عتيق شكله رايح ل 9350 و بدون رحمه او تصحيح
مساء الخير
اذا يسمح وقتك عتيق
المؤشر
و شكرا
تأثيره بيكون على صناعات بس أشوف صناعات تشبعت هبوط وبدت في الإرتداد هل هو مؤقت وباقي للمسلسل بقية الله أعلم .. السنة طويلة ومع نتائج الربع الأول بيكون فيه دافع لبعض الأسهم وبريك للبعض الآخر .. هذا آخر اسبوع في شهر 3 وبنشوف شيصير لو تعدل السوق بحدود 2% وهو نازل من بداية العام ب -6.32% ونازل من بداية 2022 لآخر 2022 بما يزيد على ال 8% يعني بيننا وبين بداية 2022 فوق 14.5% تقريباً وهي نسبة كبيرة وعارفين إنه إرتفع خلال 2022 لنسبة أكبر بكثير عن بداية السنة كانت قمة تاريخية جديدة
بالإضافة لصناعات عندنا مسيعيد وأعتقد التحويلية وقامكو ممكن بس ما ادري ليش الربط بين النفط وصناعات صحيح منتجات نفطية بس المفروض ينزل سعر النفط يرتفع ربح هذي الشركات .. الدنيا معكوسة عندنا
بوعبدالله والله يااخي سهم مسيعيد اعتقد والله اعلم ممكن له مستقبل
ممكن يروح لين خانة 3 توقعات والله اعلم
وربي يرزق الجميع الخير من كل الاسهم ان شاء الله
هو تعدى الثلاثة في السابق وألحين نموه وتوزيعه زاد والمفروض الدافع موجود وأقوى من قبل وتوقعك في محله .. يقال إن جهاز قطر للإستثمار تعرض لخساير في الخارج لأسباب مختلفة وكلنا عارفين إن سبب هبوط بورصتنا عكس أسواق العالم العام كان بسبب البيع المتواصل من المحافظ القطرية ونتوقع إن أكثر البيع من الجهاز بما إن الشفافية غايبة ومتروكين للتوقعات .. البيع هذا سبب هبوط مستمر طول سنة تقريباً كله بيع والبيع يزيد في المزاد .. يقال إن ألحين لهم عودة وممكن يرفعون السوق بالشراء طبعاً وتقليل البيع وضخ السيولة وسوقنا مغري أكثر بسبب وصول الأسعار لبعض الأسهم لحدود مغرية للدخول الاستثماري والتأسيس فيها
طبعا
لاتنسى ان موازنة الدولة عل 65 دولار معناه راح نحقق خساير في الميزانية
اول شي نكمل الارتداد وبعدين نشوف
مثل ماهو في اخر مشاركة ارتد من القناة للموجة الخامسة ونشوف وين يوصل اتوقع حوول 10400
صحيح ولكن سوقنا عمق بزيادة في التصحيح
حتى صناعات هبطت وايد وكان لابد من ارتداد.
حط في بالك صناعات مش مرتبطة وايد بالنفط بقدر ارتباطها باليوريا واسعار اليوريا تختلف عن النفط من حيث الحركة وتعتمد اكثر على العرض والطلب لكن نقدر نقول معيارية التسعير حول 30%
هو كله على العرض و الطلب
مثلا اذا زادت صناعة الالمنيوم راح تشوف الاسعار عالية والاستفادة تكون ل قامكو