التأمين الصحي

[<اضرب واشرد>]

أنا عندي تأمين أكسا و عالجت أسناني
بصراحة تأمين صحة أفضل ..
ما تنتظر الموافقة و لا تتأخر ..
حتى باقي الفحوصات صحة أسرع
لأنك ما تحتاج إنهم يخاطبون التأمين ..
و سالفة اللعبة في العلاج إن الواحد يسوون له
أشياء مب محتاجها أقول لكم سلامتكم
كل شخص يتعالج يراجعون فواتيره
و لازم تشخيص لكل شي يسويه ..
مب بس تعال و إشتغل و التأمين بيدفع ..
يدققون على الفواتير ..

الله يعز حكومتنا ..

كيف أختي؟ هناك خلل:

عطوني ورقة طويلة عريضة بالانجليزي وقالوا وقع، وقعت بسرعة بدون لا أقراها.
المفروض يعطون المريض ورقة بالعربي، ومختصرة وواضحة، - عملنا لك فحص على كذا - نظفنا لك كذا ((وقع))

أما الكلام الزايد وبالانجليزي، الكل يوقع ولا يدري شالمكتوب، الحين الصحة يوم تراجع التقارير ماتراجع هذي الأوراق اللي أقرها المريض؟ طيب لوفيها تلاعب وزيادة ما انتبه لها المريض بسبب اللغة الانجليزية أو لطول الكلام؟

[عضو دائم]

بما ان الموضوع حول التأمين الصحي لدي سؤال : ماهي المراكز او المحلات المعتمدة لدى التأمين الصحي للنظارات غير المغربي الي عنده فكرة عن الموضوع لا يبخل علينا لانه الحقيقة حصلي موقف سلبي من مركز المغربي للعيون لسؤ معاملاتهم واستقلالهم للعميل واخذت قرار لعدم التعامل معهم ..

[حسن]

عندك نظارات الجابر
مره شريت نظاره ودفعت فرقيه عليها

[<اضرب واشرد>]

كيف أختي؟ هناك خلل:

عطوني ورقة طويلة عريضة بالانجليزي وقالوا وقع، وقعت بسرعة بدون لا أقراها.
المفروض يعطون المريض ورقة بالعربي، ومختصرة وواضحة، - عملنا لك فحص على كذا - نظفنا لك كذا ((وقع))

أما الكلام الزايد وبالانجليزي، الكل يوقع ولا يدري شالمكتوب، الحين الصحة يوم تراجع التقارير ماتراجع هذي الأوراق اللي أقرها المريض؟ طيب لوفيها تلاعب وزيادة ما انتبه لها المريض بسبب اللغة الانجليزية أو لطول الكلام؟

هـــــــــاك يافرج:

تدرون شنو الاغرب ؟؟

امس حماتي جايها مسج تلقي الخدمة في مركز من المراكز الطبية ، وهي معاي بالسيارة ومع عيالنا ويوم اتصلت يقولون لها واحد اسمه ظفر دش باسمج ، ياعيال الحلال اشلون ماعندي ولد اسمه ظفر اهني وهناك خلاص اختي بنلغي اسمه من السيستم بكل بساطة انزين والخدمة اللي تلقاها ؟ مب بفلوس ؟ منهو اللي قاعد يتلاعب فينا يارب يعلقونه بالمشنقة

نفس الشي صار لي و اتصلت فيهم قالوا بالغلط و بنلغيه.. سكرت منهم و اتصلت في التأمين و بلغتهم و تواصلوا مع المستشفى

[الزلزال]

بختصار
مافيه مراقبه ولا تدقيق من قبل الصحة
على المراكز الطبية و العيادات الخاصة

[شبعان]

انا ماستبعد ان هناك فساد في شركة "التأمين الصحي"؟؟
اقصد احتمال ان هناك موظفين في الشركه يمشون هالاسعار الناريه مقابل الحصول على عموله؟؟؟؟
والا ماهو تفسيركم للاسعار الناريه لمعظم الخدمات؟؟

مثال:
استئصال اللوز
السعر للتأمين الصحي(الحكومي) : 22,000 ريال
متوسط السعر لشركات التأمين الاخرى : 7,200 ريال
الفرق تقريبا 200% !!!؟؟؟؟


وين الجهات الرقابيه في الدوله عن هالاستزاف للمال العام؟؟؟

[qatara]

واضح من كلامك انه لابد ان يكون هناك هدف او مصلحه ما

يمكن الاجراء في الدفع اسهل او ان الشركه لها شروط وموصفات تقيد هذا الطبيب مافيه تلاعب

[qatara]

عندي سوال

هل يستخدم غير القطريين بطاقة القطريين للعلاج

فما مدى احتماليه حصول ذالك ؟

وما الاجراء لمنع هذا التلاعب اذا وجد

[الزلزال]

اعتقد الموضوع بسيط
يعدلون في قوانين الصحة و تصير نفس شروط شركات التأمين العالمية
يعني نفس التدقيق و الشروط و العمل بها