ولا ضريت الي حولي ولا خالفت وصايانا فالحمدلله أنا في السييف سااايد

**مهرة** · 23-08-2015 11:33 AM

المشاركة الأصلية كتبت بواسطة بشائر

ياهلا وغلا بمهرة ..
ههههه عجبتني رهيفات القلب ..

الأمر ماهو كذا .. لكن نقول من مات ماهو محتاج نحتفظ بريحته علشان نذكره ..
هو بحاجة ماسة مننا لماهو أعظم (الصدقة والدعاء) ..كثر حبنا لهم .. وهي وصاة ديننا ..قناعة ووجهة نظر
طيب .. تخيلي معي .. انكسرت غرشة العطر اللي فيها ريحته؟ أو حد سرقها .. (شفيني على السرقة اليوم ههههه )
صدقيني أنا الضب ماحبه ولا بيننا أي تفاهم ..

طيب يعني أفهم من كلامك عزيزتي إني لو احتفظت بريحتهم بتتغير هيئتهم في مخيلتي ؟
كيف؟
أفتوني أيها الملأ ؟

ماعندي جواب على سؤالج إلا اني أشوفج (وجهاً) لوجه .!!

وينكسر عادي هذا شي بسيط يعزز الي آبيه وآشوفه أنه (صح) بعاند آحاسيسي وبشتري وينكسر وألملم وأجمع الي انتثر عادي ,, عادي التعب والهم عادي ولو مالحزن موجود ماراح نفهم قيمة (الفرحة) .

**بشائر** · 23-08-2015 05:19 PM