بسم الله الرحمن الرحيم
موضوعي ياجماعة الخير عن وكالة تيوتا قسم الصيانه تحديدا
وديت لهم الموتر عندي لمبة الجك انجن وليت الدبل الثقيل (4lo) والعين فالطبلون !
قبل لا اروح لهم رحت فحصت الموتر كمبيوتر طلع عندي خلل فالكويلات حلو !
قلت دام الموضوع كهربه مالي الا الوكاله المهم استقبلتني الموظفه قلت لها مشكلت موتري كيت كيت وانا فحصت الموتر وطلع لي مشكله فالكويلات
قالت لي ماعندك مشكله احنا بنفحص السياره وبنعمل اختبارات ع القير والمكينه قلت لها اوكي اهم شي يروحون اللمبات
طلعت من عندهم بعد يومين كلمتني قالت لي السياره مافيها مشكله فالكويلات المشكله عندك فالدبل فيه سويج لازم يتغير وعندك الانتيك منيفول وليك فالكرنكيس وليك من عند التايمن بلت قلت لها حلو صلحو الموتر
كلمتني عقب 3 ايام قالت لي الرديتر لازم يتبدل قلت لها من شهرين انا مبدل الرديتر وجديد والموتر مافيه حراره ! قالت لي بشوف وبكلمك
اتصلت مره ثانيه وقالت لا الرديتر لازم يتبدل عشان نجيك ع السياره قلت لها مب مشكله بدلوه
المهم خلصت السياره بعد اسبوع من اخر مكالمه وكلموني سيارتك خلصت رحت استلمها كم لكم قالو اي 14 الف وشوي ح وبعد الخصم 10800 وضمان ع التركيب 3000 كيلو وضمان القطع 6شهور قلت حلو دفعت لهم وطلعت فالموتر اول ما شغلت الموتر حسيت الموتر نفس ما كان بس بدون اللمبات هالكلام تايخ 17 / 8!
ثاني يوم الصباح الي هو تاريخ 18 رايح المطار بسافر ولعو عندي نفس الليتات صفيت الموتر فالمطار وطرت
رجعت بعد اسبوعين ووديت الموتر الوكاله قلت لهم نفس المشكله فالموتر ! كلموني بعد يومين قالو اي مشكلتك فالادبتر تبع الكويلات ! انزين انا قايلكم من اول مره ومسجلين فالفاتوره انتو شسالفه ! رد لا هالمشكله ماكانت ظاهره لنا فالبدايه الحين طلعت !! وتصليحها ب 800 ريال مع شغل اليد !
الزبده:
1- غيرو لي قطع كانت صاحيه والدليل ان المشكله تمت فالموتر نفس ماهي اللهم عملو برمجه للتنبيهات الي فالطبلون
2- القطع الي بدلوها ماحطوها لي مع اني طالب القطع الي تتبدل
المهم تواصلت مع حماية المستهلك من اسبوع وليحن ماردو علي وكل يوم يقولون عملنا لك ريفرش للشكوه
اخر مره اليوم وحده تقولي اذا مستعجل راجع المكتب الرئيسي !!!
وحاطين مكتب فقسم صيانه تيوتا الي فالصناعيه بس دوم مسكر