البيع اللي لاحظته مب بس في سوقنا حتى الاسواق الخليجية المجاورة والتركيز كله على البنوك على الرغم انهم المستفيدين من رفع الفائدة و الأوزان و السيولة الداخلة نهاية الشهر
كانوا يقدرون يبيعون بتفاوت بس اللي صار غير طبيعي
|
البيع اللي لاحظته مب بس في سوقنا حتى الاسواق الخليجية المجاورة والتركيز كله على البنوك على الرغم انهم المستفيدين من رفع الفائدة و الأوزان و السيولة الداخلة نهاية الشهر
كانوا يقدرون يبيعون بتفاوت بس اللي صار غير طبيعي
الليلة نشوف شنو اللي صار بعد ما مسك السيناريو الأزرقالمشاركة الأصلية كتبت بواسطة atiq
المؤشر وصل الى قريب القمة السابقة و ماقدر يتجاوزها وصار في ضعف في العزم واحتاج ترييح للقيادات
جني الارباح واعادة تمركز اشوفها بدات من الاحد الماضي وبعض الاسهم اخذت لها تدوير في السيولة
حاليا عندنا طريقين السهم الاحمر ويتاكد مع كسر 13389 ( دعم قوي 13100 قمة 2005 الخط الاسود)
السهم الازرق ان احنا للحين في صعود الموجة الخامسة الانيرة لاختبار 14100 بعدها تصحيح ل 12600 يعقبها صعود قوي للقمة 14500
في كلا الحالتين باذن الله هدفنا بعد التصحيح قمة تاريخية للنؤشر القطري
موفقين
الله اعلم
التوقع كنا نقول أقصاه 13100 وما توقعت نكسر لعدة اسباب فنية.
حاليا هل راحي يستمر في كسر الدعوم وخاصة مستوى 12000
لين امس البيع كان قوي على البنوك وكما ذكرنا باقي المصرف يصحح وتكتمل حفلة البنوك
مؤشر قطاع البنوك يقول ان قاع القناة الصاعدة راح يختبر.
ان شاء الله يكون التاثير على البنوك فقط وعدم تاثر اسهم القطاعات الأخرى خاصة الصناعي
باذن الله خير
منطقة قمم 2005 و 2008 و2014
تذبذب واختبار
وصل المؤشر لها و باذن الله نحافظ عليها ونغلق اسبوعيا فوق 13100
ممكن يصير عندنا هبوط انير لكسر القاع ومنه ارتداد
اهم شي حاليا نرجع لمستوى ال 13100
ممكن يصير اشوي هبوط يختبر قاع القناة وبعده صعود باذن اللهالقطاع البنكي اصطدم في سقف القناة وصار عنده جني ارباح واتوقع تداول عرضي قبل مواصلة الصعود كقمة تاريخية جديدة
شوفول الشموعة الاسبوعية السابقة و الحالية تحاول الحفاظ على المستوى السعري
الوطني قاعد يعطي فرص لبعض البنوك للصعود ومتوقع بعد العيد يمسك زمام الامور
الله اعلم
عتيق ماعليك امر ممكن تجدد انماء
بما ان السوق والبنوك صايره نكبه مالنا الا الاسهم المضاربيه الخفيفه
ان شاء الله
الليلة أو نهاية الأسبوع
لازال التحليل نفسه و لازلت اقول السهم مقبل على ارتفاع كبير لكن خلني اجدده بالترقيم
امس كان في تصريح ل جيروم باول يقول : يمكن ان نرى ضغط اكبر في الاسواق عامة ولكنه لن يستمر كذلك
رد عليه السوق الأمريكي بالارتفاع
مبروك يا السليطي
خليت الرسم على اليومي عشان نبين اهمية الشمعة اليومية
اليوم اللي صار في السوق شي غير طبيعي وبااستخدام سهم الريان. يعني شنو الداعي انك تضغط على السهم لدرجة انه يوصل باكثر من 7% وبسعر السوق وهو اصلا مب في مناطق قمم تاريخية وتخوف المتداولين في الاسهم الثانية
المؤشر كان محافظ على مناطق الدعم و التداول كان هادئ وكان يقدر يبيع عند مستويات معينة وبطريقة احترافية وهو من حقه لكن هذه بهذه الطريقة وفي سهم قيادي وكانه يقصد كسر السهم وايجابيته فهذا الشي غير مفهوم
اللي صار في الريان صار نلس الطريقة يوم الخميس في الدولي و صناعات لكن المحافظ الاجنبية تلاحقت وكان الموضوع مؤقت وفي لحظات
على العموم غدا يوم مهم للسوق لان الكسر ل 13100 وقاع القناة الصاعدة خلانا نرفع درجة الحذر للسوق . المؤشر لازم يرجع بكرة بشمعة ابتلاعية لشمعة اليوم و يتداول فوق 13100
يعني نحتاج نفضة من اول دقيقة ترجع الثقة للمؤشر و الاسهم
المنطقة الصفراء في الرسم هي اللي اتكلم عنها واللي لازم نرجع فوقها وهي منطقة المفروض مانكسرها.
كنا نقول نحتاج تصحيح والمنطقة هذه هي اقصى التصحيح لكن ان احنا نكسرها وبهذه الطريقة لا ما توقعتها ولا حطيتها في السيناريوهات عندي. حاليا ماراح احط اي سيناريو اخر غير المذكور لين ماانشوف اغلاق بكرة باذن الله
الله يكتب اللي فيه الخير
موفقين
مثل ما الكل شاف الموجة التصحيحية حادة وقوية والترقيم اللي ظاهر اللي ان هذا كله يعادل ضلع واحد من التصحيح وان احنا قريب من 12100 وبعدها صعود قريب ال 13500 وبعدها نستكمل موحة تصحيح اخرى نخليها لوقتها
القطاع البنكي داخل في موجة ضغط على المؤشر والوكني كقائد للسوق يضغط اكثر
باذن الله نقاط قليلة ونرتد ب 1500 نقطة
اقصى تصحيح كما ذكرت سابقا متوقع كان 13100 لكن كسره وبهذا البيع العشوائي والضغط الغير مبرر فتح مجال للتصحيحات العميقة
في اسهم راح تبدا تخالف وخاصة في تصحيح الموجة الاخيرة وراح ترتد لان في سيولة كانت داخلة عليها
مع ارتداد البنوك راح تشوف هذه الاسهم تستبق الارتفاع
الله اعلم
جزاك الله خير اخونا عتيق على كل مجهوداتك. الحين المؤشر راح يواصل هبوط لين 12100 وبعدين يرتد 1500 نقطه ؟
ضوابط المشاركة
رد مع اقتباس