حد مثلي بات مشجنه .............. حلم طيف مر خطااافي
واغتنم من وجدي الونه .............. يوم كل بالكرى غافي
جرح في جاشي مخفنه............. والخوافي ضربهم خافي
لي محب مني ومنـــــــه ............ حب مثل الجوهر الصافي
ليت باينقلّي المنــــــــه............ جان قدره عنديه وااافي
والوفا من فني وفنـــــــــه ........... بينا مايمشي اخلافـــــي
حيث لنه في العرب سنه............ خص عند الناس الاشرافي
يانديمي وصلكم جنــــــــه........... والبخت لي هوب مسعافي
حاليه يازين مدعنـــــــــــه ............ من ودادك منقل الحافي
لاتتخيب فيك من ظنـــــــه............ خير وانتوا حق وانصافي
انت فرضي لي مصلنـــــــه ...........وانت وردي وانته اتلافي
يعل يود السحب المدنــــــــه ............ لي برقها بات رفافــــي
والرعود مسويه حنـــــــــــه ............ هل واسقى ذيج الاطرافي
لين ينبت وين واطنـــــــــــه ............ بالزهور معزل الجافي
بوخدود فوعة اسمنــــــــــــه ............ يسفرن من شيل الارهافي
جان جتلي مستحلنـــــــــه .......... لو على جتلي انا شافي
حد مثلي بات مشجنـــــــه ........... حلم طيف مر خطافي

عوشه السويدي ( فتاة العرب)