السلام عليكم ورحمة الله وبركاته
اتمنى منكم المشاركه والافاده
الموضوع الله يسلمكم خذت سرير من هذا المحل قبل اربع سنوات تقريبا والسرير عليه ضمان عشر سنوات المهم السرير اخترب عندي وطبعا رحت المحل وشرحت له السالفه قالي فعلا عندنا تقريبا اكثر من 100 سرير رجعناهم بسبب خطاء مصنعي قتله حلو قالي بس ابي منك الفاتوره قتله تمام ورجعت البيت ودورتها وماعينتها المهم قتله ماحصلت الفاتوره قالي بشيك فالسيستم المهم شيك وماحصل اي معلومه عني قتله شلون قال يمكن الموظف ما دخل بيناتك قبل قتله هذا مشكلتكم المهم واحنا اندور فالسستم حصلت نفس اسمي 5 اشخاص واسم الاب غير وكلهم على رقم واحد سبحان الله المهم هو ماقصر وتم يحاول في المضوع ومافي فايده قالي مالك الا مدير الاداره اذا قال لنا بدلوا السرير في نفس اليوم بيكون عندك طبعا اسبوع وانا احاول اتواصل معاه بس حضرته هو وسكرتيرته يصرفوني يا اجتماع يا ماوصل المهم بعد المشقه رد علي واحد ما قصر الصراحه وقالي لا لا هاي حقك ومش مهم الفاتوره والخطاء منا ووايد اشيا وقالي بكره السرير عندك قتله الله يجزاك خير مر يومين عالموضوع ومحد كلمني قلت خلين اتصل واشوف سبحان الله رد علي قالي والله انا حاولت بس الاداره ارفضت ولازم الفاتوره المدير يقول يمكن شاري السرير من مكان ثاني وسبحان الله مافي الا شركه وحده فالدوحه وتعتبر دوليه بس ما ادري وين يتوقع اني شاريه واخر شي قالي اذا تبي جديد بنحاول نسويلك خصم ..... ابي رايكم