مكان للسفر في الشتا

[koketa]

السلام عليكم

حبيت استفيد من تجاربكم

أحنا ما سافرنا في الشتا

ونبي نودي الياهال مكان حلو في شهر 12 في الاجازه

ابي اقتراحاتكم

[بوحمد1]

انا اشوف الدوحة حلوه في الشتا بس اذا كان ولا بد الامارات حلوه قريبه وبارده بس بجدول بعيد عن الازعاج مثل الفندق اللي حاطينه في البر مدري وشسمه

[غير البشر]

عليكم السلام ورحمه الله وبركاته

انا اشوف يا ماليزيا او دبي
وطبعا ماليزيا مقسمه مابين كوالالمبور وجنتنغ

بس جنتنغ بتكون بارد اشوي على على حبل ومرتفعه


تحياتي

[QtrGate]

اذا كان خاطرك ثلوج عندج من تركيا وانت طالع فوق
أوروبا

اما اذا خاطرك جو حلو عندك الدول الاستوائية.

[رجل تعليم]

المغرب

[بوخالد911]

الشمال التركي
وتحديداً : طرابزون. اوزنجول. آيدر. حيدر نبي.
اسكن في طرابزون. وروووح للمناطق المذكورة والمسافة ما بين ساعة الى ساعة ونص

[ذكي جدااا]

انا حجزت ماليزيا وتايلاند بشهر 12 اوروبا بارده جداا

[معماري قطري]

إذا لليهال ما فيه أحلى من اورلاندو وديزني وورلد والمناطق اللي حواليها

بس من 24 12 الى 1 1 اتوقع تكون زحمة كبيرة لأَنها منطقة معتدلة وكثير من المناطق الباردة يروحون لها .. أوقات توصل الحرارة 3 درجات في الشتاء وفي الليل لكن في النهار الجو يكون شوي بارد وحلو .. واتوقع يسون لها عروض ترويجية من ناحية الطيران والسكن .. و 3 أسابيع بتكون كفاية والمولات والآوتلت كثيرين حولكم ... والألعاب تناسب الصغير والكبير

[qatara]

العمرررررررره

[أبورودي]

جنوب أفريقيا الجو اكثر من رائع ويمكنك مشاهده الحيتان
والتوتع بكيب تاون