النت في ooredoo صارت بطيئة-4 شكوات ولا حياة لمن تنادي

[Azizuk]

اوريدو مشغل في اكثر من 14 دولة غير قطر

ولاكن التخفيضات والعروض وقوة الشبكة في الدول الاخر أقوى وأفضل من العروض

من الدولة المشغلة لشركة في قطر

والعذر ان عدد المشتركين في الدول الاخرى بالملايين مقارنة بعدد المشتركين في قطر

مثل الخطوط القطرية تسوي عروض لدول المجاورة افضل من العروض من قطر

على سبيل المثال الخطوط القطرية مسوية عرض عن طريق خطوط المها

من القصيم الى أوروبا ب 800 ريال على السياحية لعدد قليل من المقاعد

وارويدو بعد الإعلان عن السوبر نت صار ضعف في الشبكة

مره جلست مع محامي يقولي مشكلة أهل قطر بس يتكلمون ويشتكون في المجالس والمنتديات

ماترحون وترفعون دعوة في المحكمة أطالب بحقك سوى كان في خطوط طيران او مشغل هاتف او اي موضوع اخرى

عاااااد اللي يسمعه اذا رفعت دعوة بيطلع حقك بيلوعون جبدك لين تزهق بعدين بيقولون

هااااه شفت انت اللي وقفت عن المطالبة الخطاء من صاحب الدعوة ماكمل الإجراءات

[اتصالات_103]

السلام علكيم
عندي برودباند ماي فاي 4g + لا محدود صار له اسبوعين والنت فيه سيء جدا بشكل لا يطاق كان قبل يوصل في السبيد تيست الى 50 أو 60 ميجا بايت في الثانية اما الحين صار سرعته اقل من ميجا لعوزني اتصلت على اوريدو اربع مرات وكل مرة يعطوني رقم شكوى ويطرشون لي بعدين انه المشكلة انحلت وهي ما انحلت سويت كل الطرق رحت ستار لينك وما فادوني غيرت الجهاز و طلعت شريحة بدل فاقد رحت مناطق ثانية نفس المشكلة حطيت الشريحة في الجوال ونفس المشكلة ربعي الي معي امورهم طيبة الا انا نتي بطيء
قلت خلني الغي الرقم وافتح رقم جديد بس خفت انه العرض الي في الرقم الحالي يروح قلت خلني احول على فودافون وحصلت انه الا محدود عندهم في الاصل محدود وغير شبكتهم التعبانه
انا ما بغيت أكتب الموضوع الا لأني بغيت أحد يشوف لي حل أو أحد صارت عنده هالمشكلة ويمكن انه يفيدني مع العلم انه السرعة ترجع ساعة ساعتين ويرجع يصير بطيء شنو الحل الحين

أخوى يمكنك الاتصال على الخط الساخن لحماية مستهلكي خدمات الاتصالات بهيئة تنظيم الاتصالات في حال قمت بالشكوى إلى مقدم الشركة ولم يستطع أن يحل شكواك.

[Rayane]

من شهر 5 والارسال عندنا تعبااااان. حتى الوتساب يعطيك جاري الاتصال.

تحول تلفونك 3g يزين الارسال حبتين وبس.

متبهدلين مررررره.

[السكين]

انا رديت بموضوع قبل كم يوم واتصلت باوريدو واخذت رقم الشكوى وحطيتها ، المضحك ثاني يوم وصلتني رسالة لقد تم حل المشكلة واغلاق ملف الشكوى .

خاطري اتصل فيهم واقول لهم يعني جيتوا ركبتوا لي مقوي إرسال فوق السطح مثلاً ؟ هل حد اتصل وقال لي : ها يا الشيخ شلون الارسال تمام ؟وانا قلت له صار 5جي تسلموا ..وبعدها سكروا لشكوى؟

الشكوى لغير الله مذلة ..طالما مافيه تنافس يعني مافي أمل ..وطالما المنافس ارساله أسوأ وهو فودافون .. فمافي أمامنا غير ..اصبر وةلا شيء غير الصبر ..

الله المستعان .

[مضارب دوسري]

صارت المفروض صار


شكوات ههههه
الصح شكاوي

[رجل الجزيرة]

كان فيه عضو إسمه "احب قطر" كان يرد على الأعضاء فمن زمان ما عاد أشوفه.

[تاجر كشخة]

الى الان مشكلتي لم تنحل على فكرة في الليل من الساعة 12 لين الصبح لين 7 يصير سريع اما باقي اليوم بطيء تكره نفسك لم تفتح الانستقرام

[Mohammed2]

انا كانت عندي مشكله في جهاز الماي فاي هواوي فور جي بلس، النت فيه سريع الا اذا جيت انزل فيديو من الواتساب مافي امل ينزل من البطئ.
غيرت الجهاز وخذت ماي فاي TP Link وفعلاً نفعني الجديد واسرع من هواوي ومايقطع الحمدلله واقدر اشبك معاه الى 15 جهاز

[تاجر كشخة]

انا كانت عندي مشكله في جهاز الماي فاي هواوي فور جي بلس، النت فيه سريع الا اذا جيت انزل فيديو من الواتساب مافي امل ينزل من البطئ.
غيرت الجهاز وخذت ماي فاي TP Link وفعلاً نفعني الجديد واسرع من هواوي ومايقطع الحمدلله واقدر اشبك معاه الى 15 جهاز

15 جهاز

[رجل الجزيرة]

انا كانت عندي مشكله في جهاز الماي فاي هواوي فور جي بلس، النت فيه سريع الا اذا جيت انزل فيديو من الواتساب مافي امل ينزل من البطئ.
غيرت الجهاز وخذت ماي فاي TP Link وفعلاً نفعني الجديد واسرع من هواوي ومايقطع الحمدلله واقدر اشبك معاه الى 15 جهاز

من وين شريته ولا عليك أمر؟