$$عيب عيب عيب $$

[JN000N]

وين بيشوف الاب البنت شنو لابسة تحت العباية ولا شنو بتسوي بنته لما تروح الام وبناتها لزيارة او موعد

من يقول مايجوف؟
بعدين اذا الابو مرخي طبيعي الام ما بتعور راسها
انا اقولك انا بنت واعرف ان امي ماترضى البس اي شي تحت العباه واذا فكرت البس ف غير مناسبه شي ضيق بتعلم ابوي (ولو ابي ماكان يشد علينا جان ماستهميت فيها قالتله او لا صح؟) > طبعا اقولك لو مب يعني المثال ينطبق علي
طبعا اتكلم عن ايام عاديه مب روحة اعراس وسوالف
بعدين الحين العبايات مايبيلها ابو يطل تحتها مايحتاي العباه تهف ورا والبنت شاخطه جدام
والا الابو راضي بشكل عباة بنته؟
بعدين غلط تحكم على لبس بنت واستهانة امها ف لبسها وهي ف زياره كلها بنات
لايكون موديتها مكان عيب؟ اهم شي لين طلعت مستره

[JN000N]

صدقتي جنون اذ تنازل الاب عن دوره تاهت الام عن طريق التربيه فضاعت الاسره

اي نعم الابو هو الاساس
نادرين الامهات الي شخصياتهم قويه

[حرف]

خلاص المفروض يرجعون نفس قبل ايام الثمانينيات وقبل ويشدون شوي على حريمهم وبناتهم مايطلعونهم ولا يخلونهم يطلعون الا للشديد القوي بس مستشفى والسوق للاعياد والابو معهم مثل ظلهم
بلا مطاعم بلا كوفيهات بلا كتارا بلا خرابيط ولا يطلع شي منهم من فوق لين تحت
المشكلة يمكن يقولون معقد

[JN000N]

ولا معقد ولا شي
لو يرد دور الابو ف كل بيت
جان فعلا جفت الناس ماتطلع الا للحاجه والضروره والاهميه
اما الابو هايت والام هايته
محد لهم هالعيال
الحين جيل شباب بروحه يبيله اعادة تهيئه
شلون جيل البنات
على الدنيا السلام

[طموح2020]

الله يرحمها كلمة (( عيب )) كانت لها دور في كل البيوت

[ضوى]

صادقة والله وموضوع ذو نكهة غير ...

مفهوم " عيب " يوم كانت تطلع من العين والنظرات قبل القلب والفم ....

عيب ... كانت اتعلمنا اسس حياة ومنهج معيشة ضمن اطر معينة تجعلنا في نطاق آمن من الاخطاء والهمجية

لحين اللي بعمرنا انشوفه وكأنه درس في الاخلاق محفور في بطن الشخصية

اتذكر الوالد الله يعطيه العافية واباءكم ان شاء الله ... يوم كنا انغلط ... قبل لا يقول عيب ... كنا نوعى الدرس عدل

خرجت اجيال ايعرفون معنى الصح ومعنى الغلط بما يتناسب وذاك الوقت طبعا

اما الحين .. فعيب قد اتدخل الواحد في متاهات من الاخلاقيات المقنعة

تحياتي

اللي اشوفه انه مفهوم العيب اختفى من عند الجنسين كبار وصغار ماقامت تفرق عندهم

قبل كلمة عيب كانت نظرة تخلينا نفهم انه هالتصرف غير مقبول وقد يكون فيه اجراء قاسي بعدها ، الحين هم يكسرون عينك الله المستعان

والله يثبتنا على كلمة عيب ويصلح لنا ذرياتنا

[ضوى]

الله يحسّن الخاتمة

مع ان الموضوع تشربك عندي لأن المجلس الأعلى ما هو مسؤل عن تربية أولادي

هذي مسؤلية الأهل بس بعض ربعنا مضيع نفسه قبل يضيع عياله


والجيل الجديد لحق على شيء حنا ما لحقنا عليه والله يستر على عيالنا وملزوم على الواحد يعلم عياله ( ال عيب )

اما المجلس الأعلى فعندي منه حساسية احس انه ما يحبني ولا ادانية

اخوي خلص الثانوية ولحد الحين ما يعرف يسولف بالواتس مثل الناس عندة اللغة العربية مضروب جنبها

اذ المجلس الأعلى مهتم فــ التكنولوجيا والفسيولوجيا والجيولوجيا والهندسيولجيا ومضيع نفسه بدون هوية

مثل الغراب الي يقلد مشية الحمامة وضيع مشيته

نعم اتفق معاك المجلس مهو مسؤول عن تربية عيالي وهاي مهمتي انا وابوهم في المقام الاول ، لكن اني اربي عيالي على مبادئ وامنع عنهم اشياء بالبيت واتفاجا المجلس يغذيها لهم بالصف هذي مسؤولية من ؟

[حمد 2002]

كلمه عيب اوجهها لكل ام اهمله بناتها في سبيل البحث عن الراتب الوفير ..

[Charisma]

كلمة "عيب" قياسيه ، تختلف من شخص لآخر ، المتعارف عليه سابقا ، اصبح متغير حاضرا .

كلمة "عيب" اوجهها لكل شخص تخلى عن مبادئه وقيمة ، وفصل الـ"عيب" حسب هواه .

[راجي الْعفو]

كلمة "عيب" قياسيه ، تختلف من شخص لآخر ، المتعارف عليه سابقا ، اصبح متغير حاضرا .

كلمة "عيب" اوجهها لكل شخص تخلى عن مبادئه وقيمة ، وفصل الـ"عيب" حسب هواه .

أوافقك ..

مثلها مثل الناس اللي تقول دين عادات و تقاليد وتخالفها

لانهم مثل ما ذكرت فسروا هذه المصطلحات ع حسب اهواءهم

مش كما وضعت له


شكرا عالموضوع اخت ضوى