سحب ترخيص جميع فروع جنرال للمكيفات

[الزعفراني]

قوّاهم الله حماية المستهلك في وزارة الاقتصاد والتجارة

من اسبوع بعد كنت في محل في جلف مول نفس الشي مسوين الغاء للتنزيلات وحاطين له لستيكر ع الواجهه

ونفس الشي من كم يوم محل كبير - اتحفظ على اسمه اخاف يقولون تشهير - اظن في لاند مارك

اذا تبون هالشركات تستعدل ياليت تطرشون الصور الى حسابات الشركة الام في تويتر وتقولون لها هذا الفرع تم الغاء التنزيلات من قبل وزارة الاقتصاد بسبب التلاعب بالتنزيلات

واللي شرى من هالمحلات فترة التنزيلات يرفق لهم الفاتورة ويطرشها مع التغريدة للشركة الام

ترى عادي يجيه تعويض عن هالضرر

[LSBU]

حسبنا الله ونعم الوكيل لهدرجة وصل فيهم النصب على خلق الله
الله يعينة على قبرة وبس
وجزاهم الله خير حماية المستهلك

[R 7 A L]

مسكين الوكيل
لعبو لعبتهم الي تحت وهو الي راح فيها

[المخفي]

مسكين الوكيل
لعبو لعبتهم الي تحت وهو الي راح فيها

لا مسكين و لا شي هذا الكلام الي خلاهم يتمادون

[بشائر]

أولا وقبل أي شي ، بيض الله وجيهكم يا وزارة الاقتصاد والتجاره ونخص قسم حماية المستهلك على الجهود الجباره المبذوله في الفترة الآخيره ، عساكم على القوه وعساكم ضيم وكدر لكل نصاب وغشاش في قطر
ثانياً ، سحب رخصة التنزيلات غير كافيه وغير مجديه لمثل هالأشكال ، نطالب بعقوبات رادعه بحق
المفروض يتم تغريم الشركة مبلغ كبير ، ويتم الأتصال بجميع من أشترى في وقت التنزيلات وإجبار الشركه على حساب قيمة المشتريات بسعر نسبة التنزيلات الموافق عليها بالسعر الحقيقي

أتفق مع هذا الرأي وبقوة .. وهو المفروض انه يصير . .وبإذن الله بيصير ..

شكرا لك على الموضوع اخوي .

[(ام عبدالله)]

ويلي اشتروا وانغشوا المفروض يردولهم فلوسهم ..

[مرتبش]

افا
من اكبر الشركات في قطر وهذي حركاتهم.. شنو هالتجارة اللي كلها حرام في حرام

[(ام عبدالله)]

افا
من اكبر الشركات في قطر وهذي حركاتهم.. شنو هالتجارة اللي كلها حرام في حرام

على شان تعرف شلون صارت الملايين .. اغلب كبار الشركات طلعوا غشاشين

[qatarlands]

المفروض يتم اغلاقه

[JN000N]

بس جنرال؟

الا شخبار ماركس سبنسر