وكالة عبدالله عبدالغني و حماية المستهلك ..الى متى ؟

[حليتان*]

ابشركم كلمني مفتش حماية المستهلك اليوم ووعدني خير باذن الله

[حليتان*]

ماجات على عبدالغني بس نفس مشكلتك بس مع الجيب موديل 2014 ماشي 4000 غيرت التواير لحجم اكبر في دبي وبعدين ولع ليت المكينة يقول خلل في الجير وديته الوكالة قال القير الأول خربان قلت على الضمان قال لا لنك غيرت التواير قلت اوكيه كم التكلفة بعد أسبوع قال 15000 الف فك القير وشغل يدهم انصدمت اتصلت دبي في الشركة الي عدلت الجيب ضحك وقال صج نصابين موضوعكم برمجه القير بس لنه قير تماتيك والحساسات ماتحسب صح معى التواير الجديده البرمجه ب 2000 ريال والوكاله بيغير القير

الشريكات في الدوحه تخلف ونصب عيني عينك

واحد من الاثنين

1- لاعبين لعبتهم مافي عقوبه صارمه
2- مايعرفون وين الله قاطهم


عسا بس ما ببدلو لك القير !!

صارت لي فموتر ثاني كروزر بعد الصوفه الخلفيه مالت القير تليك وديته الوكاله قالو لي لازم توضيب قير بكم التوضيب قالي فك وتركيب القير 6000 والتوضيب ممكن يوصل التوتل الى 30 الف ريال !

باستهبال قلت له بكم القير الجديد ؟؟
شيك فقطع الغيار طلع القير قبل الخصم ب 18 الف وبعد الخصم ب13
قلت له ركب لي قير جديد بدلو لي االقير والدبل جداد ب21 الف بعد الخصم وطلبت القير القديم بس بعد ماحطوه لي
بس ماعندي مشكله لان الموتر اشوفه اوكي

[حليتان*]

الله يفرجها عليكم يارب ،،،،،،لو في رقابة صارمه على الشركات السيارات ماحصلت كل هذي الامور،،،من كذا يعملون ويصلحون على اشياء سليمه الله ياخذ الحق ان شاء الله ،،،عبدالغني من فترة طلبوا مني تغيير اشياء في الماكينه مع ان السياره جيده مافيها شي هذا الكلام من سنتين تقريبا للحين اللهم لك الحمد والشكر الماكينه شغاله زييييي الفل،،،كل همهم الفلووووووووس وبس

لايكون انت الي شفته فالوكاله قالو له لازم تفك الهيد فالاخير راح بدل الرديتر واموره زينه !!
المشكله الواحد يروح الوكاله ويدري بيبقونه بس عشان يضمن موتره تتركب فيه قطع اصليه بس تمادو بصراحه

[حليتان*]

والله من خبرتي في القراجات .. وخصوصا الوكالات ..
انهم انصب ما خلق رببي ..


من شهرين عندي جي اكس 2008 ..
المكيف ما يدف هوا من الفتحات .. يدف من تحت ..

وديته الصناعية .. خذوه وقالو بنكلمك ..
اتصلو لي .. خربطو علي وما فهمت ولا شي ..
قلته انطر باجيكم .. ورحت لهم طلع لي تكنشن فلبيني ..

ويخربط ويخربط ولازم نبطل الطبلون كامل .. وفي بليتة تحته ..
ومكمل .. قلتله الزبدة .. هاي كله .. كم ؟!


قالي .. بعد احتمال يكون كمبريسر .. ومادري وشو !!
يوم قال كمبرييسر شكيت .. لو ما ياب طاريه والله كنت بقوله صلح حتى لو كلفني 20 !!


الحين الكمبريسر لو خربان ما بيطلع هو بارد ؟
مشكلتي بسسس انه يطلع هوا من تحت .. مش من فتحات المكيف ؟

حسيت انه بس يبي يبدل .. ولا يدري شالسالفة !

قال لا الكمبريسر يكون اتاج .. ولازم يتغير ..

قلتله تمام .. وهاي كله كم يكلف ؟
يمين يسار خذني ع الكمبيوتر واستمر فالتاليف .. قالي 17 الف !! مع شغل اليد ..
بعد الخصم 14 وخردة ..


قلتله حلو حلو .. طلع الموتر .. ما ابي ابدله ..
والله في باركنق الوكالة .. تميت اتعبث ف وضعيات المكيف ..
ساعة الا ربع لين ضبط !!



اللي حبيت اوصله .. انهم نصابين .. وما عندهم امانة ..
يبي يبدل .. وخلاااااااص ياخذ فلوس .. والسلام ..



الله يعيين

صارت لي حركت المكيف احط المود ع الويه يطلع ع الجامه احطه ع الجامه يطلع عند الريول عزك الله

الحمدلله تلاحق علي واحد من الربع وقالي افصل البطاريه 10 دقايق ورد ركبها
سويت الحركه وضبط المكيف

[حليتان*]

حاول تقابل مديرهم ببرج التويوتا
فيس 2 فيس

اذا قصدك ناصر قبل يقابل العالم الحين مايقابل حد
وكان مايرد حد يرجع الحقوق لصحابها الحين يروحون له الناس مايدخلونهم يقولون لهم روحو قسم الشكاوي

[حليتان*]

يارجال .. والله ان كل الفنيين فجميع الوكالات مصخره ولا يعرفون اي شي .. امور كثيره حصلت معاي وياهم والحمدلله ما خذ في كلامهم واسخب السياره عند اقرب كراج واقول له غير الشي الفلاني ولله الحمد تضبط معاي .. فالواحد لازم يتعلم وكتسف هالامور بنفسه عن طريق النت يبحث فيه راح يطلع العله اللي فسيارته .. وغير لازم يكون عنده خبره ميكانيكيه وكهربه .. ناس تسوق اكثر من 3 سنين وفوق ولا يدري فامور السياره حتى الجيك مايعرف ضرب وهذا شي علط فينا انه نعتمد على الغير من غير مانعتمد على نفسنا .

صح كلامك بس مشاكل الكهربه مب كل حد يعرف لها
والقرجات الزينه اغلبها امور ميكانيكيه الي يعرفون لها حتى سكان ماعندهم

[حليتان*]

نصيحه عامه

سالفه فل سيرفس وسالفه بنجيك ونتصل فيك هذي انسوها

رحت للوكاله خلاص صلح الشغله الي فيها المشكله وبس واطلع دام مايشتكي موترك الى منها واترك سالفه بنجيك عليها كلها قوله لا بس صلح الشي الفلاني وبس

هي قالت لي اشيك عليها كامل قلت لها لا بس ابي موضوع اللمبات والنفظه الي فالموتر يوم يوقف

[حليتان*]

لما السوق يفتح شوية و الناس توقف تصلح.
و يصير في شركات شحن ارخص للأمارات و السعودية.

الناس مستعدة تطق هالمشوار او تشحن سياراتها تتصلح عند ناس فاهمين.

عندنا للأسف الي يحب السيارات و فاهم و عارف بسيارته يعرف العلة و تصليحها و المشكلة و مرات يصلح السيارة فبيته احسن من الوكالة.

لو يفتحون قراج واحد فيه كم لفت و معدات للإجار اليومي او بالساعات صدقوني انه شباب قطر اغلبهم مستعدين يشتغلون بانفسهم على سيارتاهم تصليح تبديل ولا انه يجي واحد يتفلسف و يتعلم عالسيارة.

اغلب الي شغالين بالوكالات هنا يجيبونهم من القراجات المعروفة و الدورة الي يعلمونهم بسيطة و اختصاصاتهم مو متعمقه ولا يودونهم دورات ولا يدربونهم على سيارة معينه يتحونها كاملة و يتأكدون من مهارتهم يعطونهم الــManual و بس كتيب التعليمات و اهم و حظهم.


هالشي لاحظته بوكاله الجمس/همر و الهوندا و التيوتا و النيسان و الأنفنتي للاسف الأغلب العمالة بقطر كذا حدهم اشياء بسيطة و سمكرة.


الله يعينك يا خوي و مالك إلا تروحلهم و المفروض من البداية تكلمهم و كلشي يكون رسمي

صادق ياخوي ماشاء الله في ناس تسوي مواتر فبيوتهم ويشتغلون ع المكاين فك وتركيب فبيوتهم
جزاك الله خير ع الدعوه ابشرك كلمني اليوم المفتش وكلمني رجال من الاداره بعد فحمايه المستهلك وقالو لي مايصير خاطرك الا طيب بيتواصلون مع الشركه وبيردون لي خبر

[حليتان*]

اخوي لبيه اشكرك صراحه سويتها من فتره قتله صلح الشي الفلاني التشييك على الموتر مابي بس صلح الشي هذا وطلبوا من عندي شي بسيط اللهم لك الحمد والله يكون في عون الجميع ان شاء الله

وهذا الي سويته انا فحصت الموتر قبل لا اروح لهم وقلت لهم المشكله وين

اتصلو علي قالو لي ماعندك مشكله فالكويلات المشكله فقطع ثانيه !



بلسانه يقولي الموظف يقول اي كروزر تولع فيه لمبة ال 4lo على طول نغير له حساس القير !


اقوله يابني ادم الكروزر اي مشكله فالكهربه تولع لمبة المكينه ولمبة الثقيل وهالشي مذكور فكتولج السياره يقول اي بعرف

يستغبي علي بط جبدي

[حليتان*]

اخوي لبيه اشكرك صراحه سويتها من فتره قتله صلح الشي الفلاني التشييك على الموتر مابي بس صلح الشي هذا وطلبوا من عندي شي بسيط اللهم لك الحمد والله يكون في عون الجميع ان شاء الله

وهذا الي سويته انا فحصت الموتر قبل لا اروح لهم وقلت لهم المشكله وين

اتصلو علي قالو لي ماعندك مشكله فالكويلات المشكله فقطع ثانيه !



بلسانه يقولي الموظف يقول اي كروزر تولع فيه لمبة ال 4lo على طول نغير له حساس القير !


اقوله يابني ادم الكروزر اي مشكله فالكهربه تولع لمبة المكينه ولمبة الثقيل وهالشي مذكور فكتولج السياره يقول اي بعرف

يستغبي علي بط جبدي