السلام عليكم ورحمة الله ,,
من سنين واحنا نقول ان السوق يعطي دروس ,,, دروس بفلوس
وأهم شي,, سلامة الرؤوس ,, رؤوس المال ,, ورؤس الرجال
********
بشارككم كبداية ببعض الدروس الي أخذتها من سوقنا ( أسميه بريكان) ,, المبروك
أستاذنا الأول
دروس كمحلل ,, ودروس كمساهم بالسوق ,, لعلها تفيد شباب المستقبل__
بقدم أول درس,,, والباب مفتوح ,, للجميع__ اخص بالذكر الطيبين ! أهل 2004-2006
يتبع
سجلني انا اول الطلبه
سجل واحد نفر
انا طالب 3
============
الدرس الأول - 1
============
العنوان: أنت وش تبي؟ ومن انت بالسوق
تسمع عن بورصة واسهم وفلان ربح وفلان استقال من الوظيفة دخلت ب 10 الاف طلعت ب 60 الف
في كم شهر ,, تطمع تتعلق بالسوق تتابع يومي ,, تقراء للمحللين ,, تبي تصير محلل ,, تحاول تتعرف
على كيفية التوقع وشلون يعرفون باذن الله وش بيصير بالسهم ,,, وبهذة اللحظة كملت سنتين ثلاث افتكرت
ان الخبرة الي عندك كافية ,, بينما خساراتك تزداد ,,خسرت ارباحك ,, حينها ,,طردا لمثل تلك الشهور الاولى ,,
في الربح السريع ,,السهل ,__ تزيد سنة اكملت 5 سنوات خبرة ,, لم تعد مساهم اكتتابات ولم تعد مساهم استثمار
ولم تعد مضارب ,, بل اصبحت مقامر ومغامر ,, دون ان تشعر دخلت مرحلة المراجعة للذات ,,كرهت السوق والاسهم
والتحليل ,, وعلقت لومك على شماعة المؤشر والاسهم ,,, ماتدري ان اللوم كان فيك,,
الفايدة ؟!
.اعرف شتبي من السوق. نص مضارب نص مستثمر ,,نص محلل اساسي نص محلل فني
تضارب تعلقت بالسوق استويت مستثمر ,, استثمرت فترة وقريت عن التحليل الاساسي للشركات
واسهمها ,,, ضبطت واياك طمعت ,,ضاربت ,, طبعت ,, استويت محلل فني ,,رجعت,,
حدد ش تبي ,, وصارح نفسك لان كل ماتعمله ,, بالمستقبل بناء على اول دخله لك بالسوق
انتهى
منورين يالثلاثة ,,
النور نورك يالغالي
قاعد آخر الصف والعقال على جنب
============
الدرس الثاني - 2
============
العنوان: صالة قمار ام جلسة تداول
أسأل نفسك ,,, وبكل صدق داخل نفسك الداخلية ,, هل تحس ان قاعد تغامر\ تقامر بفلوسك
هل المضاربة اليومية فيها شبه كبير من القمار؟
خصوصا اذا مالك احتراف في المضاربة ,, تبي تتاكد؟؟
1. شوف راس مالك زاد ونما
2. هل صلاتك تاثرت؟
3. هل واصل في هلك وارحامك؟
4. الوظيفة تأثرت ,,؟
الفايدة ؟!
يالذيب ترى المضاربات اليومية ,, قمار ,, خصوصا واضحه في كثير المضاربات قليل الخبرة بالسوق
والتحليل و ليس عنده ادارة مال
انتهى
المشاركة الأصلية كتبت بواسطة atiq
يالله قدامي ,, لو سمحت ,
انت بروحك مدرسة ,,
ياليت بس ولا تهون تستعمل نفس الفورمة مالت الكتابة
ضوابط المشاركة
رد مع اقتباس
