خلنا نبدا من اخر شي عن التحليل الفني
ماراح اتكلم عن الموجات الرئيسية لكن خذ الموجات اللحظية وكلامي مش تحيز لمدراس التحليل الفتي ولكن من باب ان في اداة تستخدمها لتساعدك على التداول ومعرفة طريق و لو بنسبة 70% كااسترشاد افضل من التخمين و الحدس.
التحليل الفني مثل الخريطة لمدينة قاعدة تنبني . تخيل تدخل مدينة جديدة تحت البناء و اكثر من شركة تعطيك خريطة للمدينة بعض الخرائط بسيطة للشوراع للرئيسية و بعضها مفصلها تفصيل دقيق لكنها غير محدثه وبعضها الاخر محدث لكن لايعطي بيانات مفصله وهكذا ...
في النهاية افضل ان تاخذ خريطة بسيطة من انك تدخل المديتة عمياني ....وكلٍّ وجهده
اتداول بالتحليل الفني ومااخذ من الاساسي الا القليل ولله الحمد الدليل عندي هو هامش الربح
مثل ماتشوف بفضل من الله حتى الموجات اللحظية متمكنين منها ولازلنا نتعلم ونتعلم
الاسواق المالية هي عبارة عن ساحة للحرب الكل داخل عشان يربح
ادخل بسلاحك اللي يربحك ...سابقا في الحروب الفعلية البعض عنده سيف ودرع و الاخر سيفين و الثالث رمح و الرابح سهم و الخامس فاس ووووو في الاخير الجميع على حق لكن الرابح من ينتصر في النهاية
........
الان اسباب النزول ذكرنا سابقا ان السوق يحتاج نفضة لتجميع الاسهم من المترددين و المتشككين والمضاربين ( طبعا الدليل واضح من مشاركات الاخوان يعني مايحتاج توضيح)
ذكرنا سابقا من ايام القمة ونقول احنا في موجة اخيرة وفي اخر مويجة من خامسة من خامسة وكنا عند 10900 و هدف التصحيح ممكن ل 9600 وممكن يكتفي ب 9800 ( اساسيا السوق المفروض بسبب ارباح القيادات و اسعار النفط لكن فنيا السوق كان ضعيف)
حط في بالك دائما الاسعار تعبر عن اخبار مستقبلية و ليس لحظية
يعني لما شركة مثل الطيبة معروفة بالخسائر كل سنة وبعد فترة يرتفع التداول عليها و شراء ماركت و استحواذ على اسهم فالاخبار الايحابية للعامة تطلع عشان التصريف مب عشان تشاركهم
اللي يغطي الاخبار الايجابية للشركات عشان التجميع هو نفسه اللي يطلع الاخبار الايجابية للتصريف
وقيس علسها
بالنسبة للقيادات صحيح معاك وهذه كل سنة بعد التوزيع لازم هبوط الاسهم والمفروض هيئة السوق تنسق بين الشركات للمحافظة على النسق
اما الارباح وخاصة البنوك فانا من مؤيدي المحافظة على الكاش و هذا يدعم البنوك و الشركات ايجابا في الاستثمار ومن باب دعم انفسهم في الاوضاع الحالية
الفترة الاهيرة شفنا شركات تضارب في البورصة ...بس ان شاء الله مايروحون يضاربون في العملات الرقمية
حاليا اشوف ان الشركات تجاوزت 2020 وموضوع كورونا و السوق تجاوز الصدمة و الشركات حققت نمو في الربع الرابع بغض النظر عن التوزيع وهذا شي ممتاز و الربع الاول و الثاني باذن الله يكون ايجابي جدا بالاضافة الى المصالحة الخليجية و غيرها من الانفتاحات
بالنسبة للنفسية و الانطباع السئ .....شوف عزيزي عند التداول لازم تكون مرن في الاهداف فمثلا لما اقعد اشوف المؤشر يمشي بنسبة كبيرة مع تحليلي فليش اتشاؤم و ادخل في صراع نفسي واتضايق
يعني لما كنا نقول احنا في اخر موجة وبعدها تصحيح حول 1000 نقطة فاذا صحح السوق اتشائم ؟! ياعزيزي هذا الوقت اللي تشتري فيه لكن بذكاء
اتمنى اني وضحت لك النقاط كلها
موفق اخوي