شيلة يا أبــــــــــــوي

[بومحمد المطاوعه]

شيلة يا أبوي
للشاعر معيض الحارثي
أداء الشاعر راجح الحارثي






يا أبوي
انا دمعي على على الخد سالي
أبيك وانته دايم الدوم في البال
يا أبوي انا بعدك وحيد لحالي
ترمي بي الايام من جال لجال
يا أبوي بعدك كل شيء جرالي
لا فادني عم ولا فادني خال
يا أبوي مابعدك محب وغالي
مات الغلا يا أبوي في كل الاحوال
يا أبوي كان المر وياك حالي
واليوم صار المر في القلب نزال
يوم انت بجنبي كنت داله وسالي
بالوقت ما ادري لنتعدل او مال
توي دريت بمحدثات الليالي
اثر لها يا أبوي لوعات وأهوال
أنا أشهد انك كنت عنها ظلالي
كنت الذراء والظل والحال والمال
واليوم مابه يم شوفك مجال
بيني وبينك حطوا حجار ورمال
ياقبر ياقبر الحزن والهيالي
ودي أضمك من يمين ومن شمال
لأنك تضم اللي على القلب غالي
اللي عليه الدمع بالخد همّال



كلمات الإعلامي الشاعر معيض الحارثي
أداء الشاعر راجح الحارثي
راقت لي


الله يرحمك يايبه ,,
ويرحم جميع موتى المسلمين