عرفت هذي الكباين تطلع لك اوراق بدون هدف بعدالمشاركة الأصلية كتبت بواسطة jwar
صحيح قمار والله
مره ولدي يبي يلعب قلت له لا بابا هذي مب زين
يشوف يهال يلعبون وتطلع لهم اوراق شكثر
يقولي شوف وايد اوراق
وهو في سن 4 سنوات
قلت له مب زين يايبه هذي الله تعالى يزعل عقب ويعصب علينا
احنا مسلمين مب زين
الله يبعد عيالنا عن هالالعاب ، ونصيحة اللي يقط عياله مع شغاله والا بروحهم عند الالعاب لازم ينتبه ترى محد يدري شيصير وشيلعبون ووين وصلوا في افكارهم
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد
نفس الشي اولدي عور راسي يبي يلعبها و رفضت يقول ليش قلت له هذي قمار
جزاك الله خير ع التوضيح
اشكثر وولدي يلعبها
اول مره اعرف انها قمار
ليش يحطونها وهم يعرفون انها قمار
ملاك المجمعات مايدرون؟؟؟
بيض الله وجهك و جزاك الله خير عالتنبيه المهم جداً
مثل هـ الألعاب لها وجود من زمان
كانت هناك اجهزة تدخل فيها نصوص و تلعب لعبة انك تشيل الحلويات الموجودة ب ( رافعة ) مصغرة
وانت و حظك ، يا انك تقدر تشيل شي
او انك تطلع منها خالي اليدين !
وهذا اللي طرحته تطور لما في السابق
كأنهم كانوا يتدرجون لين ما أوصلوا للي يبونه !!
ما ادري من الجهة المسؤولة بالضبط ، بس اتمنى اذا قدرت تبحث عنها و تتواصل معها و تفيدهم بهالموضوع
فبيكون الموضوع في حيّز اتخاذ الاجراءات
والله يبارك فيك
لا يزال .. لسانك .. رطباً .. من ذكر الله ..
اذكر الله !
موضوعك جداً مهم أخوي
و فعلاً هالألعاب موجودة بكثرة في المجمعات
الأطفال يلعبونها و يخسرون فلوسهم عشان يربحون
ما يدرون إن هالألعاب حرام
و هي في الأساس ( قمار ) ..
تعال فهم الطفل انها قمار و شوف ردة فعله ..!!
راح يقول لك اذا هاي قمار ليش موجودة عندنا
مب قطر بلد مسلم و المسلمين ما يلعبون قمار ..!!!!
هاي رد ولدي يوم قلت له عن هاللعبة
شفته مشتط و يقول لي ابي اربح آيفون ..!!
استغربت قلت له شلون قال يمه عبي لي البطاقة
توني معبيتها المفروض تكفيه يلعب في كل الألعاب
إنصدمت يوم شفته تارك كل شي وواقف قدام هاللعبة ..!!!
قلت له يا حبيبي
صحيح احنا مسلمين وقطر بلد مسلم الحمدلله
لكن بتحصل اشياء ما يسوونها المسلمين
قال اي كله من الكفار لأنهم ما يحبونا .. !!!
الحاااال ،،
و الأقدار ،،
والرزق مكتوب ،،
و ما جابته الأيام ..
لا شك خيره ~
جزاك الله خير اخوي ........... بالفعل هذي المكاين تعود الواحد على ادمان لعب القمار دون ان يشعر .........
اضرب لكم قصة حقيقية انا عايشتها بنفسي .... نسأل الله المغفرة
منذ سنوات كنت مغادر من مطار هيثرو وكان في جيبي مجموعة كبيرة من النقود المعدنية الانجليزية .... ووجدت منطقة للالعاب في المطار يوجد بها هالمكاين ...... تقريبا نفس هذي المكينة
وبما أن النقود مثقلة جيبي وكل شوي تخرخش ولا لي حاجة فيها لاني مغادر ورايح اركب الطائرة ..... لعبة في هالمكينة ورميت مجموعة من النقود المعدنية وربحت ..... وكل مرة اربح ارجع العب مرة ثانية وانا مستانس ....... ولكن للاسف مع تكرار اللعب قل ربحي بصورة كبيرة .... لين ما خسرت كل الي ربحته اضافة الى النقود الي استخدمتها في البداية ..... تكدرت وايد لاني خسرت ..... وقلت لازم اطلع فلوسي منهم ......... رحت للكاشير وقلت له يصرف لي ورقة من عشر جنيهات الى عملات معدنية ....... وقمت العب باستمرار .... لين ما راحت فلوسي كلها دون ان اشعر ........
استغفر الله العلي العظيم
التعديل الأخير تم بواسطة بومتعب ; 08-10-2015 الساعة 02:08 PM
العالم لعب قمار ف اروبا انا ع بالي غشمره ترى من صجهم وتحديات وجذي وعيال قبايل
صج مكار بقطر كروزر بوالين حتى زقاره مايشرب وهناك لعب قمار ويشرب شسمه
انا مادي هل لانهم تاثروا بالغرب او هم خمه الله اعلم
يعني تقصد يانفسي عزيزه ان السفرات هذه وراها بلاوي بتدخل علينا في المجتمع ؟؟العالم لعب قمار ف اروبا انا ع بالي غشمره ترى من صجهم وتحديات وجذي وعيال قبايل
صج مكار بقطر كروزر بوالين حتى زقاره مايشرب وهناك لعب قمار ويشرب شسمه
انا مادي هل لانهم تاثروا بالغرب او هم خمه الله اعلم
يعني يتعلمون من السفر هذه الشغلات ؟
بالظبط
الله يستر علينا ياحسن بالذيب
ضوابط المشاركة
رد مع اقتباس
