قابلت خلال شغلي ناس ماسكين شغلات كمبيوتر مهمة وغالبيتهم عرب وآسيويين وفيه قطريين .. صدقوني أقل ما يقال عن خبراتهم 1 - 2 من 10 .. واحد مسكين ما يقدر يمشي من الكبر في السن وطباعة كتاب ياخذ معاه ساعات وكله أخطاء
واحد دوم يغلط .. أشغال يكتبها اشغال بدون همزة رحت له المكتب وحاولت اعلمه شلون يعدل الأخطاء بالمدقق الإملائي .. وهو كان ضخم ما شاء الله عليه .. مسكت الماوس وباحطه على زر التدقيق الإملائي ما خذت الا ماسك يدي وكأني باضغط على زر التفجير النووي وقال لي لا الكمبيوتر عهدة عندي .. قلت له انا اعرف شسوي ولا تخاف وأخيراً اقتنع وعلمته شلون التدقيق وشلون اضافة كلمات للقاموس .. كان الكيبورد عنده بدون حركات وعلمته وين يحصلها .. مسكين تم دوم يشكرني ويقول زين علمتني شيء ما كنت باعرفه.
في البيت بنتي الله يحفظها تسوي كل شيء طباعة وتنسيق وهي في الثانوي .. عيالنا هذي الأعمال البسيطة يتقنونها بسهولة وفيه منهم بحاجة الشغل بالشهادة الثانوية ليساعدون أهلهم ونفسهم لكن ما ادري ليش ندور الغريب.
حزات المشكلة بالقطري لين وظف غير قطريين.
ead.php?t=284476"]اندونيسيا كما رأيت يوليو 2009 بقلم بوخالد911 وتصويره[/URL]
[/COLOR]
سفرتي الى سنغافورة + استراليا + بانكوك 2008
سفرتي الى بانكوك مارس 2009
عشان نكون صريحين
من خلال سنوااااات في العمل الحكومي، مروا علي مسؤولين اشكال وألوان، بعضهم يحب يشغل (غير قطري) في شغلات معينة مثل السكرتارية او الطباعة والارشيف مثلاً تدرون ليش؟!
لان بعض الشباب الله يهديهم يحسب السالفة لعب عيال مب مصالح ناس.
في شغلات ما يستحمل فيها غياب وتأخير واستئذانات بالجملة. بعض الشباب الجو حلو غاب راح البر. الجو مطر ولا ضباب ما يداوم. راح الحسا في الويكند معناته الأحد ما يداوم. حد من فريجهم مرض راح زاره في المستشفى الصبح.
يطلع اجازة سنوية 45 يوم وعارضة 7 ايام يحللها حتى لو ما عنده عارض. وما ادري كم يوم مرضية، ومضبط مع دكتور. وكم مرة استئذان واذا داوم قام يفتر على المكاتب يسولف مع فلان وعلان، ويتريق ساعتين ويتقهوى عشر مرات.
الشغل مسؤولية، عشان جذي بعض المسؤولين يحب يشغل اجنبي مسكين محتاج وظيفته ويحرص عليها، ما يعتبرها (حق مكتسب ومحد يقدر يفنشني)
سبحان الله وبحمده
مو معناها انه في كم واحد يشتغل وكم واحد مايشتغل اجيب اجانب واشغلهم بمكان حساس مثل اللي قاله الاخ حرف !! لازم نتعظ من اللي صار في الكويت شوفوا الخلايا الارهابية والمخربين وين كانت مناصبهم ؟
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد