كلام في السيدة مثل ما يقولونالمشاركة الأصلية كتبت بواسطة captin
هذا هو الكلام الواقعي الصحيح
للأسف أقول اغلب ربعنا مب كلهم طبعا مب مال التزام وقعدة وتواجد بمقر العمل وانجاز
من واقع تجارب كثيرة الشاب او الشابة اول ما يلتحق بالعمل وخصوصا في الوزارات الحكومية الروتينية البيروقراطية
يلاقي بيئة من عدم الالتزام وبيئة من الاستهتار وعدم تحمل المسؤولية وينخرط في هاذي البيئة ونقول عليه السلام
خلاص ضاع مستقبله وبيتم طول عمره في نفس الفكر والوضع ولا راح يتقدم خطوة .
السوال هل نلوم هذا الموظف ام منظومة العمل الحكومية الروتينية البيروقراطية .
بالمقابل نلقى قطريين القطاع الخاص البنوك شركات التأمين الاتصالات قطاع انتاج النفط والغاز عندهم بيئة عمل مختلفة تماما
هذا قطري وهذا قطري وتقريبا اثنينهم يعيشون في ظروف اجتماعية متشابهة من ناحية الالتزامات الاسرية وغيرها .
عن تجربة فعلية انا تعاملت وترأست الفئتين من الموظفين القطريين وغير القطريين لقيت الاجنبي خصوصا الاسيوي
هندي باكستاني فلبيني وكذلك الأوروبي أو الامريكي ملتزم التزام تام من الصبح الى العصر ويتمد التزامه الى المساء يرد على الاتصالات
ويرسل ايميلات الى وقت متاخر من الليل يتابع معاك بالرسائل والواتساب امور الشغل ما عمره استاذن ما عمره غاب حتى وهو مريض
يجي الشغل واذا ما قدر ايجي تم يشتغل من البيت حتى بعض الاحيان اكلفهم السبت بشغل يجيون وينجزونه .
ربعنا خذ عاد الاعذار والحيل للخروج من الدوام والترتيب لسفرات الويكند الخميس صار يوم اجازة مبطن يعني ثلاث ارباع موظفي الوزارات اجازة
عارضة اللي في البر واللي في البحر واللي في دبي واللي في الحسا الخ.
صار كثير من المسؤولين والمديرين يعتمد على العنصر الاجنبي لهذا السبب يقول ابي شغلي يمشي ابي المعاملات تنجز ما ابي اعتمد على موظف او موظفة
وفجاة يقرر هذا الموظف انه ما يحضر لانه مواعد ربعه يسافرون مع بعض او لانه سهران مانام عدل البارحة او لان حضرتها راجعة الفجر من عرس او لانها بتسافر مع
اهلها دبي وقررت فليل وقالت باخذها عارضة بدون ما تخبر احد وعطلت الشغل اللي تحت يدها.
عشان نغيير اولا لازم نعترف انه في خلل ولازم نخلق ونعلم ثقافة الالتزام في مراحل مبكرة لازم الكل يعرف او الوظيفة ليست اعالة اجتماعية وليست حق
مكتسب للي يلتزم ويشتغل واللي ما يلتزم .
|
رد مع اقتباس
