فضيحة"فولكسواجن" تكلف الاستثمارات القطريه 5 مليارات دولار.

[شبعان]

جهاز قطر للاستثمار يملك 15.4% من اسهم فولكسواجن



سعر سهم فولكسواجن نزل حوالي 33% بعد اكتشاف تلاعب الشركه!!

والشركه احتمال كبير انها تتعرض لغرامات قاسيه بمليارات الدولارات في امريكا

الله يستر..

Volkswagen emission cheating scandal has already cost Qatar nearly $5 billion.

المصدر:


http://money.cnn.com/2015/09/22/inve...ock/index.html

[بانغ بانغ]

لان الشركة متلاعبين في بعض الانظمة في السيارات في السوق الامريكي الامر اللي ادى لارجاع نص مليون سيارة لالمانيا وطبعا اوباما ضربهم ضرب

هي لعبة سياسية وبتنعش الاقتصاد الامريكي

[ذكي جدااا]

ان شاء الله ماراح يكلف جهاز قطر اولا لان سعر الشراء محد عارفه. ثانيا تم الشراء على أثار أزمة 2009 العالمية يعني سعر الشراء بيكون نازل. ثالثا هذه خسارة على ورق لان الجهاز ما باع الاسهم. تعتبر خسارة فقط في حال البيع. بالنسبة للغرامات للحين لم يبت فيها الامر. والله اعلم

[جبر ال جبر]

اعتقد قطر باعت كل حصتها في الشركه المذكوره من فتره

[بانغ بانغ]

اعتقد قطر باعت كل حصتها في الشركه المذكوره من فتره

عندنا 15 % في vw وتقريبا 2.5 % في بورش
باعوا اللي في بورش

[جبر ال جبر]

زين دام السالفه هشكل خلاص يعطونا كل سيارات بورش 2015 وتوزعها الدوله على الشعب بدل تنقل مب احسن من الخساره في هالشركه الفاشله وتستثمر في المواطن القطري

[بانغ بانغ]

زين دام السالفه هشكل خلاص يعطونا كل سيارات بورش 2015 وتوزعها الدوله على الشعب بدل تنقل مب احسن من الخساره في هالشركه الفاشله وتستثمر في المواطن القطري

تدري كلامك له جانب صواب على فكره

ممكن انك تطلب موتر او مواصفات مباشرة من المصدر واتحول لهم والبراق بس ايسلمونك السيارة

اعرف واحد ماسك منصب في الجهاز ايقولي انه ولا يفتكر في الدرويش ويطلب من المانيا مباشر وايحصله له خصم محترم

المفروض كل قطري ياخد بورش ايحصل على خصم جيد بحكم العلاقة مع الشركة الام

جهاز ابوظبي للاستثمار مستثمر في ديملر وفيراري ولهم اسعار زينة في المرسدسات والفراريات

هذا حسب ما وصلني

[جبر ال جبر]

شوف قطر ماتقصر في شعبها ولا استبعد مثل هالقرار المشكله في ناس فيهم كميه حسد وقل وحقد لانظير لها في كوكب الارض يكونون حائط سد بين صاحب القرار والمستفيد ،،، بنسبه للامارات في فنادق 5 نجوم في لندن ويكنون معاي ربعي من بوظبي مجرد مايطلع جنسيته لموظف الربسشن تحصل كل الخدمات له اب قريد يدخل لاونج اذا فيه سويتات ياخذها وممكن اذا مدد يعدلون له السعر ويحصل على تخفيض محترم ،،،، وتحصل الامارات لها نسبه اقل من 50% في هالفندق ورعايها يحصلون كل شي اما احنا قطريين نروح فنادق قطر لها 100%ولا يعبرونك ولا تحصل حتى تخفيض او اب قريد تدفع الدبل مثل الخطوط القطريه تنصدم انت راكب اولى رايح لندن يمينك هندي ويسارك صيني انت دافع 25 الف ريال قطري على التذكره والهندي والصيني 5500ريال بس وانت خدامتك قاطها ورا سياحي ب6000

[بانغ بانغ]

جبتها صح

[بوحارب]

الله يستر