النت في ooredoo صارت بطيئة-4 شكوات ولا حياة لمن تنادي

[تاجر كشخة]

السلام علكيم
عندي برودباند ماي فاي 4g + لا محدود صار له اسبوعين والنت فيه سيء جدا بشكل لا يطاق كان قبل يوصل في السبيد تيست الى 50 أو 60 ميجا بايت في الثانية اما الحين صار سرعته اقل من ميجا لعوزني اتصلت على اوريدو اربع مرات وكل مرة يعطوني رقم شكوى ويطرشون لي بعدين انه المشكلة انحلت وهي ما انحلت سويت كل الطرق رحت ستار لينك وما فادوني غيرت الجهاز و طلعت شريحة بدل فاقد رحت مناطق ثانية نفس المشكلة حطيت الشريحة في الجوال ونفس المشكلة ربعي الي معي امورهم طيبة الا انا نتي بطيء
قلت خلني الغي الرقم وافتح رقم جديد بس خفت انه العرض الي في الرقم الحالي يروح قلت خلني احول على فودافون وحصلت انه الا محدود عندهم في الاصل محدود وغير شبكتهم التعبانه
انا ما بغيت أكتب الموضوع الا لأني بغيت أحد يشوف لي حل أو أحد صارت عنده هالمشكلة ويمكن انه يفيدني مع العلم انه السرعة ترجع ساعة ساعتين ويرجع يصير بطيء شنو الحل الحين

[blueZircon]

صارت معاي المشكله، يوم اتصلت لهم قالوا لي ان عندهم مشكله بالانتينا او محطة الارسال بالفريج. كنسلت الرقم والخدمه على طول وحولت على فودافون واموري معاهم لحد الان تماام التمام، ارسال فودا افضل من ارسال اوريدو

[تاجر كشخة]

صارت معاي المشكله، يوم اتصلت لهم قالوا لي ان عندهم مشكله بالانتينا او محطة الارسال بالفريج. كنسلت الرقم والخدمه على طول وحولت على فودافون واموري معاهم لحد الان تماام التمام، ارسال فودا افضل من ارسال اوريدو

بس احذر المحدود عندهم غير محدود والشبكة ما تغطي قطر بشكل اوسع من اوريدو

[رجل الجزيرة]

السلام علكيم
عندي برودباند ماي فاي 4g + لا محدود صار له اسبوعين والنت فيه سيء جدا بشكل لا يطاق كان قبل يوصل في السبيد تيست الى 50 أو 60 ميجا بايت في الثانية اما الحين صار سرعته اقل من ميجا لعوزني اتصلت على اوريدو اربع مرات وكل مرة يعطوني رقم شكوى ويطرشون لي بعدين انه المشكلة انحلت وهي ما انحلت سويت كل الطرق رحت ستار لينك وما فادوني غيرت الجهاز و طلعت شريحة بدل فاقد رحت مناطق ثانية نفس المشكلة حطيت الشريحة في الجوال ونفس المشكلة ربعي الي معي امورهم طيبة الا انا نتي بطيء
قلت خلني الغي الرقم وافتح رقم جديد بس خفت انه العرض الي في الرقم الحالي يروح قلت خلني احول على فودافون وحصلت انه الا محدود عندهم في الاصل محدود وغير شبكتهم التعبانه
انا ما بغيت أكتب الموضوع الا لأني بغيت أحد يشوف لي حل أو أحد صارت عنده هالمشكلة ويمكن انه يفيدني مع العلم انه السرعة ترجع ساعة ساعتين ويرجع يصير بطيء شنو الحل الحين

وأنا نفس الشيء هالحين السرعة 1 ميجا، بس اخر تحديث للتغطية 14.05.2015

http://www.ooredoo.qa/ar/4G-coverage#

[تاجر كشخة]

وأنا نفس الشيء هالحين السرعة 1 ميجا.

الله يعينك شي يقهر ولازم نشوف له حل

[رجل الجزيرة]

الله يعينك شي يقهر ولازم نشوف له حل

أتوقع عذرهم إنتظروا لين تجيكم التغطية.

[المبرمج صلاح]

هلا اخواني اذ كنتم تستخدمون برنامج speedtest اهم شي اثناء الاختبار تاكدو ان سيرفير الاختبار هو اريدو كما في الصورة يمكنك تغييره من اعدادات البرنامج



اذا كان اريدو والسرعة بطيئة اكيد بيكون البرج فيه مشكلة

لان حاليا منطقتي الدحيل نفس المشكلة الفورجي يصل 3 ميجا اقصى شي يبدو عندهم مشكله

بالتوفيق للجميع ان شاء الله

[شبيه الريح]

هذي لمشكله في انحاء الدوحة وبالذات من الظهر لين العصر ينزل الارسال من فور جي الى ثري جي وتشتكي لهم يقول مستحيل مستحيل

بالعقل شلون يتطورون وهم كل ماتشتكي لهم يقولون مستحيل ومافي أي مشاكل

اذا فيه صيانة او تطوير قولوا احسن من السكوت والبهذلة

[موظف ((حكومي]

كلمت اريدو
وقالو لي وايرات ناقصه من المحطه ويطلبونها من الصين

[moonبنتnight]

كلمت اريدو
وقالو لي وايرات ناقصه من المحطه ويطلبونها من الصين

والله شي يضحك صارله أكثر من 8 شهور والتغطية تعبانه ..