اي واحد متضرر من شركة تويوتا يتفضل هنا

[aloosh]

السلام عليكم

حصل لي مرتين مشكله معا تويوتا عبد الغني

وتم مراسله الشركة الام في اليابان

ap-overseas@mail.toyota.co.jp

اتصلوا فيني مختبصين وجيب سياره وانت تامر واحنا اسفين

وديت لهم السياره وفرضت شروطي عليهم

اهم شي حط رقمك بيتصل لك واحد من شركه مختبص

[معماري قطري]

زين والله عرفت شتسوي .. انا راسلت شركة الكدلك قبل .. يا اخوي البطارية فضت وعلى الضمان كلمتهم قالوا جيب السيارة .. قلت ما تشتغل وانتوا عندكم خدمة سيارة صيانة متنقلة .. بالصدفة والله قلتها وانا ما ادري قالت عاملة التلفون باشوف لك أقرب موعد وكان يوم الأثنين .. قالت الأحد قلت احنا الأثنين قالت قصدي بعد 6 أيام .. والله انصدمت وشغلتها باشتراك ووديتها الصناعية .. وهناك زين خلوها 3 أيام غيروا السفايف والبطارية وما ادري شسوا .. بس صج بليدين.

[حليتان*]

تسلم يالغالي ع الموضوع وع الرساله

برسلهم رساله لان حتى مع الشكوه الي فحماية المستهلك يتبيلدون

بشوف حد من الربع اسلوبه زين فالانجليزي يراسلهم

[بوخالد911]

شكراً للمعلومة.

[جبر ال جبر]

لاندكروزو الجديد نزل اليوم الصبح في المينا بكميات كبيره ،،،،، يليت مايضربون علينا بسعره لاني باخذلي واحد وعقب كيفهم يرفعون سعره ،،، ولا بنشتكي عليهم

[معماري قطري]

لاندكروزو الجديد نزل اليوم الصبح في المينا بكميات كبيره ،،،،، يليت مايضربون علينا بسعره لاني باخذلي واحد وعقب كيفهم يرفعون سعره ،،، ولا بنشتكي عليهم

شفت مقاطع يوتيوب عن اللكزس .. وطلعت معروضة في اليابان ب 11000000 ين حولت الين للدولار وبعدين للريال طلع سعرها 335 واللي معروضة بطلبيات خاصة باليابان .. فيها ثلاجة في الوسط وكيمرات وشاشات ورا بمقاس شوي أكبر.

مع نزول الين المفروض سعرها بعد شوي أقل بس المتوقع بتنزل حول 500000 ريال وبتشوفون

[ذكي جدااا]

انا جربت الكروزر والنيسان. بالنسبة لي مافي مقارنه بينهم النيسان وبس. ومستحيل ارجع اشتري تويوتا

[رجل الجزيرة]

الرموت الكنترول إلي يشغل السيارة إخترب عليه من الخدامة أخذته ومع الثوب في الغسالة وطلعته من الثوب وهو مشغول إلا هو مليان ماء، فطرشت ولدي للشركة فقالوا له إنسى بس تعال بعد شهرين فويش رأيكم؟