هوشة حامية بين متزلجين بمركز تجاري

[بصمة قطرية]

لازم في كل مجمع تجاري يكون في مكتب للشرطة
هالشي صار ضروري
الهوشات كثرت ..
و أمن المجمعات ما يسوون شي أبد
بس متفرجين حتى ما يبلغون ..
صدقوني لو كان في مكتب خاص بالشرطة في كل مجمع
كان ما صارت هوشات و لا شفنا تحرشات و بلاشي ..
لازم يتخذون هالخطوة
صرنا نخاف على عيالنا من هالهوشات ..

[معماري قطري]

ولدك مش غلطان وخلفيته يتعذر من الغلطان !! بتصرفك الأصيل هذا ارتفع قدرك اكثر حفظ الله ولدك ،،،

الله يرحم والديك الصراحة الغلط من البداية من الشرطة .. تحقيق بسيط في الواقعة بيبين إن المشتكي ما له حق يشتكي وهو غلطان .. لكنهم استعجلوا كالعادة عندهم الشاب هو الغلطان والكبير مغلوط عليه .. والقطري غلطان وغيره لا هو صاحب الحق.

باشرح الوضع أكثر حتى الكل يفهم .. تقاطع فيلاجيو وحياة بلازا فيه مخرج من مواقف حياة بلازا للي بيروح للاشارة وبعدين يقدر ياخذ اقصى اليسار ويروح الدوحة سيدين يمكن وسيدين سيدة صوب العزيزية وواحد أقصى اليمين يلف يمين.

هذا طالع في الزحمة ويبي يقطع جدام الكل ويروح الدوحة وولدي ضايقه غصب عنه بسبب الزحمة واحتد يروح سيدة .. تم يلاغي وسجل رقم السيارة وبلغ عنه .. سحبوا سيارته ثاني يوم في الليل وثالث يوم رحت معاه للتحريات وشرحوا لي الموضوع .. قلت يا ناس الغلط واضح غلط من وشرحت للضابط والضابط قال خلاص هو استدعيناه وجاي الحين .. جاء الرجال وكان كبير وطيب من شكله يبين .. عاد انا قلت له انت تسوق شكلك بعقلية سواقين البلاد الفلانية .. وانا عارف سواقتهم هناك كل واحد عنده قانون مرور خاص به وكله هو صح والباقي غلطانين.

والظابط ما قصر يوم عرف السالفة عدل وقال للعربي الغلط منك ولو يبون هم قضية بتطيح انت في مشكلة .. مسكين الرجال الكبير صج حس بغلطته وانا بس من سمعت الضابط يوبخه قلت حق ولدي سلم عليه واعتذر منه .. مواضيع كثيرة والله ما تسوى .. ودوم الكبير اللي مع عياله وهله لو من يكون له احترام وتقدير.

كم واحد منا يتنرفز ويغلط ويمكن يتمادى بس بعد فترة يراجع نفسه ويتمنى ما سوى اللي سواه .. مره غصب غلطت على واحد بكلمة قوية لأنه كان ساد الطريق بسيارته ومشيت ووقفت بسيارتي وكنت بانزل الا واقف عند باب سيارتي الثاني وياشر لي افتح الجامة فتحتها وطالعني وقال انت كبير ومحترم وتقول لي هالكلمة وكانت ما ابالغ عيونه تدمع من القهر .. بس خلص كلامه وبيروح .. ناديته ومديت يدي له وقلت له سامحني انا غلطت .. والله مسكين سلم علي وقال صدقني عاذرك بس المكان وسيع وكم سيارة مرت لكن اللي جدامك كان خايف يمر وهذا اللي ما انتبهت له من العصبية .. المهم الرجال ابتعد عني ما في نفسه شيء علي.

[معماري قطري]

لازم في كل مجمع تجاري يكون في مكتب للشرطة
هالشي صار ضروري
الهوشات كثرت ..
و أمن المجمعات ما يسوون شي أبد
بس متفرجين حتى ما يبلغون ..
صدقوني لو كان في مكتب خاص بالشرطة في كل مجمع
كان ما صارت هوشات و لا شفنا تحرشات و بلاشي ..
لازم يتخذون هالخطوة
صرنا نخاف على عيالنا من هالهوشات ..

مكتب مجهز بكم شرطي مستعدين للتدخل السريع وكلبشات عندهم وصاعق كهربي للحاجة

نفس الشيء مهم تكون فيه نقطة اسعاف ونقطة اطفائية

[بانغ بانغ]

مكتب مجهز بكم شرطي مستعدين للتدخل السريع وكلبشات عندهم وصاعق كهربي للحاجة

نفس الشيء مهم تكون فيه نقطة اسعاف ونقطة اطفائية

دبي مول اللي يعتبر من اكبر واهم المراكز التجارية في المنطقة فيه مركز للشرطة

احنا بكره مقبلين على كأس العالم وراح ايكون فيه سكارى ومشاغبين من الجماهير والغوغائيين

ايش بيوون عجل